Framkvæmdir við göngubrú yfir Glerá og jöfnunarstöð fyrir strætó að hefjast
Framkvæmdir hefjast nú í febrúar, fulltrúi Samfylkingar í skipulagsráði hefur verulegar efasemdir um framkvæmdina.
Framkvæmdir viðnýja göngubrú yfir Glerár á móts við Glerártorg hefjast nú í febrúar. Umhverfis- og mannvirkjaráð hefur sótt um framkvæmdaleyfi og skipulagsfulltrúa verið falið að gefa það út þegar fullnægjandi gögn hafa borist. Jafnframt því sem göngubrúin verður reist verða framkvæmdir við nýja jöfnunarstöð fyrir strætó á þessum slóðum. Samið hefur verið við SS-Byggi um smíði brúarinnar.
Verulegar efasemdir um framkvæmdina
„Hér með eru bókaðar enn á ný verulegar efasemdir um þessa framkvæmd,“ segir Sindri S. Kristjánsson fulltrúi S- lista í skipulagsráði Akureyrar í bókun. Ástæða þess sé hin svokallaða jöfnunarstöð fyrir strætó. Í tengslum við hana hafi t.a.m. ekki farið fram óháð mat á áhrifum framkvæmdarinnar á umferðaröryggi, eins og óskað hefur verið eftir. Þá sé fjölda mörgum spurningum um aðgengi að jöfnunarstöðinni og áhrif hennar á umferðarflæði um svæðið enn ósvarað.
Hvar á strætó að stoppa?
Nú liggur fyrir umsókn um framkvæmdaleyfi sem geri ráð fyrir að framkvæmdir á svæðinu standi yfir í 18 mánuði. „Í ljósi þessa langa framkvæmdatíma (og reynslunnar af raunframkvæmdatíma á Akureyri) skortir alfarið í gögn málsins upplýsingar um áhrif á almenningssamgöngur á framkvæmdatímanum þ.e. hvar á strætó að stoppa meðan á framkvæmdum stendur. Þá eru í umsókninni engar útfærðar mótvægisaðgerðir til að tryggja umferðarflæði á framkvæmdatímanum og engar útfærðar mótvægisaðgerðir til að tryggja öryggi gangandi og hjólandi.“
Nýjast
-
Framkvæmdir við göngubrú yfir Glerá og jöfnunarstöð fyrir strætó að hefjast
Framkvæmdir viðnýja göngubrú yfir Glerár á móts við Glerártorg hefjast nú í febrúar. Umhverfis- og mannvirkjaráð hefur sótt um framkvæmdaleyfi og skipulagsfulltrúa verið falið að gefa það út þegar fullnægjandi gögn hafa borist. Jafnframt því sem göngubrúin verður reist verða framkvæmdir við nýja jöfnunarstöð fyrir strætó á þessum slóðum. Samið hefur verið við SS-Byggi um smíði brúarinnar. -
Þingeyjarsveit Áhyggjur af fjarskipta- sambandi eftir lokun 2G og 3G
Sveitarstjórn Þingeyjarsveitar tekur undir áhyggjur atvinnu-og nýsköpunarnefndar varðandi fjarskiptasamband í sveitarfélaginu. -
Eignasafn félagslegra íbúða skoðað með sölu óhagkvæmra eigna í huga
Velferðarráð Akureyrar leggur til að farið verði í það verkefni að skoða eignasafn félagslegra leiguíbúða með sölu óhagkvæmra eigna í huga, mikilvægt er að koma til móts við þá sem hafa verið hvað lengst á biðlista. Sviðsstjóra var falið að vinna að því ásamt sviðsstjóra UMSA og fjármálastjóra. -
Styrkir Norðurorku til samfélagsverkefna 2026
Fimmtudaginn 5. febrúar, fór fram afhending á styrkjum Norðurorku til samfélagsverkefna vegna ársins 2026. Athöfnin fór fram í Menningarhúsinu Hofi, sem er vel við hæfi þar sem Norðurorka er bakhjarl Menningarfélagsins. -
Stofnframlag vegna byggingar búsetukjarna við Nonnahaga
Bæjarráð Akureyrar hefur samþykkt stofnframlag til Þroskahjálpar til byggingar búsetukjarna við Nonnahaga. -
Fulltrúum í sveitarstjórn Þingeyjarsveitar verður fækkað úr níu í sjö á næsta kjörtímabili.
Innviðaráðuneyti veitti sveitarfélaginu undanþágu til að fjölga sveitarstjórnarfulltrúum í kjölfar þess Skútustaðahreppur sameinaðist Þingeyjarsveit. Undanþágan gilti í tvö kjörtímabil. Samkvæmt sveitarstjórnarlögum eru sveitarstjórnarfulltrúar að jafnaði fimm til sjö í sveitarfélögum með færri en 2.000 íbúa. -
Brot af sumri í Safnahúsinu
Sýningin Brot af sumri var opnuð í Safnahúsinu á Húsavík nýverið. Þar má finna verk eftir Evgeniiu Saknarova, listakonu sem starfar á Norðurlandi. Hún hefur lært bæði í Rússlandi og Bandaríkjunum.Sýningin stendur til 14. mars næstkomandi. -
Landvinnslur Samherja fá hæstu einkunn
Árlegri úttekt alþjóðlegu vottunarstofunnar Intertek SAI Global lauk í vikunni hjá landvinnslum Samherja á Akureyri og Dalvík. Úttektin leiddi í ljós að vinnslurnar uppfylla báðar ítrustu gæðakröfur sem almennt eru settar á matvælaframleiðslur og fen... -
Lof og söknuður á Kristjánsbakarí
Þegar ég var barn, á leið úr Síðuskóla og röltandi í Glerárskóla í einhvers konar hreyfingu sem mér fannst alltaf kvöð, gat ég huggað mig við þá tilhugsun að á leiðinni til baka kæmum við vinkonurnar við í Sunnuhlíð. Þar var Kristjánsbakarí með útibú, og við keyptum okkur snúð fyrir 90 krónur sem við borðuðum úr plastpokanum á leiðinni upp brekkuna í næsta tíma í skólanum.
