Landssamband eldri borgara mótmælir því harðlega að sett verði á komugjald í sjúkraþjálfun, eins og heilbrigðisráðherra hefur boðað frá 1. september næstkomandi.

Í Fab Lab Húsavík er þessa dagana verið að ljúka uppsetningu á glæsilegri kennslu, hönnunar og rafíþróttaaðstöðu sem mun nýtast bæði til kennslu, þjálfunar og skapandi verkefna. Aðstaðan verður sameiginlegur vettvangur fyrir Borgarhólsskóla, Framhaldsskólann á Húsavík, íþróttafélagið Völsung, Fab Lab smiðjuna og almenning.

Háskólinn á Akureyri hefur hlotið um 200 þúsund evrur, jafnvirði um 30 milljóna króna, í alþjóðlegt rannsóknarverkefni innan Northern Periphery and Arctic (NPA) áætlunarinnar. Heildarfjármögnun verkefnisins nemur rúmlega 1 milljón evra. Rannsóknaraðilar frá Íslandi, Finnlandi og Írlandi vinna saman að þróun nýrra lausna sem eiga að bæta aðgengi að heilbrigðisþjónustu í dreifbýli og á norðurslóðum.

Skipulagsráð hefur samþykkt að gera tilraun með nýtt biðsvæði fyrir leigubíla í miðbæ Akureyrar. Tilraunin gildir til 1. október 2026 og er markmið hennar að bæta aðgengi að leigubílaþjónustu í miðbænum.

Sumarbúðir Íþróttasambands fatlaðra á Laugarvatni hafa verið starfræktar í fjóra áratugi og alla tíð notið mikilla vinsælda. Markmið sumarbúðanna er að bjóða fötluðum einstaklingum upp á skemmtilega samveru, hreyfingu, útivist og félagslíf í góðu og öruggu umhverfi.

Skipulagsráð Akureyrarbæjar leggur til að hafið verði formlegt ferli við breytingu á aðalskipulagi fyrir hluta Hrísalundarsvæðisins. Tillagan nær að lóðunum Hrísalundi 1, 3 og 5 og felur í sér að svæðið fái breytta landnotkun sem skapi aukin tækifæri til blandaðrar byggðar.

Í tilkynningu frá Björgunarsveitinni Garðari rétt í þessu kemur fram að sveitin hafi verið kölluð út þegar bátur strandaði á skeri rétt utan við Húsavík

„Við stefnum á að safna 5000 undirskriftum,“ segir María Pálsdóttir hælisstýra á Hælinu, setri um sögu berklanna en hún setti af stað undirskriftalista á dögunum vegna stöðunnar á Kristnesi. Þar er skorað á stjórnvöld að bjarga endurhæfingunni á Kristnesi með því að bregðast við án tafar og tryggja fjármagn til nauðsynlegs viðhalds og uppbyggingar á Kristnesi svo ekki þurfi að draga úr eða leggja niður starfsemina. Listinn er í gangi á island.is og hægt að rita undir áskorun til loka þessa mánaðar.

Fyrsti hópurinn með meistaragráðu í ráðgjöf í málefnum fólks með heilabilun brautskráðist frá hjúkrunardeild Háskólans á Akureyri nýverið.

Hríseyjarhátíðin fer fram um komandi helgi og stendur frá föstudegi til sunnudags. Boðið er upp á fjölskylduvæna dagskrá sem felst m.a. í garðakaffi, óvissuferðum um eyjuna, fjöruferð, kvöldvöku, varðeld og söng.

Á lungnamóttöku Sjúkrahússins á Akureyri stendur nú yfir metnaðarfullt tilraunaverkefni um fjarvöktun einstaklinga með langvinna lungnasjúkdóma sem hjúkrunarfræðingar sinna.  Verkefnið hófst í febrúar og stendur yfir í eitt ár. Markmið þess er að nýta stafrænar heilbrigðislausnir til að efla þjónustu, auka öryggi sjúklinga og styðja við sjálfstæði þeirra í daglegu lífi.

Í þónokkurn tíma hef ég tekið til varna og jafnvel dáðst af umbótum alþjóðaknattspyrnusambandsins FIFA eftir hneykslismál 2015. Sambandið hefur frá þeim tíma stórbætt alla sína stjórnarhætti, stóraukið gagnsæi í allri ákvarðanatöku og upplýsingagjöf, sett á laggirnar ítarlegar siðareglur og hlítnireglur og stóreflt allt samráð við hagsmunaaðila. Nú lítur út fyrir að þeirri vegferð hafi verið siglt í strand og það illilega.

