VMA - Nemendur í kvöldskóla byggja þjónustuhús
Gólfið er farið að taka á sig mynd og búið er að reisa langhliðarveggina. Hlutirnir gerast hratt þegar allir leggjast á eitt. Mynd á vef VMA
Nemendur í kvöldskóla í húsasmíði við Verkmenntaskólann á Akureyri eru nú á vorönn að smíða timburhús, líkt og dagskólanemar. Munurinn er þó sá að kvöldskólanemar byggja þjónustuhús þar sem verða salerni, handlaugar og sturtuaðstaða en dagskólanemendur smíða þrjú frístundahús fyrir tjaldsvæðið á Hömrum. Þjónustuhúsinu, sem kvöldskólanemarnir eru nú komnir í fullan gang með að smíða, verður komið fyrir við einkatjaldsvæði á jörðinni Ytri-Á á Kleifum í Ólafsfirði, segir á vef VMA.
Húsið verður að fullu smíðað innandyra. Ástæðan er annars vegar sú að vegna þess að nemendur eru einungis í skólanum seinni part dags getur veður og myrkur sett strik í reikninginn við byggingu hússins. Með því að reisa það inni þarf ekki að hafa áhyggjur af duttlungum veðurguðanna. Hin ástæðan fyrir því að ákveðið var að byggja húsið inni er einfaldlega sú að það er ekki pláss fyrir það á útisvæðinu vegna þess að þar eru fyrir þrjú frístundahús í byggingu.
Engan tíma má missa til þess að klára verkið fyrir vorið og það fer ekki á milli mála að nemendur ætla sér að ná því, þeir gefa sér vart tíma til þess að fá sér kaffisopa!
Nýjast
-
Hvenær er það besta nógu gott?
Undanfarnar vikur hafa verið annasamar hjá okkur sem lifum og hrærumst í menntamálum. Nýr ráherra málaflokksins kom inn með miklum látum. Allt í einu var skollið á þriðja læsistríðið, sleggja hafði verið reidd til höggs og henni beint að meintum sökudólgum. Svo virtist sem finna ætti einfalda lausn á afar flóknu viðfangsefni. Ef það er það besta sem ráðherra getur gert, þá er það ekki nógu gott! -
VMA - Nemendur í kvöldskóla byggja þjónustuhús
Nemendur í kvöldskóla í húsasmíði við Verkmenntaskólann á Akureyri eru nú á vorönn að smíða timburhús, líkt og dagskólanemar. Munurinn er þó sá að kvöldskólanemar byggja þjónustuhús þar sem verða salerni, handlaugar og sturtuaðstaða en dagskólanemendur smíða þrjú frístundahús fyrir tjaldsvæðið á Hömrum. Þjónustuhúsinu, sem kvöldskólanemarnir eru nú komnir í fullan gang með að smíða, verður komið fyrir við einkatjaldsvæði á jörðinni Ytri-Á á Kleifum í Ólafsfirði, segir á vef VMA. -
Völsungur og Norðurþing semja til þriggja ára
Norðurþing og Völsungur undirrituðu á dögunum nýjan samstarfssamning til næstu þriggja ára sem tryggir áframhaldandi stuðning við öflugt íþróttastarf í sveitarfélaginu. -
Norðurþing - Samkomulag um fornminjaskráningu undirritað
Norðurþing og Minjastofnun Íslands hafa gengið frá samkomulagi um skráningu fornleifa í Norðurþingi. -
Fjórir aðilar buðu í byggingu hjúkrunarheimilis á Húsavík
Tilboð voru opnuð í byggingu nýs hjúkrunarheimilis á Húsavík á mánudag. Tilboð bárust frá fjórum aðilum: Eik fasteignafélagi, Pekron ehf., Reitir atvinnuhúsnæði og Þingvangi ehf. -
VMA - Góð gjöf frá Slippfélaginu
Það er gömul saga og ný að það er ómetanlegt fyrir VMA að eiga góða að sem vilja leggja honum lið og styðja við nám nemenda. -
Menntaskólinn á Akureyri eignast myndverk eftir Godd
Bálför Guðmundar Odds Magnússonar listamanns og grafísks hönnuðar fer fram í dag, 9. febrúar. Hann lést í bílslysi 3. janúar síðastliðinn. Goddur var nemandi við Menntaskólann á Akureyri í upphafi áttunda áratugarins áður en hann hóf nám við Handíða- og Myndlistaskóla Íslands. -
Lokaorðið - Hversu ólíkt var lífsstrit, örlög og líf formæðra okkar
Hversu ólíkt var lífsstrit, örlög og líf formæðra okkar samanborðið við líf okkar í dag. Langamma mín, Emilía Sigurgeirsdóttir fæddist í Uppibæ, Flatey, Skjálfanda, 30. janúar 1903 fyrir 123 árum síðan, hún lést 15. desember 2000. Hún var dóttir hjónanna Halldóru Guðmundsdóttur frá Brettingsstöðum, Flateyjardal og Sigurgeirs Sigurðssonar, Uppibæ, Flatey, Skjálfanda. -
Tekjur Hafnasamlags Norðurlands lægri en áætlanir gerðu ráð fyrir
„Árið kom í heildina nokkuð vel út og var niðurstaðan í samræmi við þær væntingar sem gerðar höfðu verið í upphafi árs,“ segir Pétur Ólafsson hafnarstjóri hjá Hafnasamlagi Norðurlands.
