„Viðbrögðin eru mjög góð og bókanir fara vel af stað,“ segir Arnar Friðriksson framkvæmdastjóri Norlandair á Akureyri, en félagið tekur næsta mánudag, 16. desember við áætlunarflugi milli Reykjavíkur og Húsavíkur. Fyrsta ferðin verður á miðvikudag, 18. desember. Flugið verður þjónustað af Icelandair á Reykjavíkurflugvelli

Á árinu 2024 fóru 112.666 manns í hvalaskoðunarferðir frá Húsavík sem er um 15% samdráttur frá árinu 2023 sem var stærsta árið frá upphafi siglinga. Helsta ástæða samdráttar á milli ára er að fyrirtækin þurftu að fella niður mikið af ferðum vegna óvenjulegs tíðarfars undangengið sumar. Þróun farþegafjölda frá árinu 2016 má sjá á meðfylgjandi stöplariti. Fjögur fyrirtæki hafa boðið uppá í hvalaskoðunarferðir á þessu ári.

Í síðustu viku fóru fram hermiprófanir á rýmum vegna fyrirhugaðrar nýbyggingar við Sjúkrahúsið á Akureyri (SAk). Prófanirnar tóku meðal annars til sjúkrastofu, salernis á sjúkrastofu, lyfjaherbergis og skolherbergis. Hugtakið „hermun“ er íslensk þýðing á enska orðinu simulation og er notað um þessa aðferð.

Á fundi stjórnar Hafnasamlags Norðurlands í gær kom fram í máli hafnarstjóra að í stefndi að nokkur fækkun yrði á komum skemmtiferðaskipa til hafna sem lúta stjórn samlagsins eða um tæp 17%

Fyrsta húsið er risið í nýju Móahverfi á Akureyri. Það er fjölbýli og stendur við Laugarmóa 1. Alls verða í húsum við Lautarmóta 1 – 3 og 5 50 íbúðir með sameiginlegum bílakjallara. Áætluð afhending íbúðanna er 2026.

Eyþór Ingi Jónsson, organisti við Akureyrarkirkju ætlar að halda aðra tónleika sína í litrófstónleikaröðinni á laugardag, 14. desember kl. 12.

Umfjöllun um efnisskrána hefst kl. 11.45

Umhverfis- og mannvirkjaráð Akureyrarbæjar hefur samþykkt að óska eftir viðauka við fjárhagsáætlun 2024 við liðinn snjómokstur og hálkuvarnir upp á 60 milljónir króna.

Akureyrarbær hefur samþykkt að auglýsa eftir kauptilboði í 25 einbýlis- og þrjár raðhúsalóðir í Móahverfi.

Kona á rúmlega miðjum aldri heyrði um daginn lag Baggalúts um konu sem helst vill tékka sig inn á hótel á aðfangadag. Aldrei áður hafði ég lagt mig fram um að hlusta á textann sem talaði beint til mín  fyrir um tuttugu árum. Ef ég hefði heyrt hann þá er ekki ólíklegt að ég hefði pantað mér hótelherbergi um jólin.

Ívera íbúðafélag, áður Heimstaden, hefur gengið frá samningum við dótturfélag KEA um kaup hins síðarnefnda á um 120 íbúðum Íveru á Akureyri. Kaupverð eignanna er rúmir 5 milljarðar króna.

Ívera hefur nýverið gefið út áform um tvöföldun á eignasafni sínu sem er í dag um 1.600 íbúðir. Sala eignanna á Akureyri er liður í endurskipulagningu eignasafnsins og styrkir undirstöður félagsins fyrir frekari vöxt. Í viðræðunum lögðu Ívera og KEA áherslu á áframhaldandi húsnæðisöryggi fyrir leigutaka íbúðanna en stefna KEA er að reka íbúðasafnið til langs tíma og stefnir félagið á frekari vöxt á þessu sviði. Því munu viðskiptin ekki að hafa neikvæð áhrif á núverandi leigutaka. Viðskiptin marka brotthvarf Íveru af íbúðamarkaði á Akureyri og félagið stefnir ekki á frekari umsvif þar í náinni framtíð.  Stefnt er að afhendingu eignanna fyrir jól.

---

Góð reynsla hefur verið af símafríi í grunnskólum Akureyrarbæjar síðan símasáttmáli var innleiddur í upphafi skólaársins. Reglurnar kveða á um að símar eru ekki leyfðir á skólatíma, hvorki í skólanum né á skólalóðinni, en unglingastigið fær að nota síma í frímínútum á föstudögum.

