600Klifur opnar á Akureyri
Eigendur 600 Norður Hjörtur Rósmann Ólafsson, Katrín Kristjánsdóttir og Magnús Arturo Batista. Myndir Þorgeir Baldursson/Guðmund Örn Magnússon/Pavel Fiala.
„Við fengum til okkar yfir 300 manns að klifra um helgina og annan eins fjölda sem kom að skoða aðstöðuna að Dalsbraut 1, Aðstaðan er vegleg og verður stór viðbót í afþreyingu bæjarins,“ segir Katrín Kristjánsdóttir einn eigenda. 600Klifur, ný klifuraðstaða á Akureyri var opnuð um liðna helgi. Aðstaðan er við Dalsbraut 1 þar sem í boði er glæsileg íþróttaaðstaða fyrir börn jafnt sem fullorðna þar sem bæði er hægt að æfa og skemmta sér. Salurinn hefur verið í smíðum síðan á liðnu ári.
Katrín segir að starfsemin fari vel af stað, fjöldi fólks kom á opnunardaginn en sumir hafi líka komið oft þannig greinilega hafa bæjarbúar tekið þessari nýjung mjög vel. Fólk var gríðarlega ánægt hérna og margir spenntir. Einhverjir nú þegar komnir í áskrift og sumir búnir að mæta nokkrum sinnum þannig að þetta byrjar vel.“
Hún bætir við að eigendur séu mjög þakklátir fyrir fólkið í kringum sig sem lagt hafi þeim lið og gert að verkum að hægt var að opna um liðna helgi. „Við hefðum ekki farið svona vel af stað um helgina ef ekki hefði verið fyrir vini, fjölskyldu og frábært klifursamfélag.“
Í húsnæðinu er á boðstólunum aðstaða fyrir grjótglímu, stór afmarkaður fjölskyldusalur, línuklifur með átta og tólf metra háum veggjum ásamt líkamsræktaraðstöðu og búningsklefum. Þar er einnig myndarleg kaffitería, þar sem hægt verður að setjast niður og fá sér kaffi og veitingar.
Nýtt viðmið sett með glæsilegum klifursal
Allir eru velkomnir að klifra og í aðstöðunni er ekkert aldurstakmark. Sérstakur fjölskyldusalur afmarkar aldurshópa, 11 ára og yngri geta nýtt þann sal, en fullorðnir geta nýtt báða klifursalina. Börn þurfa að vera í fylgd með fullorðnum og krakkar yfir 12 ára mega koma sjálfir en þurfa samþykki foreldra. Allur búnaður er til staðar og hægt að leigja, en klifurskór eru nauðsynlegir á klifurveggjum.
Nú í vikunni hófust námskeið og æfingar og einnig verður tekið á móti hópum, afmælum og fleiru slíku.
Allir finna eitthvað við sitt hæfi, krakkasvæðið mun án efa slá í gegn hjá yngsta aldurshópnum
Fjallafyrirtækið 600Norður stendur á bak við verkefnið en það hefur einsett sér 2017 að ýta undir vöxt fjallamenningar á Norðurlandi og Íslandi. „Það má segja að við höfum náð okkar markmiði með því að færa klifrurum landsins nýtt viðmið að evrópskri fyrirmynd,“ segir Katrín.
Nýjast
-
600Klifur opnar á Akureyri
„Við fengum til okkar yfir 300 manns að klifra um helgina og annan eins fjölda sem kom að skoða aðstöðuna að Dalsbraut 1, Aðstaðan er vegleg og verður stór viðbót í afþreyingu bæjarins,“ segir Katrín Kristjánsdóttir einn eigenda. 600Klifur, ný klifuraðstaða á Akureyri var opnuð um liðna helgi. Aðstaðan er við Dalsbraut 1 þar sem í boði er glæsileg íþróttaaðstaða fyrir börn jafnt sem fullorðna þar sem bæði er hægt að æfa og skemmta sér. Salurinn hefur verið í smíðum síðan á liðnu ári. -
Finnum fyrir ríkum stuðningi í samfélaginu
Opið hús var á dag- og göngudeild geðdeildar Sjúkrahússins á Akureyri í tilefni af alþjóðlegum heilbrigðisdegi og fjölmargir gestir litu við. -
ASÍ - Ályktar um atvinnuástandið á Húsavík
Í ályktun ASÍ sem var að berast er lýst yfir miklum áhyggjum af atvinnuástandinu í Þingeyjarsýslum og skorað á stjórnvöld að koma að málinu af fullum krafti. Framsýn og Þingiðn fagna þessum stuðningi. Ályktunin er eftirfarandi: -
Indversk kvikmyndahátíð á Akureyri um helgina
Indverska kvikmyndahátíðin á Íslandi 2025 teygir anga sína til Akureyrar helgina 18. og 19. október. -
Ávinningur fyrri ára í hættu
Heilbrigðiskerfið okkar er ein af grunnstoðum samfélagsins. Á síðasta kjörtímabili náðust mikilvægir áfangar í að bæta þjónustu en nú horfum við hins vegar upp á fjölmörg merki um afturför, þar sem nýjar ákvarðanir stjórnvalda virðast grafa undan þeim árangri sem náðst hefur. Sérstaklega blasir þetta við á landsbyggðinni, þar sem íbúar utan höfuðborgarsvæðisins eins og á Akureyri og nágrenni finna nú fyrir skerðingu þjónustu og aukinni byrði. -
ÁFALLAHJÁLP ÞJÓÐKIRKJUNNAR
Mig langar á þessu hausti til að minna á áfallahjálp og sorgarstuðning Þjóðkirkjunnar í landinu og minnast sérstaklega á það sem er í boði hér á Akureyri fyrir bæjarbúa og nærsveitir. Frá árinu 2013 hefur verið hér starfræktur hópur sem nefnist Dagrenning og undirrituð haldið utan um en þar hittast foreldrar sem misst hafa börn og veita hvert öðru virka hlustun og jafningjastuðning. -
Bréf frá Stórutjarnarskóla um We-Við-Meie
Í vor fengum við, nemendur í elstu bekkjum Stórutjarnaskóla og Sigríður Árdal og Marika Alavere, styrk úr Erasmus+ áætlun Evrópusambandsins til að vinna að alþjóðlegu ungmennaverkefni sem ber nafnið „We – Við – Meie“. Markmið verkefnisins var að efla samskipti, samvinnu og sjálfstraust þátttakenda. Kynnast ólíkri menningu og skoða og kynnast náttúrunni og vekja okkur til umhugsunar af hverju við þurfum að hugsa um náttúruna. -
Sameining sparisjóða samþykkt
Hluthafafundir Sparisjóðs Höfðhverfinga hf. og Sparisjóðs Strandamanna hf. hafa samþykkt samrunaáætlun um sameiningu sjóðanna en hún tekur mið af stöðu þeirra í upphafi árs. Jafnframt hefur Fjármálaeftirlit Seðlabankans samþykkt samrunann. -
Hafa foreldrar skoðun á leikskólagjöldum og skráningardögum?
Í október 2023 samþykkti meirihluti bæjarstjórn Akureyrarbæjar að hefja eins árs tilraunaverkefni þar sem fyrstu sex klukkustundir leikskóladagsins urðu gjaldfrjálsar, en áfram greitt fullt gjald fyrir lengri dvöl barna. Samhliða voru teknir upp svonefndir skráningardagar og innleidd tekjutenging leikskólagjalda.