Fjöldi stórra verkefna í farvatninu
Hús sem verið er að byggja fyrir Hafnasamlag Norðurlands rýkur upp. Myndir af heimasíður Húsheildar Hyrnu
„Það hefur verið ágætt að gera hjá iðnaðarmönnum undanfarin misseri og vonir standa til að svo verði áfram,“ segir Sigmundur Kr. Magnússon þjónustufulltrúi hjá Byggiðn á Akureyri. Mikið hefur verið byggt af íbúðarhúsnæði og þá eru nokkur stór verkefni á vegum hins opinbera í farvatninu á næstunni.
„Við verðum lítið vör við að það sé eitthvað að hægja á, það eru fjölmörg verkefni í gangi og allir hafa nóg verkefni. Byggingaverktakar vilja samt gjarnan sjá eitthvað fram í tímann og hvað taki við þannig að fyrir þá er best að lóðir séu tiltækar með fyrirvara. Það þar líka að vera með mannskap í takt við verkefni og einhverjir hér um slóðir eru í samstarfi við starfsmannaleigur ef vantar upp á,“ segir hann.
Sigmundur segir að mikið hafi verið að gera hjá iðnaðarmönnum við uppbyggingu hótela á Akureyri, m.a. Hótel Akureyri og Hilton við Hafnarstræti og þá standi framkvæmdir við hótel við Skógarböðin sem hæst. Þá sé fjöldi nýrra og stórra verkefna í pípunum.
Hjúkrunarheimili og nýbygging við SAk
Eitt þeirra verkefna er uppbygging 140 rýma hjúkrunarheimilis við Þursaholt. Verið hefur verið boðið út og er gefinn frestur til 17. apríl að skila inn tilboðum. Miðað er við að framkvæmdir taki ríflega 3 ár.
Nýbygging við Sjúkrahúsið á Akureyri er eitt af stóru verkefnunum sem fram undan eru. Þar er gert ráð fyrir ríflega 10 þúsund fermetra legudeildum. Stefnt er á útboð vegna jarðvegframkvæmda verði nú síðar í febrúar og horft til þess að fyrsta skóflustunga að nýbyggingunni verði tekin 30. apríl næstkomandi.
Umfangsmikil fjárfesting
Mikil uppbygging hefur verið við gagnaver atNorth, þriðji áfangi er í fullum gangi og fyrir liggur ósk um enn frekari stækkun. Um er að ræða umfangsmestu fjárfestingu á svæðinu í langan tíma.
Þá má nefna að stefnt er á byggingu íbúðareininga fyrir stúdenta við Norðurslóð og gert ráð fyrir að hafist verði handa nú á vordögum. Loks má geta þess að löngu tímabær viðbygging við Verkmenntaskólann á Akureyri hefur verið í bið um skeið en væntingar um að hreyfing geti þar orðið á innan tíðar.
Verið er að byggja nýjan leikskóla í Hagahverfi og gengur vel.
Nýjast
-
Fjöldi stórra verkefna í farvatninu
„Það hefur verið ágætt að gera hjá iðnaðarmönnum undanfarin misseri og vonir standa til að svo verði áfram,“ segir Sigmundur Kr. Magnússon þjónustufulltrúi hjá Byggiðn á Akureyri. Mikið hefur verið byggt af íbúðarhúsnæði og þá eru nokkur stór verkefni á vegum hins opinbera í farvatninu á næstunni. -
Óðinn Svan Óðinsson er oddviti L - listans í komandi sveitarstjónarkosningm n.k. vor
L-listinn kynnti í gær Óðinn Svan Óðinsson sem næsta oddvita listans vegna komandi sveitarstjórnarkosninga n.k vor. -
Góður gestur væntanlegur á morgun
Það er óhætt að fullyrða að góður gestur sé væntanlegur til Akureyrar á morgun þegar þyrla Landhelgisgæslunnar lendir á bílastæðinu við Glerártorg, fyrir framan Nettó, í tilefni 112 dagsins. -
Loðnuvertíðin komin á fullt
Loðnuvertíðin er hafin af fullum krafti og hafa skipin fengið ágætis afla í flestum köstum. Vilhelm Þorsteinsson EA 11, uppsjávarskip Samherja, er í sinni annarri veiðiferð á yfirstandandi vertíð. Skipið er þegar þetta er skrifað að veiðum suð-austur af Vík í Mýrdal. -
Leikfélag VMA sýnir Ronju ræningjadóttur
Næstkomandi laugardag kl. 14 frumsýnir Leikfélag Verkmenntaskólans á Akureyri í Gryfjunni í VMA fjölskylduleikritið um Ronju ræningjadóttur sem byggir á samnefndri sögu eftir Astrid Lindgren. Leikstjóri er Pétur Guðjónsson og er þetta sjötta uppfærsla hans hjá Leikfélagi VMA. -
Sala á lausu skrúfunni að hefjast
Lausa skrúfan er vitundarvakning um mikilvægi þess að hugsa vel um andlega heilsu sína og ekki síður að berjast gegn sínum innri fordómum, ekki síður en fordómum annarra. Þessi lausa skrúfa er líka vegvísir fyrir fólk norðan heiða, jafnt þau sem eru að leita sér hjálpar við andlegri vanlíðan og þau sem vilja stunda geðrækt meðal jafningja. Loks er Lausa skrúfan fjáröflun fyrir Grófina Geðrækt sem er eina opna geðræktin á Norðurlandi. -
Endurbætur hefjast í álmu 3 á Hlíð fljótlega
„Við fögnum því að framkvæmdir eru að hefjast,“ segir Þóra Sif Sigurðardóttir framkvæmdastjóri Heilsuverndar Hjúkrunarheimila á Akureyri. Tilboð voru opnuð hjá Framkvæmdasýslu-Ríkiseignum nýverið í endurbætur í húsakynnum Hlíðar, álmu 3 sem hefur verið lokuð eftir að þar greindist mygla fyrir nokkrum árum og í ljós kom að það þurfti í umfangsmiklar endurbætur innanhúss. Um er að ræða heimilin Furu- og Víðihlíð. -
Sérfræðistörf hafi lekið til höfuðborgarsvæðisins
Á heimasíðu Rannsóknamiðstöð Háskólans á Akureyri (RHA) segir frá niðurstöðum rannsóknar sem beindist að því að finna og greina dæmi um tilvik þar sem óstaðbundin störf hafa flust frá landsbyggðinni til höfuðborgarsvæðisins síðastliðin fimm ár. -
Hvað þarf Framsókn?
Nú um helgina komum við Framsóknarfólk saman til flokksþings í Reykjavík þar sem við veljum okkur nýja forystu og nýjan formann.