Umhverfisstofnun, ásamt 22 samstarfsaðilum, hefur hlotið um 3,5 milljarða króna styrk frá Evrópusambandinu til að vinna að fjölbreyttum verkefnum til að flýta fyrir og bæta innleiðingu vatnaáætlunar á Íslandi.
Verkefnið ber yfirskriftina LIFE ICEWATER og er ætlað að: 

Loftgæði á Akureyri eru slæm í dag vegna mikils svifryks, sem stafar af hægum vindi, stilltu veðri og mengun. Þau sem eru viðkvæm fyrir, svo sem aldrað fólk, börn og einstaklingar með viðkvæm öndunarfæri, eru hvött til að takmarka útivist og áreynslu, sérstaklega nálægt fjölförnum umferðargötum.

Barnadeild Sjúkrahússins á Akureyri (SAk) hefur fengið nýjan og fullkominn hitakassa af gerðinni Babyleo frá Dräger. Kassinn leysir af hólmi eldri gerð sem komin var til ára sinna og ekki lengur hægt að fá varahluti í. 

Nýi hitakassinn er bæði notendavænn og auðveldur í umgengni og mun nýtast afar vel á hágæslu nýbura á barnadeildinni. Á deildina leggjast inn veikir nýburar og fyrirburar sem fæddir eru eftir 34 vikna meðgöngu og eru hitakassar lykilbúnaður í meðferð þeirra.

Fyrstu önn Leiklistarskóla Draumaleikhússins lauk um helgina með nemendasýningu í Deiglunni.  Sýningin; Elísabet Scrooge - Alein á jólum var sýnd  og var hún lokapunktur af 12 vikna námskeiði á 1.stigi. 

,,Það er svo misjafnt sem mennirnir hafast að“  segir í Hótel Jörð  Tómasar Guðmundssonar og það má etv heimfæra upp á þá stöðu sem uppi er í veðrinu?   Sumir vilja snjó strax og mikið af honum,  meðan aðrir  fagna hverjum degi í snjóleysi. 

Í haust stóðu yfir framkvæmdir á borholu SE-01 á Svalbarðseyri. Hola SE-01 er 928 metra djúp og upp úr henni rann sjálfrennandi vatn, um 4,6 l/s og 55°C heitt. Holan var notuð fyrir hitaveitu Svalbarðseyrar allt til ársins 2003, en þá var lögð stofnlögn frá Brunná að Svalbarðseyri og hefur því vatn frá Laugalandi þjónað Svalbarðsstrandarhreppi síðan. Eftir það hefur hola SE-01 eingöngu verið notuð fyrir bæinn Svalbarð.

Þann 1. nóvember síðastliðinn tók Bergur Jónsson við sem nýr yfirlögregluþjónn hjá embættinu. Bergur er fæddur og uppalinn Akureyringur og hefur starfað sem lögreglumaður frá árinu 1995, bæði sem rannsóknarlögreglumaður, lögreglufulltrúi og varðstjóri í sérsveit.

Alls tóku 33 einstaklingar í Eyjafjarðarsveit þátt í átakinu Syndum sem fram fór í nóvember. Átakið var á vegum ÍSÍ og var því ætlað að hvetja landsmenn til að nýta sundlaugar landsins til hollrar hreyfingar.

Þingeyjarsveit og Brák íbúðafélag hses. stefna á uppbyggingu á hagkvæmum leiguíbúðum í Mývatnssveit og auglýsa því eftir byggingaraðilum til samstarfs.

Fyrirhugað er að Brák verði þátttakandi í byggingu á tveimur íbúðum þar sem íbúðir Brákar verði annars vegar 65 fermetrar og hins vegar 95 fermetrar að stærð.

Þingeyjarsveit og Brák íbúðafélag hses. stefna á uppbyggingu á hagkvæmum leiguíbúðum í Mývatnssveit og auglýsa því eftir byggingaraðilum til samstarfs.

Fyrirhugað er að Brák verði þátttakandi í byggingu á tveimur íbúðum þar sem íbúðir Brákar verði annars vegar 65 fermetrar og hins vegar 95 fermetrar að stærð.

Rafdeild Verkmenntaskólans á Akureyri fékk góð gjöf á dögnum þegar Jón Ólafur Halldórsson vörustjóri og Kári Kolbeinsson deildarstjóri hjá Smith & Norland komu í heimsókn í skólann og færðu deildinn að gjöf tuttugu stýrikassa, sem nýtast afar vel í kennslu í stýringum.

Markmiðið með samningnum að gefa fjölbreyttum hópi barna og ungmenna kost á heilbrigðu og metnaðarfullu félags- og æskulýðsstarfi í anda KFUM og KFUK.

