Fréttir

Jarðvegframkvæmdir eru hafnar við nýtt Hjúkrunarheimili á Húsavík

300 hlauparar þeystu um götur Akureyrar í gær í Akureyrarhlaupi atNorth en það er aukning frá síðasta ári sem einnig var metár. Að venju var boðið upp á þrjár vegalengdir hálfmaraþon, 10 km og 5 km. Flestir keppendur voru í 5 km 144 hlauparar, 115 hlupu 10 km og 33 hálfmarþon sem var jafnframt Íslandsmeistaramót í greininni.

Að halda sívaxandi fótboltamót í fjóra áratugi með miklum glæsibrag er mikið afrek. Aðstandendur N1-mótsins, foreldrar og forráðamenn barna og ungmenna eiga því miklar þakkir skilið fyrir hversu vel hefur tekist til. Mótið er fyrir löngu orðið einn af hápunktum sumarsins á Akureyri og um leið einn af stærstu árlegu íþróttaviðburðum landsins.

Vaðlaheiðargöng hf. standa á tímamótum nú þegar félagið breytist í innviðafélag með víðtæka skírskotun. Það er við hæfi að staldra við vegna þess að saga þessa félags er saga um hugmyndafræði sem margir hafa efast um, en hefur sannað sig rækilega.

Þórsarar stóðu fyrir söfnun á dögunum  til styrktar  góðum félaga Gesti Arasyni en  hann greindist  með bráða hvítblæði í mai s.l.  Söfnunin fór þannig fram að framleiddar  voru sérstakar treyjur sem  hægt var að kaupa. 

Óhætt er að segja að vel hafi verið tekið í þetta magnaða framtak  því tæplega 800 treyjur seldust á  innan við 48 klst.

Á Norðurlandi eystra sjá fyrirtæki sérstök vaxtartækifæri í markaðssókn og gervigreind og virðast tilbúin að nýta þau. Á sama tíma halda nýsköpun og fjárfestingargeta sér nokkuð vel í samanburði við höfuðborgarsvæðið.

„Gangan var frábær, þetta var notaleg stund og ég er glaður yfir áhuganum,“ segir Ingi Jóhannsson framkvæmdastjóri Skógræktarfélags Eyfirðinga sem efndi til skógargöngu um Kristnesskóg. Þátttakendur voru á bilinu 70 til 80 talsins.

Bæjarstjórn Akureyrar gerir ekki athugasemd við að lyfsöluleyfi fyrir nýja lyfjabúð að Sunnuhlíð 12, sama húsnæði og HSN er í, verði veitt.

Ný stjórn SSNE kom saman til síns fyrsta fundar í gær, þar var m.a. samþykkt eftirfarandi ályktun um uppbyggingu millilandaflugs um Akureyrarflugvöll.

Eimskip og Drift EA hafa gert með sér samstarfssamkomulag sem miðar að því að efla frumkvöðlastarf, nýsköpun og uppbyggingu nýrra fyrirtækja á Norðurlandi. Með samkomulaginu verður Eimskip bakhjarl Driftar EA og tekur þannig virkan þátt í að styrkja stuðningsumhverfi sprota- og vaxtarfyrirtækja á svæðinu.

 Fimm tilboð bárust í byggingu nýrra stúdentagarða við Norðurslóð og átti fyrirtækið K16 ehf lægsta boð. 

N1 mót KA verður haldið í fertugasta sinn á Akureyri dagana 1.-4. júlí. Á sama tíma fer Pollamótið fram á íþróttasvæði Þórs.

N1 mótið verður haldið í fertugasta sinn á Akureyri dagana 1.–4. júlí. Áætlað er að um 1.700–1.800 keppendur frá um 40 knattspyrnufélögum taki þátt í mótinu í ár og að leiknir verði hátt í eitt þúsund leikir á fjórum dögum.

Eignin að Hamragerði 15 fór á nauðungaruppboð í september síðastliðinn vegna ógreiddra dagsekta. Tiltekt fór fram á lóðinni í kjölfarið, en svo virðist sem hlutir séu að færast til fyrra horfs hvað slæma umgengni varðar.

