Menntaskólinn á Akureyri - Umhverfisvænn lífstíll ætti að vera í tísku
Fatamarkaður umhverfisnefndar í Kvos Mynd ma.is
Umhverfisnefnd MA þetta skólaárið er mjög öflug og virk, en alls sitja 16 nemendur í nefndinni auk fulltrúa kennara. Ragnheiður Inga Matthíasdóttir er formaður nefndarinnar og segir að á fyrsta fundi hafa umræðan að mestu snúist um hvað ungt fólk væri að gera rétt og hvað mætti betur fara þegar kæmi að umhverfismálum.
Þau voru sammála um að vandamálið væri ofneysla ungs fólks. Því kviknaði sú hugmynd að vekja athygli á málefninu með því að halda viðburð, fatamarkað sem myndi snúa hjólum hringrásarhagkerfisins. Umhverfisvænn lífstíll ætti að vera tískufyrirbæri að mati nefndarinnar. Ragnheiður bætir við: „Fyrir markaðinn rigguðum við upp, með hjálp pabba míns, fataklefum og fataslám úr gömlum spýtum og vörubrettum sem voru á leið á haugana“.
Það varð svo úr að fatamarkaðurinn var haldinn við góðar undirtektir miðvikudaginn 1. október sl. Nemendur komu með notaðan fatnað, skartgripi, skó og fleira og settu upp sölubása í Kvosinni. Verkefnið var í alla staði vel heppnað og á nefndin hrós skilið. Vonandi verður leikurinn endurtekinn síðar.
ma.is sagði fyrst frá
Nýjast
-
Menntaskólinn á Akureyri - Umhverfisvænn lífstíll ætti að vera í tísku
Umhverfisnefnd MA þetta skólaárið er mjög öflug og virk, en alls sitja 16 nemendur í nefndinni auk fulltrúa kennara. -
Matur, menning og skemmtun
Vetrarstarfsemi STÚA starfsmannafélags Útgerðarfélags Akureyringa og Fjörfisks starfsmannafélags Samherja á Dalvík hófst um helgina með veglegum matarhátíðum. -
Akureyri - Góð aðsókn í sundlaugar í sumar
Talsverð aukning er í komum sundlaugargesta í Glerárlaug. Gísli Rúnar forstöðumaður Sundlauga Akureyrar segir sem dæmi að um 20% fleiri hafi sótt laugina heim í júní mánuði í sumar miðað við sama mánuð í fyrra. -
Opinn Málstofa um Samstarf á Norðurslóðum
Viltu dýpka skilning þinn á lykilmálum Norðurslóða – allt frá loftslagi og höfum til grænna umskipta og samfélaga? -
Listasafnið á Akureyri - Þriðjudagsfyrirlestur: Pierre Leichner
Þriðjudaginn 14. október kl. 16.15 heldur kanadíski myndlistarmaðurinn Pierre Leichner Þriðjudagsfyrirlestur í Listasafninu á Akureyri undir yfirskriftinni Outsider Arts and Arts Outside. Aðgangur er ókeypis. -
Lokaorðið - Fordómar
Fordómar eru stórt orð. Öll erum við haldin þeim að einhverju leyti þó fæst viljum við viðurkenna það. Ég hef reynt að uppræta mína og að einhverju leyti hefur mér tekist það en það er langt í land. Leið mín til upprætingar er að reyna að kynna mér málin betur. -
Var 17. júní fundinn upp á Akureyri? Ný bók Páls Björnssonar leiðir lesendur inn í sögu þjóðhátíðardagsins
Það má segja að þjóðhátíðardagur Íslendinga hafi með nýlegri útgáfu bókarinnar Dagur þjóðar eignast sinn eigin sagnfræðing, Pál Björnsson, prófessor í nútímafræði og sagnfræði við Félagsvísindadeild Háskólans á Akureyri. Þar fjallar hann á nýstárlegan hátt um hvernig 17. júní varð að þjóðhátíðardegi Íslendinga – löngu áður en það var ákveðið með lögum. -
Tveir nýir bekkir settir upp í Hrísey
Tveimur nýjum bekkjum hefur verið komið fyrir í Hrísey, báðir voru þeir gefnir til minningar um horfna samferðarmenn. Annar er til minningar um Guðrúnu Sigríði Jóhannesdóttur Blöndal og Áslaug Jóhannesson og hinn um sr. Huldu Hrönn M. Helgadóttur. -
Framúrskarandi menntastofnanir Leikskólinn Iðavöllur tilnefndur
Leikskólinn Iðavöllur hefur hlotið tilnefningu til Íslensku menntaverðlaunanna í flokki framúrskarandi menntastofnana fyrir ötult, fjölbreytt og faglegt þróunarstarf, frumkvæði og metnað.