Tekjur Hafnasamlags Norðurlands lægri en áætlanir gerðu ráð fyrir
Tekjur HN vegna skemmtiferðaskipa námu um 900,5 milljónum króna á liðnu ári. Myndir Aðsendar
„Árið kom í heildina nokkuð vel út og var niðurstaðan í samræmi við þær væntingar sem gerðar höfðu verið í upphafi árs,“ segir Pétur Ólafsson hafnarstjóri hjá Hafnasamlagi Norðurlands.
Á liðnu ári var flutt magn til og frá Akureyri um það bil 211 þúsund tonn sem er heldur meira magn en árið á undan.
Landaður sjávarafli til hafna samlagsins nam í heild ríflega 23 þúsund tonnum og var heldur meiri samanborið við árið 2024 þegar aflinn nam 22,7 þúsund tonnum. Mestu var landað á Akureyri, um ríflega 21 þúsund tonnum.
Meira í Grímsey en minna í Hrísey
Í Grímsey var landað alls 1182 tonnum sem er meira en var árið á undan þegar tonnin voru 974 talsins. Samdráttur hefur á liðnum áratug verið í lönduðum afla í Grímsey, en frá 2014 til 2020 var að jafnaði landað í kringum 2000 tonnum í eynni. Í Hrísey var landaður afli 459 tonn samanborið við 674 tonn árið á undan.
„Landaður afli var á pari við það sem búast mátti við og í samræmi við fyrri ár, sem stuðlaði að því að heildarniðurstaða ársins varð ásættanleg,“ segir Pétur.
Í Grímsey var landað alls 1182 tonnum
Gjöld á skemmtiferðaskip höfðu áhrif
„Rekstrarniðurstaða HN var stöðug, þrátt fyrir að tekjur reyndust lægri en áætlanir höfðu gert ráð fyrir,“ segir Pétur og bætir við að tekjusamdrátt megi meðal annars rekja til gjalda á skemmtiferðaskip, sem höfðu áhrif á komur þeirra. Að auki hafi strandsiglingar dregist saman eftir að Eimskip hætti reglubundnum siglingum á haustmánuðum. Sú þróun hafði bein áhrif á flutningstekjur.
Farþegar með skemmtiferðaskipum sem höfðu viðkomu í höfnum HN voru ríflega 256 þúsund, heldur færri en komu árið á undan þegar þeir voru 261 þúsund talsins. Tekjur HN vegna skemmtiferðaskipa námu um 900,5 milljónum króna á liðnu ári.
Nýjast
-
Tekjur Hafnasamlags Norðurlands lægri en áætlanir gerðu ráð fyrir
„Árið kom í heildina nokkuð vel út og var niðurstaðan í samræmi við þær væntingar sem gerðar höfðu verið í upphafi árs,“ segir Pétur Ólafsson hafnarstjóri hjá Hafnasamlagi Norðurlands. -
Berglind Ósk, Heimir Örn, Arna Rut og Þórhallur Harðarsson leiða lista Sjálfstæðisflokksins á Akureyri
Fulltrúaráð sjálfstæðisfélaganna á Akureyri kom saman á röðunarfundi í Naustaskóla í gær og kaus í fjögur efstu sæti á framboðslista Sjálfstæðisflokksins í sveitarstjórnarkosningunum 16. maí nk. -
Sundlaug Akureyrar - heilsulind í boði bæjarins.
Fyrsta sundlaugin sem byggð var á Akureyri og sennilega á þeim stað sem Sundlaug Akureyrar er nú, var gerð árið 1897, með torffyrirhleðslu í læk sem rann um Grófargil. Hún var styrkt og stækkuð 1936 og enn frekar 1956 þegar innilaug í kjallara var opnuð sem kennslulaug. 1994 og svo aftur 1998/99 var farið í endurbætur á sundlauginni, fyrst voru rennibrautir, pottar og eimböð sett upp eða löguð og í seinni lotunni var annarri útilaug bætt við -
Framkvæmdir við göngubrú yfir Glerá og jöfnunarstöð fyrir strætó að hefjast
Framkvæmdir viðnýja göngubrú yfir Glerár á móts við Glerártorg hefjast nú í febrúar. Umhverfis- og mannvirkjaráð hefur sótt um framkvæmdaleyfi og skipulagsfulltrúa verið falið að gefa það út þegar fullnægjandi gögn hafa borist. Jafnframt því sem göngubrúin verður reist verða framkvæmdir við nýja jöfnunarstöð fyrir strætó á þessum slóðum. Samið hefur verið við SS-Byggi um smíði brúarinnar. -
Þingeyjarsveit Áhyggjur af fjarskipta- sambandi eftir lokun 2G og 3G
Sveitarstjórn Þingeyjarsveitar tekur undir áhyggjur atvinnu-og nýsköpunarnefndar varðandi fjarskiptasamband í sveitarfélaginu. -
Eignasafn félagslegra íbúða skoðað með sölu óhagkvæmra eigna í huga
Velferðarráð Akureyrar leggur til að farið verði í það verkefni að skoða eignasafn félagslegra leiguíbúða með sölu óhagkvæmra eigna í huga, mikilvægt er að koma til móts við þá sem hafa verið hvað lengst á biðlista. Sviðsstjóra var falið að vinna að því ásamt sviðsstjóra UMSA og fjármálastjóra. -
Styrkir Norðurorku til samfélagsverkefna 2026
Fimmtudaginn 5. febrúar, fór fram afhending á styrkjum Norðurorku til samfélagsverkefna vegna ársins 2026. Athöfnin fór fram í Menningarhúsinu Hofi, sem er vel við hæfi þar sem Norðurorka er bakhjarl Menningarfélagsins. -
Stofnframlag vegna byggingar búsetukjarna við Nonnahaga
Bæjarráð Akureyrar hefur samþykkt stofnframlag til Þroskahjálpar til byggingar búsetukjarna við Nonnahaga. -
Fulltrúum í sveitarstjórn Þingeyjarsveitar verður fækkað úr níu í sjö á næsta kjörtímabili.
Innviðaráðuneyti veitti sveitarfélaginu undanþágu til að fjölga sveitarstjórnarfulltrúum í kjölfar þess Skútustaðahreppur sameinaðist Þingeyjarsveit. Undanþágan gilti í tvö kjörtímabil. Samkvæmt sveitarstjórnarlögum eru sveitarstjórnarfulltrúar að jafnaði fimm til sjö í sveitarfélögum með færri en 2.000 íbúa.
