Gleði á jólatrésskemmtunum starfsmannafélaga Samherja
Askasleikir mætti í gömlu fötunum sínum á jólatrésskemmtunina á Dalvik Myndir samherji.is
Starfsmannafélög Samherja á Dalvík og Akureyri, Fjörfiskur og STÚA, stóðu fyrir jólatrésskemmtunum um helgina í matsölum vinnsluhúsa félagsins.
Jafnt börn sem fullorðnir skemmtu sér saman í vel skreyttum húsakynnum, gengið var í kringum fallega skreytt jólatré. Jólasveinar létu sig að sjálfsögðu ekki vanta og höfðu meðferðis góðgæti handa börnunum.
Mismunandi jólahefðir
Ragnheiður Rut Friðgeirsdóttir formaður starfsmannafélagsins Fjörfisks á Dalvík segir jólatrésskemmtunina upplagt tækifæri fyrir starfsfólk til að kynnast enn betur og börnin njóti þess að skemmta sér saman.
„Við búum svo vel að hafa góðan matsal sem rúmar okkur öll. Þetta var falleg samvera og bara yndislegt að gleðjast og syngja saman jólalög. Hérna starfar fólk frá ýmsum þjóðlöndum og jólahefðirnar eru þess vegna mismunandi. Í ár var það Askasleikir sem var svo elskulegur að koma í heimsókn. Hann varð að vísu að láta sig hafa það að vera í gömlu fötunum sínum vegna þess að gat kom á nýju fötin og Grýla hafði ekki stagað í þau. Askasleikir var með gjafir til allra sem vöktu mikla lukku. Það er aldeilis ekki á hverjum degi sem mannfólkið kemst í návígi við jólasveinana.“
Gleði og eftirvænting
Óskar Ægir Benediktsson formaður STÚA á Akureyri tekur í sama streng og Ragnheiður Rut.
„Þátttakan í jólatrésskemmtunum félagsins hefur alla tíð verið með ágætum, þar sem gleðin og eftirvæntingin eftir jólasveinunum er áberandi. Að þessu sinni gáfu þrír jólasveinar sér tíma til að koma í heimsókn og þeim var auðvitað vel fagnað. Eftir að hafa gengið í kringum jólatréð, sagt sögur og sungið jólalög gáfu þeir öllum gjafir sem ungir og aldnir kunnu vel að meta. Þessar jólatrésskemmtanir sameina og efla okkur á ýmsan hátt og allir skemmtu sér konunglega.“
Heimasíða Samherja sagði frá
Nýjast
-
Eyjafjarðarsveit - Jóla og áramótakveðja sveitarstjóra
Ég vaknaði snemma í morgun, á Þorláksmessu, það var í raun ennþá nótt og Eyfirska lognið á duglegri hreyfingu. Það var samt ákveðin kyrrð í vindinum og enginn annar farinn á ról þegar ég rölti mér í vinnuna. Það voru allir sofandi heima, komnir í frí svo það var gott að taka daginn snemma. Eyjafjarðará liðaðist á móti mér niður dalinn eins og hún hefur gert frá örófi alda; hún nærir jörðina, gefur landbúnaðarhéraðinu líf og flytur með sér efnivið sem skapað hefur grunn að traustu samfélagi við Eyjafjörð. -
Gleði á jólatrésskemmtunum starfsmannafélaga Samherja
Starfsmannafélög Samherja á Dalvík og Akureyri, Fjörfiskur og STÚA, stóðu fyrir jólatrésskemmtunum um helgina í matsölum vinnsluhúsa félagsins. -
Staða eldri borgara á Íslandi í árslok 2025
Staða eldri borgara er mikilvægt samfélagsmál sem snertir ekki aðeins þá sem eru komnir á eftirlaunaaldur, heldur samfélagið allt. Með hækkandi meðalaldri þjóðarinnar fjölgar eldra fólki og sífellt meiri þörf er á að tryggja þeim mannsæmandi lífskjör, virðingu og tækifæri til virkrar þátttöku í samfélaginu. -
Kirkjusókn á Akureyri mjög góð
Mjög góð kirkjusókn hefur verið á Akureyri um jólin og er greinlegt að það færist í vöxt að fólk sæki messu í sina kirkju. -
Jólahefðir Sundfélagsins Óðins
Ár hvert heldur Sundfélagið Óðinn í sínar rótgrónu og litríku jólahefðir sem hafa í gegnum árin skapað ógleymanlegar minningar fyrir bæði iðkendur og samfélagið í kringum félagið. Þrjár hefðir standa þar upp úr, hressilegt og óútreiknanlegt desembermót, töfrandi jólaæfing sundskólans og Þorláksmessuáskorunin. -
Leiðir sem liggja víða
-Heiðrún Jónsdóttir ólst upp á Húsavík og rifjar upp æskuárin með mikilli hlýju. -
Mikil umferð um Akureyrarflugvöll í dag.
Mikil umferð var um Akureyrarflugvöll í dag, þrjú millilandaflug voru til viðbótar við innanlandsflugið. -
Brák hefur samið við Flóru menningarhús
Nýgerð myndlist er veigamikill hluti af menningarstarfsemi í Sigurhæðum og einn kjarna þáttur í að skapa frjótt samtal við menningararf staðarins og húsið Sigurhæðir -
Minjasafnið á Akureyri Jólin sem hluti af safnastarfinu
„Jólin eru stór hluti af starfinu okkar,“ segir Haraldur Þór Egilsson safnstjóri þegar hann lýsir aðventunni hjá Minjasafninu á Akureyri. Á hverju ári koma um eða yfir þúsund börn og kennarar í jólafræðslu sem hefur verið fastur liður í áratugi. Fræðslan fer fram bæði á Minjasafninu sjálfu, í Nonnahúsi og í Minjasafnskirkjunni og hefur fest sig rækilega í sessi sem mikilvægur hluti af jólaundirbúningi margra skóla.