Berglind Ósk, Heimir Örn, Arna Rut og Þórhallur Harðarsson leiða lista Sjálfstæðisflokksins á Akureyri
Þau skipa fjögur efstu sætin á lista Sjálfstæðisflokksins æi komandi sveitarstjórnarkosningum n.k. vor Mund islendingur.is
Fulltrúaráð sjálfstæðisfélaganna á Akureyri kom saman á röðunarfundi í Naustaskóla í gær og kaus í fjögur efstu sæti á framboðslista Sjálfstæðisflokksins í sveitarstjórnarkosningunum 16. maí nk.
Berglind Ósk Guðmundsdóttir, lögfræðingur og fyrrum alþingismaður, sigraði Þórhall Jónsson í kosningu um leiðtogasætið. Hún hlaut 61 atkvæði en Þórhallur 55 atkvæði. Berglind Ósk verður með þessu yngst til að leiða Sjálfstæðisflokkinn á Akureyri í sveitarstjórnarkosningum frá því hann bauð fyrst fram í sveitarstjórnarkosningunum 1934. 32 ára gömul er hún enn á ungliðaaldri í flokknum. Berglind var áður varabæjarfulltrúi á árunum 2018-2021 er hún var kjörin á þing.
Heimir Örn Árnason, bæjarfulltrúi, sigraði einnig Þórhall Jónsson í kosningu um annað sætið. Heimir Örn hlaut 74 atkvæði en Þórhallur 45 atkvæði. Heimir Örn hefur setið í bæjarstjórn og verið oddviti Sjálfstæðisflokksins á Akureyri á kjörtímabilinu sem er að ljúka, verið formaður bæjarráðs og formaður fræðslu- og lýðheilsuráðs bæjarins.
Arna Rut Gunnarsdóttir hreppti þriðja sætið en hún hafði naumlega betur í kosningu við Þorstein Kristjánsson, Arna Rut hlaut 60 atkvæði en Þorsteinn hlaut 56 atkvæði.
Þórhallur Harðarson hlaut svo kosningu í fjórða sætið. Hann hlaut 69 atkvæði en Vilmundur Árnason hlaut 10. 40 atkvæði voru auð eða ógild.
islendingur.is sagði frá
Nýjast
-
Tekjur Hafnasamlags Norðurlands lægri en áætlanir gerðu ráð fyrir
„Árið kom í heildina nokkuð vel út og var niðurstaðan í samræmi við þær væntingar sem gerðar höfðu verið í upphafi árs,“ segir Pétur Ólafsson hafnarstjóri hjá Hafnasamlagi Norðurlands. -
Berglind Ósk, Heimir Örn, Arna Rut og Þórhallur Harðarsson leiða lista Sjálfstæðisflokksins á Akureyri
Fulltrúaráð sjálfstæðisfélaganna á Akureyri kom saman á röðunarfundi í Naustaskóla í gær og kaus í fjögur efstu sæti á framboðslista Sjálfstæðisflokksins í sveitarstjórnarkosningunum 16. maí nk. -
Sundlaug Akureyrar - heilsulind í boði bæjarins.
Fyrsta sundlaugin sem byggð var á Akureyri og sennilega á þeim stað sem Sundlaug Akureyrar er nú, var gerð árið 1897, með torffyrirhleðslu í læk sem rann um Grófargil. Hún var styrkt og stækkuð 1936 og enn frekar 1956 þegar innilaug í kjallara var opnuð sem kennslulaug. 1994 og svo aftur 1998/99 var farið í endurbætur á sundlauginni, fyrst voru rennibrautir, pottar og eimböð sett upp eða löguð og í seinni lotunni var annarri útilaug bætt við -
Framkvæmdir við göngubrú yfir Glerá og jöfnunarstöð fyrir strætó að hefjast
Framkvæmdir viðnýja göngubrú yfir Glerár á móts við Glerártorg hefjast nú í febrúar. Umhverfis- og mannvirkjaráð hefur sótt um framkvæmdaleyfi og skipulagsfulltrúa verið falið að gefa það út þegar fullnægjandi gögn hafa borist. Jafnframt því sem göngubrúin verður reist verða framkvæmdir við nýja jöfnunarstöð fyrir strætó á þessum slóðum. Samið hefur verið við SS-Byggi um smíði brúarinnar. -
Þingeyjarsveit Áhyggjur af fjarskipta- sambandi eftir lokun 2G og 3G
Sveitarstjórn Þingeyjarsveitar tekur undir áhyggjur atvinnu-og nýsköpunarnefndar varðandi fjarskiptasamband í sveitarfélaginu. -
Eignasafn félagslegra íbúða skoðað með sölu óhagkvæmra eigna í huga
Velferðarráð Akureyrar leggur til að farið verði í það verkefni að skoða eignasafn félagslegra leiguíbúða með sölu óhagkvæmra eigna í huga, mikilvægt er að koma til móts við þá sem hafa verið hvað lengst á biðlista. Sviðsstjóra var falið að vinna að því ásamt sviðsstjóra UMSA og fjármálastjóra. -
Styrkir Norðurorku til samfélagsverkefna 2026
Fimmtudaginn 5. febrúar, fór fram afhending á styrkjum Norðurorku til samfélagsverkefna vegna ársins 2026. Athöfnin fór fram í Menningarhúsinu Hofi, sem er vel við hæfi þar sem Norðurorka er bakhjarl Menningarfélagsins. -
Stofnframlag vegna byggingar búsetukjarna við Nonnahaga
Bæjarráð Akureyrar hefur samþykkt stofnframlag til Þroskahjálpar til byggingar búsetukjarna við Nonnahaga. -
Fulltrúum í sveitarstjórn Þingeyjarsveitar verður fækkað úr níu í sjö á næsta kjörtímabili.
Innviðaráðuneyti veitti sveitarfélaginu undanþágu til að fjölga sveitarstjórnarfulltrúum í kjölfar þess Skútustaðahreppur sameinaðist Þingeyjarsveit. Undanþágan gilti í tvö kjörtímabil. Samkvæmt sveitarstjórnarlögum eru sveitarstjórnarfulltrúar að jafnaði fimm til sjö í sveitarfélögum með færri en 2.000 íbúa.
