Áramótapistill sveitarstjóra Hörgársveitar 2025
Áramót eru tími uppgjörs og nýrra væntinga. Þegar við kveðjum árið sem er að líða og horfum fram á árið 2026 gefst okkur tækifæri til að staldra við, líta yfir farinn veg og velta fyrir okkur framtíðinni í Hörgársveit.
Þetta ár er síðasta heila ár kjörtímabilsins sem lýkur í maí næstkomandi. Ljóst er að síðustu fjögur ár sem og árin þar á undan hafi verið mikil uppbyggingarár í Hörgársveit. Íbúum hefur fjölgað verulaga, langt umfram landsmeðaltal. Íbúfjöldi eru nú rúmlega 960 og styttist óðum í að þúsundasti íbúinn bætist í hópinn. Fjöldi íbúða er í byggingu og jafnframt liggja fyrir skipulagðar lóðir fyrir frekari íbúðauppbyggingu.
Snorri Finnlaugsson sveitarstjóri Hörgársveitar
Sveitarfélagið hefur á undanförnum tveimur kjörtímabilum staðið fyrir mikilli og góðri uppbyggingu á leikskóla- og grunnskólahúsnæði. Á sama tíma sem börnum hefur fjölgað mikið í þessum tveimur grunnstofnunum samfélagsins hefur starfið þar elfst og fjölbreytnin aukist. Við erum ákaflega stolt af Álfasteini og Þelamerkurskóla og megum líka svo sannarlega vera það.
Sundlaugin okkar og íþróttamiðstöðin gegna mikilvægu hlutverki sem samkomustaður fyrir íbúa. Allir íbúar fá lýðheilsustyrk frá sveitarfélaginu til að sækja sundlaugina endurgjaldslaust og skora ég á íbúa að vera duglega nýta þá frábæru aðstöðu sem þar er, mæta og hitta aðra íbúa og gesti.
Árin sem eru að baki hafa verið viðburðarík í sveitarfélaginu. Samheldni íbúa, öflugt félagslíf og metnaður í uppbyggingu einkenndu þessi ár. Hvort sem horft er til skóla- og frístundamála, menningar, eða þjónustu við íbúa, þá hefur margt gott verið unnið með samstilltu átaki kjörinna fulltrúa í sveitarstjórn, starfsfólks sveitarfélagsins og íbúa þess.
Samsetning samfélagsins í Hörgársveit er að breytast. Hærra hlutffall íbúa býr ár hvert í þéttbýliskjörnunum og hvergi á landinu er hærra hlutfall af íbúum á leikskólaaldri. Dreifbýlið heldur velli og vel það og hefur íbúum líka fjölgað þar á undanförnum árum og er það mjög gleðilegt. Þrátt fyrir breytt samfélagsmynstur styðjum við hvert annað og tökum sameiginlega ábyrgð á nærumhverfi okkar. Slík gildi verða sífellt mikilvægari á tímum breytinga og áskorana og eru styrkur sveitarfélagsins til framtíðar.
Árið 2026 býður upp á ný tækifæri. Fram undan eru verkefni sem kalla á framsýni, samráð og samstöðu. Með áframhaldandi uppbyggingu, vandaðri ákvarðanatöku og virkri þátttöku íbúa getum við haldið áfram að efla Hörgársveit sem gott og öruggt samfélag fyrir alla aldurshópa.
Ég vil þakka íbúum Hörgársveitar fyrir gott samstarf, elju og jákvæðni á liðnum árum og óska ykkur öllum gleðilegs nýs árs. Megi árið 2026 færa okkur heilsu, von og áframhaldandi vöxt í samfélagi sem við erum ákaflega stolt af.