Ásgeir Örn Jónsson, sérfræðingur í bráðalækningum, hefur verið ráðinn forstöðulæknir bráðalækninga á Sjúkrahúsinu á Akureyri.

Akureyrarklíníkin í samvinnu við Landspítala tekur þátt í nýju alþjóðlegu rannsóknaverkefni um ME sjúkdóminn sem hlotið hefur styrk úr rannsóknaráætlun Evrópusambandsins, Horizon Europe. Verkefnið markar mikilvæg tímamót í evrópsku samstarfi um lífvísindarannsóknir á ME og sameinar vísindafólk, heilbrigðisstarfsfólk og fulltrúa sjúklinga frá meira en tuttugu rannsóknastofnunum í Evrópu og Kanada.

Viðburðurinn mömmur og möffins fellur niður í ár, en hann hefur verið árlegur frá 2010, fyrst í Lystigarði og undanfarnar tvær verslunarmannahelgar á Ráðhustorginu.

Umhverfis- og mannvirkjaráð hefur samþykkt að ráðast í framkvæmdir við fjölgun bílastæða í Hlíðarfjalli. Á fundi ráðsins var lagt fram minnisblað, dagsett 3. júlí 2026, um fyrirhugaðar framkvæmdir við landmótun og bílastæði á svæðinu.

Sveitarstjórn Þingeyjarsveitar hefur ráðið Katrínu Sigurjónsdóttur í starf sveitarstjóra Þingeyjarsveitar

Tillaga um breytingu á deiliskipulagi athafnasvæðis sunnan Hlíðarfjallsvegar er nú auglýst og kostur gefin á að senda inn athugasemdir til og með 5. ágúst 2026. Um er að ræða stækkun á skipulagssvæðinu vegna uppbyggingar gagnavers atNorth.

Veganestið er greinaflokkur á vegum Góðvina Háskólans á Akureyri þar sem tekin eru viðtöl við útskrifaða stúdenta Háskólans á Akureyri

Selja á allt að 15 íbúðir í eignasafni félagslegra leiguíbúða Akureyrarbæjar, en þær þykja óhentugar. Bæjarráð hefur samþykkt að skoða eignasafnið í samhengi við það að fjölga íbúðum af þeirri stærð sem mest eftirspurn er eftir, huga betur að félagslegri blöndun í hverfum og endurnýjun á íbúðum í lyftulausu og óhentugu húsnæði.

Nýr eldaskáli í Vaglaskógi var formlega tekinn í notkun föstudaginn 26. júní. Fjöldi manns lagði leið sína í Vaglaskóg milli klukkan tvö og fjögur og kveikt var upp í nýja eldaskálanum sem verið hefur í smíðum í skóginum undanfarin misseri.

Nù þegar sumarið stendur sem hæðst og Reynitréin skarta svo miklum blómum að kona fer að gleðjast yfir yfir komandi litríku hausti, þá er henni hugsað til vináttunnar.

Menningarhátíðin Mannfólkið breytist í slím verður haldin dagana 16.–18. júlí í iðnaðarhúsnæði við Dalsbraut á Akureyri. Listasamsteypan MBS stendur að hátíðinni, sem hefur verið haldin frá 2018.

Samþykkt hefur verið að flýta framkvæmdum við seinni áfanga leikskólans Hagasteins og er það gert vegna óska verktakans, Húsheildar Hyrnu. Fyrirtækið hefur lagt fram breytta framkvæmdaáætlun sem gerir ráð fyrir að seinni áfangi verði tilbúinn í janúar 2027 og fullnaðarfrágangur lóðar þá um vorið.

Lionshreyfingin tekur þátt mörgum norrænum samstarfsverkefnum og er Orkester Norden eitt þeirra. Anna Fr. Blöndal fyrrverandi fjölumdæmisstjóri Lions á Íslandi segir söguna ná aftur til ársins 1986 þegar þáverandi alþjóðaforseta var falið að finna samnorrænt verkefni fyrir fólk á aldrinum 15 til 25 ára. Forsetinn sem var skólastjóri tónlistarskóla réri strax á þau mið að sameina ungt fólk í tónlist með því að koma á laggirnar sinfóníuhljómsveit í hæsta gæðaflokki. Hljómsveitin var formlega stofnuð fáum árum síðar eða 1993.

Bæjarráð hefur samþykkir að fyrirhuguð hækkun launa kjörinna fulltrúa og bæjarstjóra, sem taka átti gildi 1. júlí 2026 samkvæmt þróun launavísitölu, falli niður.

Sveitarstjórn Hörgársveitar hefur samþykkt nýjar reglur um heimgreiðslur til forráðamanna barna.