Matur, menning og skemmtun
Taílenska matar- og menningarkvöldið í matsal ÚA sl. laugardagskvöld / myndir samherji.is
Vetrarstarfsemi STÚA starfsmannafélags Útgerðarfélags Akureyringa og Fjörfisks starfsmannafélags Samherja á Dalvík hófst um helgina með veglegum matarhátíðum.
Á Akureyri var haldið taílenskt matar- og menningarkvöld í matsal ÚA en þar starfa hátt í þrjátíu manns sem rekja uppruna sinn til Taílands.
Starfsmannafélag Samherja á Dalvík, Fjörfiskur, hélt árlegt villibráðarkvöld í matsal vinnsluhússins þar en þetta er í fimmta sinn sem Fjörfiskur efnir til slíkrar matarveislu á þessum árstíma.
Íslendingar kunna að meta taílenskan mat
Heiðursgestur STÚA var Þorsteinn Már Baldvinsson, sem nýverið lét af störfum sem forstjóri Samherja.
Supattra Singsuto var í undirbúningsnefnd en hún hefur starfað lengi hjá ÚA. Supattra segir að matar- og menningarkvöldi fylgi talsverður undirbúningur.
„ Við hjálpuðumst öll að við undirbúninginn, hver og einn hafði sitt hlutverk. Aðalréttirnir voru tíu taílenskir réttir auk meðlætis. Í eftirrétt voru svo nokkrir réttir, sömuleiðis frá okkar heimalandi. Íslendingar kunna greinilega vel að meta taílenskan mat, sem vissulega er yfirleitt meira kryddaður en sá íslenski og grænmeti er líka algengara. Síðan vorum við með sýnishorn af taílenskri menningu, dansa og fleira, sem er ómissandi þegar fólk kemur saman og skemmtir sér. Öll aðstaða í ÚA er frábær, þannig að þetta gekk allt saman vel og við þökkum öllum kærlega fyrir frábæra samveru,” segir Supattra Singsuto.
Margar hendur vinna létt verk
Ragnheiður Rut Friðgeirsdóttir formaður Fjörfisks á Dalvík segir að villibráðakvöldið hafi verið sérlega glæsilegt í alla staði og vel sótt.
„ Sveinn Haraldsson hefur komið að matseldinni undanfarin ár og að þessu sinni var Sævar Freyr Ingason honum til halds og trausts. Björk Hólm var veislustjóri og stóð sig frábærlega, hún skellti sér svo í hlutverk D.J. og hélt uppi stuði eftir matinn. Fjölmargir koma að undirbúningi svona stórrar matarveislu og skemmtunar, svo sem að skreyta salinn, leggja á borð og ganga frá öllu í lokin, þannig að handtökin eru nokkur. Þetta villibráðarkvöld tókst frábærlega, maturinn sérlega góður og allir skemmtu sér konunglega. Ég sem formaður starfsmannafélagsins er afskaplega stolt og ánægð með alla þessa ríku samstöðu. Núna er vetrarstarfsemin sem sagt hafin og dagskráin í vetur er sem fyrr fjölbreytt og skemmtileg,“ segir Ragnheiður Rut.
Meðfylgjandi eru nokkrar myndir, sem tala sínu máli.
Það er samherji.is sem fyrst segir frá
Nýjast
-
Menntaskólinn á Akureyri - Umhverfisvænn lífstíll ætti að vera í tísku
Umhverfisnefnd MA þetta skólaárið er mjög öflug og virk, en alls sitja 16 nemendur í nefndinni auk fulltrúa kennara. -
Matur, menning og skemmtun
Vetrarstarfsemi STÚA starfsmannafélags Útgerðarfélags Akureyringa og Fjörfisks starfsmannafélags Samherja á Dalvík hófst um helgina með veglegum matarhátíðum. -
Akureyri - Góð aðsókn í sundlaugar í sumar
Talsverð aukning er í komum sundlaugargesta í Glerárlaug. Gísli Rúnar forstöðumaður Sundlauga Akureyrar segir sem dæmi að um 20% fleiri hafi sótt laugina heim í júní mánuði í sumar miðað við sama mánuð í fyrra. -
Opinn Málstofa um Samstarf á Norðurslóðum
Viltu dýpka skilning þinn á lykilmálum Norðurslóða – allt frá loftslagi og höfum til grænna umskipta og samfélaga? -
Listasafnið á Akureyri - Þriðjudagsfyrirlestur: Pierre Leichner
Þriðjudaginn 14. október kl. 16.15 heldur kanadíski myndlistarmaðurinn Pierre Leichner Þriðjudagsfyrirlestur í Listasafninu á Akureyri undir yfirskriftinni Outsider Arts and Arts Outside. Aðgangur er ókeypis. -
Lokaorðið - Fordómar
Fordómar eru stórt orð. Öll erum við haldin þeim að einhverju leyti þó fæst viljum við viðurkenna það. Ég hef reynt að uppræta mína og að einhverju leyti hefur mér tekist það en það er langt í land. Leið mín til upprætingar er að reyna að kynna mér málin betur. -
Var 17. júní fundinn upp á Akureyri? Ný bók Páls Björnssonar leiðir lesendur inn í sögu þjóðhátíðardagsins
Það má segja að þjóðhátíðardagur Íslendinga hafi með nýlegri útgáfu bókarinnar Dagur þjóðar eignast sinn eigin sagnfræðing, Pál Björnsson, prófessor í nútímafræði og sagnfræði við Félagsvísindadeild Háskólans á Akureyri. Þar fjallar hann á nýstárlegan hátt um hvernig 17. júní varð að þjóðhátíðardegi Íslendinga – löngu áður en það var ákveðið með lögum. -
Tveir nýir bekkir settir upp í Hrísey
Tveimur nýjum bekkjum hefur verið komið fyrir í Hrísey, báðir voru þeir gefnir til minningar um horfna samferðarmenn. Annar er til minningar um Guðrúnu Sigríði Jóhannesdóttur Blöndal og Áslaug Jóhannesson og hinn um sr. Huldu Hrönn M. Helgadóttur. -
Framúrskarandi menntastofnanir Leikskólinn Iðavöllur tilnefndur
Leikskólinn Iðavöllur hefur hlotið tilnefningu til Íslensku menntaverðlaunanna í flokki framúrskarandi menntastofnana fyrir ötult, fjölbreytt og faglegt þróunarstarf, frumkvæði og metnað.