Hallgrímur Mar tryggði KA stig gegn HK
KA byrjaði leikinn af krafti og það tók heimamenn aðeins 45 sekúndur að skora fyrsta markið og það gerði David Disztl er hann skallaði boltann yfir Ögmund Ólafsson í marki HK eftir fyrirgjöf inn í teig. Aðeins tveimur mínútum síðar var Andri Fannar Stefánsson nálægt því að bæta við öðru marki KA í leiknum er hann fékk dauðafæri inn í vítateig HK eftir sendingu frá David Disztl, en skot Andra fór framhjá markinu. KA hélt áfram að sækja og Disztl var nálægt því að bæta við öðru marki sínu leiknum á 5. mínútu, en skot hans úr fínu færi fór framhjá markinu. Eftir kröftuga byrjun heimamanna komust HK- menn meira inn í leikinn þegar á leið. Það var svo á 28. mínútu að HK náði að jafna metin og það gerði Guðmundur Steinn Hafsteinsson með fínum skalla af stuttu færi. Staðan í hálfleik, 1:1.
Gestirnir í HK byrjuðu seinni hálfleikinn af krafti og á 50 .mínútu kom Aaron Palomares HK 2:1 yfir, er boltinn datt fyrir hann inn í teig KA- manna og Aaron skoraði auðveldlega af stuttu færi. Það tók KA tíu mínútur að jafna leikinn og þar var að verki Hallgrímur Mar Steingrímsson með marki af stuttu færi og staðan 2:2. Mun meiri harka færðist í leikinn í seinni hálfleik og meira jafnræði með liðunum. Leifur Andri Leifsson var nálægt því að ná forystunni á ný fyrir HK á 79 .mínútu er hann skaut boltanum í stöngina úr þröngu færi. Skömmu síðar var Janes Vrenko komin í ágætt færi fyrir KA en skaut boltanum hátt yfir markið.
Fjórum mínútum fyrir leikslok kom Hólmbert Aron Friðjónsson HK 3:2 yfir og virtist það ætla að verða sigurmark leiksins. Þegar komið var fram á aðra mínútu uppbótartíma fékk Hallgrímur Mar boltann inn í vítateig gestanna og skoraði með góðu skoti af stuttu færi og tryggði KA stig úr leiknum. Lokatölur á Þórsvelli, 3:3.
Eftir fimm umferðir hefur KA sex stig í sjöunda sæti deildarinnar en HK átta stig í fjórða sæti.
Nýjast
-
Fyrstu hverfafundir Akureyrarbæjar verða í vikunni
Akureyrarbær boðar til hverfafunda í öllum skólahverfum bæjarins og verða þeir fyrstu í vikunni, í Brekkuskóla á morgun og Siðuskóla á fimmtudag. -
Fyrsta ringó móið heppnaðist vel
Fyrsta ringó-mótið var haldið á Akureyri fyrir skemmstu undir formerkjum Virkra Virkra efri ára og Félags eldri borgara á Akureyri. Fór það fram í Íþróttahöllinni og mættu rúmlega 50 glaðir þátttakendur 60 ára og eldri. -
Hymnodiu heldur tónleika í Akureyrarkirkju annað kvöld
Hymnodia fagnar sumri með gullfallegri tónlist að kvöldi miðvikudagsins 22. maí nk. Á dagskrá verður barokk eftir tékkneska tónskáldið František Tůma, tónlist frá miðri síðustu öld eftir Svíann Lars-Erik Larsson og ný tónlist eftir Sigurð Sævarsson, m.a. verk sem hann samdi fyrir Hymnodiu -
Lokaorðið - Naktir kennarar.
Þegar líður að starfslokum er óhjákvæmilega horft yfir farinn veg. Farsæl 38 ár við kennslu. Samkvæmt rannsóknum stendur skólakerfi bókaþjóðarinnar afar illa á köflum. Lestrarfærni og lesskilningur er allt of lélegur. Nú legg ég brátt frá mér límstiftið og skærin. Af hverju nefni ég þessa tvo hluti? Vegna þess að námsefnisskortur í íslenskum skólum hefur allan minn starfsaldur verið mikill. Allir vita að ef árangur á að nást í einhverju þá þarf æfingu og hvatningu. Þetta skilja allir þegar talað er um íþróttir og tónlist, en þegar talað er um lestur, móðurmálið, stærðfræði og náttúrufræði er farið í vörn. „Æfingin drepur meistarann“ sagði eitt sinn óöruggur og meðvirkur kennari í mín eyru og átti við að endurtekningar væru af hinu illa. -
Nýr þáttur í hlaðvarpi Heilsu og sál.
Flest þekkjum við einhvern sem á í deilum við aðra manneskju þar sem erfitt virðist vera að finna sameiginlega lausn. Í síðasta þætti 2. seríu af heilsaogsal.is - hlaðvarp fræðir Þorleifur Kr. Níelsson, félagsráðgjafi, fjölskyldufræðingur og sáttamiðlari, hlustendur um sáttamiðlun. -
Frjósemi mikil og gott heilbrigði
„Sauðburður gengur ágætlega og nálgast að verða hálfnaður. Frjósemi er mikil og heilbrigðið gott,“ segir Ásta F. Flosadóttir bóndi á Höfða í Grýtubakkahreppi. -
Gæði sem skipta máli – Tökum flugið
Síðustu ár hafa orðið miklar framfarir þegar kemur að millilandaflugi um Akureyrarflugvöll. Við þekkjum lífsgæðin sem því fylgja, enda er ferðlagið til Keflavíkur oft kostnaðarsamasti og tímafrekasti leggur ferðalagsins þegar haldið er utan. Beint millilandaflug um Akureyrarflugvöll skiptir atvinnulífið einnig verulegu máli enda ein megin forsenda fyrir auknum komum ferðamanna, ekki síst utan háannatíma þegar ferðalög eru að jafnaði styttri. Stærsti einstaki áfanginn á þessari leið er tilkoma Easy Jet, sem flogið hefur beint milli Akureyrar og London frá því síðastliðið haust. Ekkert kemur til af sjálfu sér og fjölmargt hefur þurft að koma saman svo að Akureyri og Egilsstaðir séu raunhæfir valkostir þegar kemur að millilandaflugi. -
Fyrsti dagur ,,sumarsins" þar sem tvö skemmtiferðaskip heimsækja bæinn
Í dag er fyrsti dagur sumarsins þar sem tvö skip leggjast að bryggju á sama degi í Akureyrarhöfn. -
„Höldumst í hendur í gegnum þetta og styðjum hvert annað“
Formaður Framsýnar stéttarfélags (áður Verkalýðsfélag Húsavíkur) í 30 ár
Athugasemdir