Leikfélag VMA sýnir Ronju ræningjadóttur
Ásta Ólöf Jónsdóttir (t.v.) og Elín Karlotta Antonsdóttir í hlutverkum Ronju og Bjarkar.
Næstkomandi laugardag kl. 14 frumsýnir Leikfélag Verkmenntaskólans á Akureyri í Gryfjunni í VMA fjölskylduleikritið um Ronju ræningjadóttur sem byggir á samnefndri sögu eftir Astrid Lindgren. Leikstjóri er Pétur Guðjónsson og er þetta sjötta uppfærsla hans hjá Leikfélagi VMA.
Uppsetningin á Ronju er skemmtilegt samstarfsverkefni við Brekkuskóla á Akureyri því fimm leikarar eru nemendur í Brekkuskóla en aðrir leikarar og aðstandendur sýningarinnar eru nemendur í VMA.
Ronja hefur oft verið færð upp á svið hér á landi en þó eru ansi mörg ár síðan það var síðast sett upp á Eyjafjarðarsvæðinu. Auk leikuppfærslu hefur verið gerð kvikmynd upp úr sögunni um Ronju og er hún til í íslenskri talsetningu.
Skemmtilegt samstarf hefur verið við Brekkuskóla um uppfærsluna á Ronju. Í sýningunni koma fram fimm nemendur Brekkuskóla. Hér eru til hægri tveir svokallaðir rassálfar, leiknir af tveimur stúlkum úr 5. bekk Brekkuskóla.
Í leikritinu er Ronju ræningjadóttur fylgt eftir þar sem hún býr með foreldrum sínum og ræningjahópi í Matthíasarskógi. Í upprunalegu sögunni kynnist hún Birki, syni Borka, annars ræningjaforingja og erkióvinar Matthíasar föður Ronju, og með þeim tekst djúp vinátta sem litin er hornauga af foreldrum þeirra.
Í uppfærslu Leikfélags VMA er farin sú leið að afkomandi Borka er ekki karlkynspersónan Birkir heldur kvenkynspersónan Björk sem leikin er af Elínu Karlottu Antonsdóttur, nemanda í 8. bekk í Brekkuskóla. Hinir fjórir nemendurnir úr Brekkuskóla, sem allir eru í 5. bekk skólans, fara með hlutverk rassálfa í sýningunni. Í burðarhlutverki sýningarinnar, sjálfri Ronju ræningjadóttur, er Ásta Ólöf Jónsdóttir, nemandi í VMA.
Frumsýning verður á Ronju nk. laugardag í Gryfjunni í VMA. Fimm aðrar sýningar hafa verið auglýstar.
Æfingar hófust í nóvember og síðan hefur verkið smám saman verið að taka á sig mynd í Gryfjunni í VMA. Fjölmargir aðrir en þeir sem standa á sviðinu leggja hönd á plóg við t.d. gerð leikmyndar, m.a. nemendur listnáms- og hönnunarbrautar og í byggingadeildar.
Sem fyrr segir verður frumsýning á Ronju ræningjadóttur laugardaginn 14. febrúar. Næstu sýningar verða 15., 21., 22., 28. febrúar og 1. mars. Allar sýningarnar eru kl. 14 í Gryfjunni í VMA.
Nýjast
-
Leikfélag VMA sýnir Ronju ræningjadóttur
Næstkomandi laugardag kl. 14 frumsýnir Leikfélag Verkmenntaskólans á Akureyri í Gryfjunni í VMA fjölskylduleikritið um Ronju ræningjadóttur sem byggir á samnefndri sögu eftir Astrid Lindgren. Leikstjóri er Pétur Guðjónsson og er þetta sjötta uppfærsla hans hjá Leikfélagi VMA. -
Sala á lausu skrúfunni að hefjast
Lausa skrúfan er vitundarvakning um mikilvægi þess að hugsa vel um andlega heilsu sína og ekki síður að berjast gegn sínum innri fordómum, ekki síður en fordómum annarra. Þessi lausa skrúfa er líka vegvísir fyrir fólk norðan heiða, jafnt þau sem eru að leita sér hjálpar við andlegri vanlíðan og þau sem vilja stunda geðrækt meðal jafningja. Loks er Lausa skrúfan fjáröflun fyrir Grófina Geðrækt sem er eina opna geðræktin á Norðurlandi. -
Endurbætur hefjast í álmu 3 á Hlíð fljótlega
„Við fögnum því að framkvæmdir eru að hefjast,“ segir Þóra Sif Sigurðardóttir framkvæmdastjóri Heilsuverndar Hjúkrunarheimila á Akureyri. Tilboð voru opnuð hjá Framkvæmdasýslu-Ríkiseignum nýverið í endurbætur í húsakynnum Hlíðar, álmu 3 sem hefur verið lokuð eftir að þar greindist mygla fyrir nokkrum árum og í ljós kom að það þurfti í umfangsmiklar endurbætur innanhúss. Um er að ræða heimilin Furu- og Víðihlíð. -
Sérfræðistörf hafi lekið til höfuðborgarsvæðisins
Á heimasíðu Rannsóknamiðstöð Háskólans á Akureyri (RHA) segir frá niðurstöðum rannsóknar sem beindist að því að finna og greina dæmi um tilvik þar sem óstaðbundin störf hafa flust frá landsbyggðinni til höfuðborgarsvæðisins síðastliðin fimm ár. -
Hvað þarf Framsókn?
Nú um helgina komum við Framsóknarfólk saman til flokksþings í Reykjavík þar sem við veljum okkur nýja forystu og nýjan formann. -
Gliðnun milli launa og grunnlífeyris með öllu óþolandi
Þessa dagana er umræða á Alþingi um frumvarp um breytingu á lögum um almannatryggingar er snúa að vísitölutengingu lífeyrisgreiðslna. Landssamband eldri borgara sendi inn umsögn vegna frumvarpsins í október síðastliðnum. -
Ekki ég!
Það er hrollvekjandi að hugsa til þess að á að minnsta kosti 45 árum hafi lítið sem ekkert breyst þegar kemur að umönnun aldraða og hinum svokallaða „fráflæðisvanda“ sem annars er skelfilegt orð. -
Leikdeild Umf. Eflingar frumsýnir Þrek og tár
Þrek og tár, eitt af ástsælustu verkum Ólafs Hauks Símonarsonar verður á fjölunum hjá leikdeild Umf. Eflingar á Breiðumýri í vetur. Leikstjóri er María Pálsdóttir og tónlistarstjóri Pétur Ingólfsson. -
Hofsbót 1-3 - tillaga að uppbyggingu
Á fundi skipulagsráðs í gær var lögð fram tillaga frá Zeppelin arkitektum f.h SS Byggis að uppbyggingu við Hofsbót 1-3.
