Sameining sparisjóða samþykkt
Sameinað félag mun heita Smári sparisjóður hf. en hann mun markaðsetja sig áfram undir merkjum Sparisjóðanna.
Hluthafafundir Sparisjóðs Höfðhverfinga hf. og Sparisjóðs Strandamanna hf. hafa samþykkt samrunaáætlun um sameiningu sjóðanna en hún tekur mið af stöðu þeirra í upphafi árs. Jafnframt hefur Fjármálaeftirlit Seðlabankans samþykkt samrunann.
Sameinað félag mun heita Smári sparisjóður hf. en hann mun markaðsetja sig áfram undir merkjum Sparisjóðanna.
Í beinu framhaldi af samrunanum verður hlutafé aukið til þess að styðja við vöxt sjóðsins en KEA hefur skuldbundið sig til þess leggja fram nýtt hlutafé samhliða stækkun sjóðsins á næstu misserum.
Fjárhagsstaða Smára sparisjóðs er mjög traust, sjóðurinn verður með hátt eiginfjárhlutfall og mjög sterka lausafjárstöðu og því tilbúinn fyrir vöxt. Starfsstöðvar verða eftir sem áður á Akureyri, Hólmavík og Grenivík. Jón Ingvi Árnason verður sparisjóðsstjóri og Þorbjörn Jónsson aðstoðarsparisjóðsstjóri.
Sjóðurinn mun leggja ríka áherslu á að þjónusta vel starfssvæði sín í Eyjafirði og á Ströndum. Í hönd fer samþætting sjóðanna á næstu mánuðum og verða viðskiptavinir upplýstir um framgang þeirra.
Nýja stjórn sjóðsins skipa Halldór Jóhannsson (formaður), Víðir Álfgeir Sigurðarson (varaformaður), Hildur Ösp Gylfadóttir, Björn Líndal Traustason og Jóhann Ingólfsson.
Nýjast
-
ÁFALLAHJÁLP ÞJÓÐKIRKJUNNAR
Mig langar á þessu hausti til að minna á áfallahjálp og sorgarstuðning Þjóðkirkjunnar í landinu og minnast sérstaklega á það sem er í boði hér á Akureyri fyrir bæjarbúa og nærsveitir. Frá árinu 2013 hefur verið hér starfræktur hópur sem nefnist Dagrenning og undirrituð haldið utan um en þar hittast foreldrar sem misst hafa börn og veita hvert öðru virka hlustun og jafningjastuðning. -
Bréf frá Stórutjarnarskóla um We-Við-Meie
Í vor fengum við, nemendur í elstu bekkjum Stórutjarnaskóla og Sigríður Árdal og Marika Alavere, styrk úr Erasmus+ áætlun Evrópusambandsins til að vinna að alþjóðlegu ungmennaverkefni sem ber nafnið „We – Við – Meie“. Markmið verkefnisins var að efla samskipti, samvinnu og sjálfstraust þátttakenda. Kynnast ólíkri menningu og skoða og kynnast náttúrunni og vekja okkur til umhugsunar af hverju við þurfum að hugsa um náttúruna. -
Sameining sparisjóða samþykkt
Hluthafafundir Sparisjóðs Höfðhverfinga hf. og Sparisjóðs Strandamanna hf. hafa samþykkt samrunaáætlun um sameiningu sjóðanna en hún tekur mið af stöðu þeirra í upphafi árs. Jafnframt hefur Fjármálaeftirlit Seðlabankans samþykkt samrunann. -
Hafa foreldrar skoðun á leikskólagjöldum og skráningardögum?
Í október 2023 samþykkti meirihluti bæjarstjórn Akureyrarbæjar að hefja eins árs tilraunaverkefni þar sem fyrstu sex klukkustundir leikskóladagsins urðu gjaldfrjálsar, en áfram greitt fullt gjald fyrir lengri dvöl barna. Samhliða voru teknir upp svonefndir skráningardagar og innleidd tekjutenging leikskólagjalda. -
„Alltaf á fullkomnu klukkunni“
Hverjir eignast börn? Félagslegar víddir fæðingartíðni og barnleysis - Félagsvísindatorg 21. október -
Tjörneshreppur - Vilja ekki sjá ,,fáránlegt"250 milljóna framlag frá Jöfnunarsjóði
Nýlega barst hreppsnefnd Tjörneshrepps bréf frá Jöfnunarsjóði um sérstakt fólksfækkunarframlag til hreppsins uppá tæplega 248 milljónir króna. -
VMA - Styrkleikarnir í dag
Í dag, 14. október, verða Styrkleikar VMA og nemendafélagsins Þórdunu í þágu Krabbameinsfélags Íslands. Er VMA fyrsti framhaldsskóli landsins til að standa fyrir slíkum viðburði. -
Menntaskólinn á Akureyri - Umhverfisvænn lífstíll ætti að vera í tísku
Umhverfisnefnd MA þetta skólaárið er mjög öflug og virk, en alls sitja 16 nemendur í nefndinni auk fulltrúa kennara. -
Matur, menning og skemmtun
Vetrarstarfsemi STÚA starfsmannafélags Útgerðarfélags Akureyringa og Fjörfisks starfsmannafélags Samherja á Dalvík hófst um helgina með veglegum matarhátíðum.