Fyrsta skóflustungan að byggingu nýrrar viðbyggingu við leikskólann Álfaborg var tekin nýverið. Við það tilefni voru samankomin starfsmenn og nemendur leikskólans sem fögnuðu þessum mikilvæga áfanga og fengu að taka þátt.

Þegar talað er um innviði samfélagsins hugsum við gjarnan um vegi, skóla, heilbrigðisþjónustu, samgöngur, hjúkrunarheimili o.s.frv. Allt eru þetta nauðsynlegir innviðir sem við viljum efla og byggja upp. En við eigum það til að gleyma öðrum innviðum sem eru ekki síður mikilvægir, þótt þeir sjáist ekki á korti eða í fjárlögum. Það eru tengslin á milli fólks

Skógarböðin og Golfklúbbur Akureyrar afhentu í dag Matargjöfum Akureyrar og nágrennis styrk að upphæð 500.000 krónur, sem safnaðist í góðgerðarhöggi við Skógarböðin.

Nú er búið að opna  gamla veginn yfir Vaðlaheiði en án efa er þessi leið mörgum kær  í minningabankanum og  er klárt  mál að fjölmargir gera sér leið yfir ,,Heiðina" og hafa þá jafnvel með sér nesti eins og tíðkaðist forðum, Mix  og Congastykki jafnvel.

Ég er lánsamur maður að mínu mati. Eitt að því sem gerir mig lukkulegan er sú magnaða staðreynd að ég er orðin afi, átta sinnum hef ég fengið nýjan einstakling í fangið og kynnt mig sem afa fyrir Íslendingi sem vonandi á eftir farnast vel á lífsleiðinni.

Framsýn minntist kvennaársins 2025 með gjöf á fimm sætisbekkjum til samfélagsins og var þeim komið fyrir í sjávarbyggðum á félagssvæðinu.

Framkvæmdum við varanlegt geymslusvæði á vegum Skútabergs á Moldhaugnahálsi er enn ekki lokið og hafa því engir hlutir verið fluttir inn á svæðið. Við vettvangsskoðun fyrr í júní var staðfest að framkvæmdir eru hafnar að nýju, en töf varð á jarðvinnu um tíma vegna frosts í jörðu.

Skapandi tónlistarsmiðjan Töfrar Tónakistunnar sem haldin var á Akureyri í apríl síðastliðnum verður endurtekin í sumar ,eða dagana 21.–23. júlí í Glerárkirkju á Akureyri. Smiðjan er á vegum Tónakistunnar, lítils fyrirtækis sem sérhæfir sig í fjölbreyttri tónlistarvinnu í hópum

Þann 17. mars sl.l. voru liðin 125 ár frá stofnun Kvenfélags Svalbarðsstrandar og á morgun sunnudag milli kl 13-16 býður félagið til veglegrar fjölskylduhátíðar í tilefni þessara tíammóta við Vitann á Svalbarðseyri.

„Sveitarfélagið á mikilla hagsmuna að gæta og þessi óvissa sem ríkir um áframhaldandi starfsemi er því bagaleg,“ segir Hermann Ingi Gunnarsson oddviti í Eyjafjarðarsveit. Ákveðið hefur verið að færa starfsemi endurhæfingarþjónustu SAk úr húsnæði sínu á Kristnesi um óákveðinn tíma. Ákvörðunin er tekin í kjölfar ítarlegrar skoðunar og greiningar á húsnæðinu sem leiddi í ljós að það er, í núverandi ástandi, óhæft til notkunar fyrir heilbrigðisþjónustu.

Nú er unnið er að því að koma dag- og göngudeildarhluta þjónustunnar fyrir í nýju húsnæði að á Akureyri, sem er 815 fermetrar að stærð. Stefnt er að því að starfsemi hefjist þar í september og að þar verði hægt að veita allt að 20 skjólstæðingum þjónustu á dagdeild og göngudeild. Þá munu sex legurými fyrir endurhæfingarsjúklinga verða tekin í notkun á skurðlækningadeild SAk frá og með 4. ágúst.

Hjálmar Bogi Hafliðason er nýr formaður Völsungs