Mikill áhugi á uppbyggingu listnáms á háskólastigi á Akureyri
Mikil aðsókn og líflegar umræður á kynningarfundi HA og LHÍ Mund inak.is
Í gær fór fram vel sóttur kynningarfundur um þróun listnáms á háskólastigi á Akureyri í samstarfi Háskólans á Akureyri (HA) og Listaháskóla Íslands (LHÍ). Fundurinn vakti töluverðan áhuga og sköpuðust líflegar og gagnlegar umræður um markmið verkefnisins, fyrirkomulag og framtíðarmöguleika listnáms á Norðurlandi.
Tilraunaverkefni með skýran tilgang
Á fundinum var farið yfir stöðu verkefnisins, áætlun fyrir 2026 og svör við spurningum þátttakenda, meðal annars um tímaramma og hvort verkefnið gæti leitt til opnunar varanlegra námslína. Kom fram að um sé að ræða tilraunaverkefni sem ætlað er að kanna hvernig þetta fyrirkomulag hentar nemendum á landsbyggðinni. Fjármögnun verkefnisins er tryggð út þetta ár, en framhaldið ræðst af því hvort og með hvaða hætti samstarfsaðilar geti tryggt áframhaldandi fjármögnun eftir það.
Mikilvægur áfangi fyrir listnám á Norðurlandi
Verkefnið er mikilvægt skref í uppbyggingu listnáms á Norðurlandi og ákall frá hagaðilum. HA og LHÍ hafa hlotið styrk úr samstarfssjóði háskólanna til að þróa listnám á háskólastigi á Akureyri, með það að markmiði að auka aðgengi að listnámi utan höfuðborgarsvæðisins og styrkja tengsl lista, fræða og samfélags.
Námsframboð mótað í samtali við samfélagið
Í verkefninu vinna deildir LHÍ, myndlistardeild, hönnunardeild og sviðslistadeild, í nánu samstarfi við HA að uppbyggingu námsframboðs. Námskeiðin eru mótuð á grundvelli þarfagreiningar sem framkvæmd var meðal starfsfólks HA, LHÍ og í samtali við grasrótina á svæðinu, þar á meðal listafólk, menningarstofnanir, skóla og aðra hagsmunaaðila.
Nýjar leiðir í fjarnámi í listum
HA leggur verkefninu til kennslufræðilegan stuðning og hugmyndafræðilegan grunn sem styður kennara LHÍ í þróun fjarnáms- og dreifnámsleiða í verklegu listnámi. Þannig skapast nýjar aðferðir sem gera þátttöku mögulega þrátt fyrir fjarlægðir og draga úr þörf nemenda á landsbyggðinni til að flytja á höfuðborgarsvæðið til að stunda listnám. Námsfyrirkomulagið er sveigjanlegt og byggir bæði á staðnámi á Akureyri og fjarnámi í rauntíma, sem opnar dyr fyrir breiðan hóp þátttakenda.
Næstu skref
Verkefninu var mjög vel tekið á fundinum og greinilegur áhugi var á framhaldinu. Gert er ráð fyrir að næstu skref verði kynnt síðar í þessari viku eða í byrjun næstu viku, en þá verður einnig nánari kynning á þeim námskeiðum sem verða í boði.
Frekari upplýsingar um verkefnið veita:
- Tom Barry, tom@unak.is og í síma 861 9824
- Ásthildur Jónsdóttir, astajons@lhi.is og í síma 787 0207
unak.is sagði fyrst frá
Nýjast
-
Hildur Halldórsdóttir er nýr forstöðumaður Þekkingarnetsins
Hildur Halldórsdóttir hefur verið ráðin forstöðumaður Þekkingarnets Þingeyinga og tekur við starfinu í apríl. Hún kemur til starfa með víðtæka reynslu úr nýsköpun, menningu og skapandi greinum, þjónustu, rannsóknum og menntun. -
Menntaskólinn á Akureyri - Freydís Jóna hlaut annað sæti í smásögusamkeppni FEKÍ
Verðlaun fyrir smásögusamkeppni Félags enskukennara á Íslandi (FEKÍ) voru afhent með pompi og prakt síðdegis í gær í Veröld - húsi Vigdísar. Athöfnin var haldin í samstarfi við Breska sendiráðið og Vigdísarstofu og kom það í hlut sendiherra Breta á Íslandi, Dr. Bryony Mathew, að afhenda verðlaunin. -
Mikill áhugi á uppbyggingu listnáms á háskólastigi á Akureyri
Í gær fór fram vel sóttur kynningarfundur um þróun listnáms á háskólastigi á Akureyri í samstarfi Háskólans á Akureyri (HA) og Listaháskóla Íslands (LHÍ). Fundurinn vakti töluverðan áhuga og sköpuðust líflegar og gagnlegar umræður um markmið verkefnisins, fyrirkomulag og framtíðarmöguleika listnáms á Norðurlandi. -
Hvers konar heilsufræðslu þarf og vill eldra fólk?
Hlutfall eldri borgara á Íslandi fer vaxandi og er nú um 15% þjóðarinnar. Eldra fólk er líklegra til að glíma við langvinna sjúkdóma og hrumleika, en regluleg hreyfing, lítil streita, góð næring og gott heilsulæsi stuðlar að betri heilsu og sjálfstæði á efri árum. -
Tónlistarskólinn fékk veglega afmælisgjöf frá Kili á 80 ára afmælinu
Tónlistarskólinn á Akureyri fagnaði 80 ára afmæli sínu með glæsilegri hátíð í Hofi síðasta laugardag. Við það tilefni Arna Jakobína Björnsdóttir, formaður stéttarfélagsins Kjalar, skólanum veglega peningagjöf. -
„Helltist yfir mann feginleiki að þarna töpuðust bara dauðir hlutir“
Guðmundur Vilhjálmsson eigandi og framkvæmdastjóri Garðvíkur á Húsavík er ekki af baki dottinn þó á móti blási -
Hvenær er það besta nógu gott?
Undanfarnar vikur hafa verið annasamar hjá okkur sem lifum og hrærumst í menntamálum. Nýr ráherra málaflokksins kom inn með miklum látum. Allt í einu var skollið á þriðja læsistríðið, sleggja hafði verið reidd til höggs og henni beint að meintum sökudólgum. Svo virtist sem finna ætti einfalda lausn á afar flóknu viðfangsefni. Ef það er það besta sem ráðherra getur gert, þá er það ekki nógu gott! -
VMA - Nemendur í kvöldskóla byggja þjónustuhús
Nemendur í kvöldskóla í húsasmíði við Verkmenntaskólann á Akureyri eru nú á vorönn að smíða timburhús, líkt og dagskólanemar. Munurinn er þó sá að kvöldskólanemar byggja þjónustuhús þar sem verða salerni, handlaugar og sturtuaðstaða en dagskólanemendur smíða þrjú frístundahús fyrir tjaldsvæðið á Hömrum. Þjónustuhúsinu, sem kvöldskólanemarnir eru nú komnir í fullan gang með að smíða, verður komið fyrir við einkatjaldsvæði á jörðinni Ytri-Á á Kleifum í Ólafsfirði, segir á vef VMA. -
Völsungur og Norðurþing semja til þriggja ára
Norðurþing og Völsungur undirrituðu á dögunum nýjan samstarfssamning til næstu þriggja ára sem tryggir áframhaldandi stuðning við öflugt íþróttastarf í sveitarfélaginu.
