Bjarg íbúðafélag - opið fyrir umsóknir
Nú er opið fyrir umsóknir í Langamóa 3 en úthlutanir munu hefjast eftir páska
Eins og áður hefur komið fram er Bjarg íbúðafélag að byggja 16 leiguíbúðir við Langamóa 1 og 3 í Móahverfi á Akureyri. Vakin er athygli á að nú er opið fyrir umsóknir í Langamóa 3 en úthlutanir munu hefjast eftir páska, í apríl 2026.
Fyrsta skóflustunga var tekin í apríl 2025 og áætlað að fyrstu íbúðirnar (Langimói 1) verði tilbúnar til leigu í júlí 2026 og að Langimói 3 verði tilbúinn í leigu í nóvember 2026.
Í húsunum tveimur má finna tveggja til fjögurra herbergja íbúðir. Gæludýr eru heimiluð með skilyrðum í íbúðum á jarðhæð í þessu húsi. Sjá hér nánar reglur Bjargs um gæludýrahald.
Nánari upplýsingar um íbúðirnar má finna inni á vef Bjargs íbúðafélags.
Það er á heimasíðu Einingar iðju sem fyrst má lesa um þetta mál.
Nýjast
-
Bjarg íbúðafélag - opið fyrir umsóknir
Eins og áður hefur komið fram er Bjarg íbúðafélag að byggja 16 leiguíbúðir við Langamóa 1 og 3 í Móahverfi á Akureyri. Vakin er athygli á að nú er opið fyrir umsóknir í Langamóa 3 en úthlutanir munu hefjast eftir páska, í apríl 2026. -
Lífið, maður minn, lífið
Nýr dagur, nýir möguleikar. Verður dagurinn góður eða slæmur? Hver dagur er í okkar höndum og það er okkar að vinna sem best úr honum. Mörg smáatriði koma upp á hverjum degi og þau eru kannski svo smá að við áttum okkur ekki á því hvað þau eru mikilvæg. Nýr dagur býður upp á mörg tækifæri og það er í okkar höndum að gera hann góðan eða slæman. -
Er markaðurinn á Akureyri einnig að þróast í átt að kaupendamarkaði?
Húsnæðismál eru mér mjög hugleikin og ég hef gaman af því að fylgjast með umræðunni og stöðunni á markaðnum. Ég hef ítrekað varað við litlu framboði á nýju húsnæði við afgreiðslu á húsnæðisáætlunum síðustu ár enda hefur framboðið verið langt undir íbúðaþörf eins og sjá má á myndum úr húsnæðisáætlunum 2025 og 2026 og spyrja má hvort það hafi orðið til þess að sumir íbúar hafi einfaldlega flutt búsetu sína yfir sveitarfélagsmörkin. -
Fram á nótt
Börn og aðrir minna þroskaðir menn Það vill svo til að börn undir lögaldri eiga það til að þvælast um á kvöldin og næturnar um helgar í miðbænum. Þetta getur varla talist eðlilegt þó svo að hægt sé að rekja þetta aftur um áratugi. Reglurnar eru nokkuð skýrar um útivistartíma barna og það ber að fara eftir þeim. Þær eru ekki eins og göngustígur sem liggur í 90° gráða beygju og allir stytta sér leið yfir grasið í stað þess að taka vinkilbeygju. Lög og reglur eru ekki sveigjanlegar þó svo að eitthvað hafi verið gert áður. Það er t.d. bannað að keyra á yfir 90 km hraða á þjóðvegum þó svo að margir geri það af og til eða oftast. Lögreglan myndi geta sinnt mun betur meira áríðandi störfum ef hún þyrfti ekki að hafa afskipti af ungmennum sem eru þar sem þeir eiga ekki að vera. Það er auk þess réttur barna og unglinga að foreldrar og forráðamenn setji þeim ákveðnar og skýrar reglur sem á að fara eftir. -
Skákmenn framtíðar
Sveitakeppni grunnskóla í skák var haldin nýverið og mættu þrír skólar til leiks; Oddeyrarskóli, Brekkuskóli og Lundarskóli. -
Fjöldi stórra verkefna í farvatninu
„Það hefur verið ágætt að gera hjá iðnaðarmönnum undanfarin misseri og vonir standa til að svo verði áfram,“ segir Sigmundur Kr. Magnússon þjónustufulltrúi hjá Byggiðn á Akureyri. Mikið hefur verið byggt af íbúðarhúsnæði og þá eru nokkur stór verkefni á vegum hins opinbera í farvatninu á næstunni. -
Óðinn Svan Óðinsson er oddviti L - listans í komandi sveitarstjónarkosningm n.k. vor
L-listinn kynnti í gær Óðinn Svan Óðinsson sem næsta oddvita listans vegna komandi sveitarstjórnarkosninga n.k vor. -
Góður gestur væntanlegur á morgun
Það er óhætt að fullyrða að góður gestur sé væntanlegur til Akureyrar á morgun þegar þyrla Landhelgisgæslunnar lendir á bílastæðinu við Glerártorg, fyrir framan Nettó, í tilefni 112 dagsins. -
Loðnuvertíðin komin á fullt
Loðnuvertíðin er hafin af fullum krafti og hafa skipin fengið ágætis afla í flestum köstum. Vilhelm Þorsteinsson EA 11, uppsjávarskip Samherja, er í sinni annarri veiðiferð á yfirstandandi vertíð. Skipið er þegar þetta er skrifað að veiðum suð-austur af Vík í Mýrdal.
