Menntaskólinn á Akureyri eignast myndverk eftir Godd
Brynjar Karl Óttarsson, til vinstri og Björn Vigfússon til hægri Mynd ma.is
Bálför Guðmundar Odds Magnússonar listamanns og grafísks hönnuðar fer fram í dag, 9. febrúar. Hann lést í bílslysi 3. janúar síðastliðinn. Goddur var nemandi við Menntaskólann á Akureyri í upphafi áttunda áratugarins áður en hann hóf nám við Handíða- og Myndlistaskóla Íslands.
Í síðasta mánuði sögðum við frá skólablaði sem Goddur og aðrir nemendur við MA gáfu út árið 1972 og veltum upp hvort hann hefði mögulega komið að hönnun og myndskreytingum blaðsins. Kveikjan að slíkum vangaveltum var sú að innan um fjölmörg listaverk í eigu skólans var ekki að finna eitt einasta verk úr fórum Guðmundar Odds. Þannig væru myndverkin í 11. tölublaði Munins vorið 1972 mögulega hin einu sem MA ætti frá Guðmundi Oddi Magnússyni.
Björn Vigfússon kennari við Menntaskólann á Akureyri til margra ára og Guðmundur Oddur voru jafnaldrar, samnemendur í MA og vinir um langt skeið. Björn var fljótur að bregðast við umfjöllun okkar um verk eftir vin sinn í MA eða öllu heldur skort á þeim. Sagðist Björn luma á myndverki eftir Godd sem hann hygðist færa skólanum að gjöf. Nokkrum dögum síðar kom hann færandi hendi. Óhætt er að segja að gjöf hans til skólans sé kærkomin í ljósi þess sem áður hefur komið fram en ekki síður vegna tenginga sem verkið hefur við MA.
Um er að ræða blýantsteikningu sem Guðmundur Oddur gerði af Birni 1976, árið sem Björn útskrifaðist frá MA. Í bakgrunni er óþekkt timburhús sem svipar til Gamla skóla. Neðst á myndinni til hægri er áritunin „Guðmundur Oddur ´76“. Kunnum við Birni hinar bestu þakkir fyrir höfðinglega gjöf. Hún mun sóma sér vel með verkum annarra listamanna í stóru safni skólans.
Frá þessu segir á heimasíðu skólans
Nýjast
-
Menntaskólinn á Akureyri eignast myndverk eftir Godd
Bálför Guðmundar Odds Magnússonar listamanns og grafísks hönnuðar fer fram í dag, 9. febrúar. Hann lést í bílslysi 3. janúar síðastliðinn. Goddur var nemandi við Menntaskólann á Akureyri í upphafi áttunda áratugarins áður en hann hóf nám við Handíða- og Myndlistaskóla Íslands. -
Lokaorðið - Hversu ólíkt var lífsstrit, örlög og líf formæðra okkar
Hversu ólíkt var lífsstrit, örlög og líf formæðra okkar samanborðið við líf okkar í dag. Langamma mín, Emilía Sigurgeirsdóttir fæddist í Uppibæ, Flatey, Skjálfanda, 30. janúar 1903 fyrir 123 árum síðan, hún lést 15. desember 2000. Hún var dóttir hjónanna Halldóru Guðmundsdóttur frá Brettingsstöðum, Flateyjardal og Sigurgeirs Sigurðssonar, Uppibæ, Flatey, Skjálfanda. -
Tekjur Hafnasamlags Norðurlands lægri en áætlanir gerðu ráð fyrir
„Árið kom í heildina nokkuð vel út og var niðurstaðan í samræmi við þær væntingar sem gerðar höfðu verið í upphafi árs,“ segir Pétur Ólafsson hafnarstjóri hjá Hafnasamlagi Norðurlands. -
Berglind Ósk, Heimir Örn, Arna Rut og Þórhallur Harðarsson leiða lista Sjálfstæðisflokksins á Akureyri
Fulltrúaráð sjálfstæðisfélaganna á Akureyri kom saman á röðunarfundi í Naustaskóla í gær og kaus í fjögur efstu sæti á framboðslista Sjálfstæðisflokksins í sveitarstjórnarkosningunum 16. maí nk. -
Sundlaug Akureyrar - heilsulind í boði bæjarins.
Fyrsta sundlaugin sem byggð var á Akureyri og sennilega á þeim stað sem Sundlaug Akureyrar er nú, var gerð árið 1897, með torffyrirhleðslu í læk sem rann um Grófargil. Hún var styrkt og stækkuð 1936 og enn frekar 1956 þegar innilaug í kjallara var opnuð sem kennslulaug. 1994 og svo aftur 1998/99 var farið í endurbætur á sundlauginni, fyrst voru rennibrautir, pottar og eimböð sett upp eða löguð og í seinni lotunni var annarri útilaug bætt við -
Framkvæmdir við göngubrú yfir Glerá og jöfnunarstöð fyrir strætó að hefjast
Framkvæmdir viðnýja göngubrú yfir Glerár á móts við Glerártorg hefjast nú í febrúar. Umhverfis- og mannvirkjaráð hefur sótt um framkvæmdaleyfi og skipulagsfulltrúa verið falið að gefa það út þegar fullnægjandi gögn hafa borist. Jafnframt því sem göngubrúin verður reist verða framkvæmdir við nýja jöfnunarstöð fyrir strætó á þessum slóðum. Samið hefur verið við SS-Byggi um smíði brúarinnar. -
Þingeyjarsveit Áhyggjur af fjarskipta- sambandi eftir lokun 2G og 3G
Sveitarstjórn Þingeyjarsveitar tekur undir áhyggjur atvinnu-og nýsköpunarnefndar varðandi fjarskiptasamband í sveitarfélaginu. -
Eignasafn félagslegra íbúða skoðað með sölu óhagkvæmra eigna í huga
Velferðarráð Akureyrar leggur til að farið verði í það verkefni að skoða eignasafn félagslegra leiguíbúða með sölu óhagkvæmra eigna í huga, mikilvægt er að koma til móts við þá sem hafa verið hvað lengst á biðlista. Sviðsstjóra var falið að vinna að því ásamt sviðsstjóra UMSA og fjármálastjóra. -
Styrkir Norðurorku til samfélagsverkefna 2026
Fimmtudaginn 5. febrúar, fór fram afhending á styrkjum Norðurorku til samfélagsverkefna vegna ársins 2026. Athöfnin fór fram í Menningarhúsinu Hofi, sem er vel við hæfi þar sem Norðurorka er bakhjarl Menningarfélagsins.