Gleðilegt nýtt ár
Snorri Finnlaugsson
Sveitarstjóri Hörgársveitar
Nýjast
-
Stefnir í metár í jólavertíðinni – taka á móti allt að 4.000 manns í jólahlaðborð
Jólahlaðborð eru gríðarlega vinsæl meðal landsmanna í aðdraganda jóla. Múlaberg á langa hefð að baki og er sennilega stærsti aðilinn á Norðurlandi á því sviði. -segir Ingibjörg Bergmann Bragadóttir, einn af eigendum og veitingastjóri á Múlabergi -
Jólalög og jólamyndir -Þröstur Ernir Viðarsson rýnir í úrvalið
Þröstur Ernir Viðarsson fjölmiðlafræðingur ólst upp í Bolungarvík en hefur verið búsettur á Akureyri síðan 2007. Hann er giftur Hrafnhildi Jónsdóttir hjúkrunarfræðingi og eiga þau þrjá syni og eitt barnabarn. Þröstur hefur mikinn áhuga á tónlist og kvikmyndum. Við ákváðum því að slá á þráðinn til hans og spyrja út í jólalög og jólamyndir. Hver eru fimm uppáhalds jólalögin hans og hvaða kvikmyndir finnst honum ómissandi í desember? -
Áramótapistill sveitarstjóra Hörgársveitar 2025
Áramót eru tími uppgjörs og nýrra væntinga. Þegar við kveðjum árið sem er að líða og horfum fram á árið 2026 gefst okkur tækifæri til að staldra við, líta yfir farinn veg og velta fyrir okkur framtíðinni í Hörgársveit. -
Heilbrigðisstofnun Norðurlands á árinu 2025: Ár umbreytinga, styrkingar og samheldni í krefjandi umhverfi
Jón Helgi Björnsson, forstjóri HSN tók saman það helsta sem einkenndi starfsemi HSN á árinu sem er að líða. Það er engum blöðum um það að fletta að rekstur heilbrigðisþjónustu er afar krefjandi og er rekstur HSN á liðnu ári þar engin undantekning. Rekstrarlega stóðum við frammi fyrir áskorunum, þar á meðal verulegan halla bæði á síðasta ári og líðandi ári, sem stafaði að stórum hluta af ófjármögnuðum kjara- og stofnanasamningum. Þrátt fyrir það tókst okkur að viðhalda og styðja við áframhaldandi uppbyggingu á þjónustu. Við höfum unnið markvisst að því að tryggja stöðugleika í rekstri með breytingum á skipulagi og öflugri teymisvinnu, með aukinni áherslu á stafræna ferla með það að markmiði að bæði lækka kostnað en samtímis efla þjónustu. -
Eyjafjarðarsveit - Jóla og áramótakveðja sveitarstjóra
Ég vaknaði snemma í morgun, á Þorláksmessu, það var í raun ennþá nótt og Eyfirska lognið á duglegri hreyfingu. Það var samt ákveðin kyrrð í vindinum og enginn annar farinn á ról þegar ég rölti mér í vinnuna. Það voru allir sofandi heima, komnir í frí svo það var gott að taka daginn snemma. Eyjafjarðará liðaðist á móti mér niður dalinn eins og hún hefur gert frá örófi alda; hún nærir jörðina, gefur landbúnaðarhéraðinu líf og flytur með sér efnivið sem skapað hefur grunn að traustu samfélagi við Eyjafjörð. -
Gleði á jólatrésskemmtunum starfsmannafélaga Samherja
Starfsmannafélög Samherja á Dalvík og Akureyri, Fjörfiskur og STÚA, stóðu fyrir jólatrésskemmtunum um helgina í matsölum vinnsluhúsa félagsins. -
Staða eldri borgara á Íslandi í árslok 2025
Staða eldri borgara er mikilvægt samfélagsmál sem snertir ekki aðeins þá sem eru komnir á eftirlaunaaldur, heldur samfélagið allt. Með hækkandi meðalaldri þjóðarinnar fjölgar eldra fólki og sífellt meiri þörf er á að tryggja þeim mannsæmandi lífskjör, virðingu og tækifæri til virkrar þátttöku í samfélaginu. -
Kirkjusókn á Akureyri mjög góð
Mjög góð kirkjusókn hefur verið á Akureyri um jólin og er greinlegt að það færist í vöxt að fólk sæki messu í sina kirkju. -
Jólahefðir Sundfélagsins Óðins
Ár hvert heldur Sundfélagið Óðinn í sínar rótgrónu og litríku jólahefðir sem hafa í gegnum árin skapað ógleymanlegar minningar fyrir bæði iðkendur og samfélagið í kringum félagið. Þrjár hefðir standa þar upp úr, hressilegt og óútreiknanlegt desembermót, töfrandi jólaæfing sundskólans og Þorláksmessuáskorunin.