Hofsbót 1-3 - tillaga að uppbyggingu
Horft til vesturs frá smábátahöfinni Myndir Zeppelin ARKITEKTAR
Á fundi skipulagsráðs í gær var lögð fram tillaga frá Zeppelin arkitektum f.h SS Byggis að uppbyggingu við Hofsbót 1-3.
Í úthlutunar- og útboðsskilmálum fyrir lóðirnar var tekið fram að lóðarhafi gæti óskað eftir minniháttar breytingum á deiliskipulagi lóðanna án þess þó að það feli í sér breytingar á grundvallarforsendum deiliskipulagsins.
Tillagan sem lögð var fram felur í sér nokkrar breytingar á gildandi deiliskipulagi en að mati skipulagsráðs samræmist tillagan meginforsendum skipulagsins, enda er ekki gert ráð fyrir auknu byggingarmagni ofanjarðar, breytingum á hæðum bygginga eða nýtingu.
Meirihluti skipulagsráðs samþykkti að fela skipulagsfulltrúa að hefja vinnu með lóðarhafa að breytingu á deiliskipulagi samhliða nánari hönnun á útfærslu mannvirkja og nánasta umhverfi.
Jón Hjaltason óháður sat hjá við afgreiðsluna en Jón Þorvaldur Heiðarsson L-lista lét bóka eftirfarandi:
,,Undirritaður fagnar því að hús rísi í miðbænum með atvinnustarfsemi á neðstu hæð en íbúðum þar fyrir ofan. Ánægjulegt er að gluggar á neðstu hæð verði bogadregnir, gefur hlýlegra útlit. Lítið, skjólsælt torg er spennandi. Húsin eru á mikilvægasta staðnum á Akureyri og þurfa að vera falleg, tréklæðning má ekki drabbast niður og verða ljót. Mikilvægt er að húsin verði ekki nákvæmlega eins, heldur með mismunandi litum og jafnvel mætti gluggasetning vera eitthvað mismunandi. Er þörf á svo stórum gluggum á íbúðum á efri hæðum? Horn Glerárgötu og Strandgötu mætti hugsa betur. Hvernig er hægt að gera það flottasta horn bæjarins?"
Nýjast
-
Ekki ég!
Það er hrollvekjandi að hugsa til þess að á að minnsta kosti 45 árum hafi lítið sem ekkert breyst þegar kemur að umönnun aldraða og hinum svokallaða „fráflæðisvanda“ sem annars er skelfilegt orð. -
Leikdeild Umf. Eflingar frumsýnir Þrek og tár
Þrek og tár, eitt af ástsælustu verkum Ólafs Hauks Símonarsonar verður á fjölunum hjá leikdeild Umf. Eflingar á Breiðumýri í vetur. Leikstjóri er María Pálsdóttir og tónlistarstjóri Pétur Ingólfsson. -
Hofsbót 1-3 - tillaga að uppbyggingu
Á fundi skipulagsráðs í gær var lögð fram tillaga frá Zeppelin arkitektum f.h SS Byggis að uppbyggingu við Hofsbót 1-3. -
Mikil nýting frístundastyrks meðal barna og ungmenna á Akureyri árið 2025
Alls nýttu 2.679 börn og ungmenni á aldrinum 6–17 ára frístundastyrk Akureyrarbæjar á árinu 2025, sem samsvarar 85,8% allra barna í þessum aldurshópi í bænum. -
Viðra kindur á góðviðrisdögum
Tíðarfarið á Norðausturlandi hefur verið með besta móti undanfarið, snjólétt og stillt. -
Akureyri - Frönsk kvikmyndahátíð
Franska kvikmyndahátíðin á Akureyri hófst á þriðjudag, 10. febrúar og stendur til 15. febrúar. Hún fer fram í Sambíóunum á Akureyri, Amtsbókasafninu á Akureyri og á Listasafninu á Akureyri. -
Hildur Halldórsdóttir er nýr forstöðumaður Þekkingarnetsins
Hildur Halldórsdóttir hefur verið ráðin forstöðumaður Þekkingarnets Þingeyinga og tekur við starfinu í apríl. Hún kemur til starfa með víðtæka reynslu úr nýsköpun, menningu og skapandi greinum, þjónustu, rannsóknum og menntun. -
Menntaskólinn á Akureyri - Freydís Jóna hlaut annað sæti í smásögusamkeppni FEKÍ
Verðlaun fyrir smásögusamkeppni Félags enskukennara á Íslandi (FEKÍ) voru afhent með pompi og prakt síðdegis í gær í Veröld - húsi Vigdísar. Athöfnin var haldin í samstarfi við Breska sendiráðið og Vigdísarstofu og kom það í hlut sendiherra Breta á Íslandi, Dr. Bryony Mathew, að afhenda verðlaunin. -
Mikill áhugi á uppbyggingu listnáms á háskólastigi á Akureyri
Í gær fór fram vel sóttur kynningarfundur um þróun listnáms á háskólastigi á Akureyri í samstarfi Háskólans á Akureyri (HA) og Listaháskóla Íslands (LHÍ). Fundurinn vakti töluverðan áhuga og sköpuðust líflegar og gagnlegar umræður um markmið verkefnisins, fyrirkomulag og framtíðarmöguleika listnáms á Norðurlandi.