Það hefur ekki farið fram hjá neinum hve mikið pláss gervigreindin er farin að taka. Einhverjir óttast gervigreindina en aðrir sjá tækifærin sem í henni felast og á það svo sannarlega við um Háskólann á Akureyri. Stúdentar og starfsfólk hafa verið að nýta gervigreindina í sínum störfum og hefur Kennslu- og upplýsingamiðstöð Háskólans á Akureyri (KHA) meðal annars staðið reglulega fyrir fyrirlestrum og vinnustofum sem snúa að gervigreind. Þriðjudaginn 3. desember sl. fékk starfsfólk góða heimsókn frá Gísla Ragnari Guðmundssyni sem starfar sem sérfræðingur í gervigreind hjá Háskóla- iðnaðar- og nýsköpunarráðuneytinu. Gísli átti fundi með sérstökum einingum skólans auk þess sem hann hélt erindi og vinnustofu þar sem starfsfólk fjölmennti. Gísli leiddi vinnuna að aðgerðaráætlun Íslands um gervigreind og fór meðal annars yfir hana, tækifærin sem felast í gervigreindinni, gagnleg tól og hvernig er hægt að nýta gervigreindina til sóknar í námi og rannsóknum frekar en að líta á hana sem ógn eða hindrun.

Stefnt er að gildistöku nýrra aðflugsferla á Akureyrarflugvelli um miðjan maí 2025 eða í síðasta lagi þá um sumarið. Það sem hugsanlega getur haft áhrif á endanlega dagsetningu gildistöku er m.a. flugprófanir sem að hluta til gætu þurft að fara fram í hermi. Nýir brottflugsferlar verða innleiddir í febrúar næstkomandi. Verkefni við að- og brottflugsferla á Akureyrarflugvelli eru langt komnir.

Isavia Innanlandsflugvellir héldu nýverið fund með bæjarfulltrúum á Akureyri, þingmönnum og fulltrúum flugsamfélagsins en tilgangur hans var að bregðast við bókun bæjarráðs Akureyrar vegna aðflugsverkefnis við Akureyrarflugvöll. Bæjarráð átaldi í þeirri bókun seinagang við uppsetningu aðflugsferlanna. Verkefni við aðflugsferla við Akyreyrarflugvöll hófst árið 2022 og hefur því staðið í rúm tvö ár. Sigrún Björk Jakobsdóttir framkvæmdastjóri Isavia Innanlandsflugvalla segir það ekki óeðlilega langan tíma, verkefnið sé flókið.

Verkefnið langt komið

Ramon Sole Franco aðalflughönnuður kynnti stöðu verkefnisins varðandi gerð aðflugsferla fyrir Akureyrarflugvöll. Ferlarnir ganga undir skammstöfuninni RNP-AR og A-RNP. Verkefnið er langt komið, um 85% þess er lokið en Ramon greindi frá því að ferlarnir bjóði upp á meiri nákvæmni og lægri lágmörk en fylgja þurfi mjög stífu ferli við þetta verkefni. Verið er að ljúka hönnun flugferlanna, og eru hönnunargögn svo gott sem tilbúinn. Þá þarf að staðfesta flugferlana, ljúka flugprófunum, fara yfir öryggisferla flugumferðarþjónustu og fá samþykkti frá Samgöngustofu. Sú vinna er í fullum gangi. Ekki er með neinum hætti hægt að stytta sér leið eða gefa afslátt, en þegar allt hefur verið sannreynt verða ferlanir teknir í gildi.

Komi ekki neitt óvænt upp á í öryggisprófunum ánæstu mánuðum er stefnt að því að taka flugferlana í notkun um miðjan maí eða í síðasta lagi um sumarið 2025. 

Nákvæmni eykst með nýrri tækni

Þessir ferlar koma til viðbótar öðrum aðflugsleiðum við flugvöllinn og segir Sigrún Björk Jakobsdóttir framkvæmdastjóri Isavia Innanlandsflugvalla að nákvæmni aukist með nýrri tækni. „Það er ljóst að það munu ekki allir flugrekendur nýta sér þessa nýju aðflugsferla. Það eru gerðar ríkar kröfur til flugrekenda um búnað loftfara og aukna sérhæfða kostnaðarsama þjálfun flugmanna sem bæði fer fram á staðnum og í hermum. Við teljum allsendis óvíst að allir flugrekendur leggi í slíkan kostnað vegna Akureyrarflugvallar fyrir sinn flugmannahóp.”

Sigrún Björk segir hönnun flugferla í eðli sínu flókið verkefni og um sé að ræða fyrstu A-RNP og RNP-AR flugferla sem hannaðir eru og innleiddir hér á landi. Um sé að ræða nýtt verkefni fyrir alla sem að koma, Isavia, ANS-Flugleiðasögu, Samgöngustofu og hagaðila.

„Það sköpuðust mjög góðar umræður á fundinum um þessi mál, segir hún. „Það er von okkar hjá Innanlandsflugvöllum að verkefnið sé skýrt í huga bæjarfulltrúa og að almenn samstaða verði um að styðja við flugvöllinn sem og markaðsstarf á Akureyri og Norðurlandi. ”