15.sept - 22. sept
Eldra fólk og Píratar
Einar Brynjólfsson oddviti Pírata í Norðausturkjördæmi skrifar
Eldra fólki á Íslandi fjölgar hraðar en yngra fólki. Ástæðan er lækkandi fæðingartíðni og hærri meðalaldur. Þetta þýðir ýmsar áskoranir fyrir okkur næstu árin og áratugina. Hver á hlutur þessa hóps að vera í samfélaginu, hvernig á heilbrigðisþjónustan að vera, hvar á þetta fólk að búa o.s.frv.?
Undirritaður hefur fylgst með málefnum eldra fólks um langt skeið, sérstaklega þeim sem snúa að búsetuúrræðum þess. Ég þykist þess fullviss að eldra fólk á Öldrunarheimilum Akureyrar hafi fengið góðan viðurgjörning mörg undanfarin ár, a.m.k. í samanburði við ýmis önnur öldrunarheimili landsins, enda hefur virðing, heimilisbragur og hlýja Edenstefnunnar verið í forgrunni þess starfs sem þar hefur verið unnið.
En hækkandi meðalaldur Íslendinga kallar á nýjar nálganir. Það verður ógerlegt að ætlast til þess að eldra fólk flytjist áfram í sama mæli á öldrunarheimili og hingað til hefur verið raunin.
Halldór Guðmundsson, fyrrverandi forstöðumaður Öldrunarheimila Akureyrar, kynnti á heilbrigðisþingi fyrir nokkrum vikum áhugaverðar tillögur að því hvernig við ættum að búa að eldra fólki næstu áratugina.
Ákveðinn samhljóm má finna í tillögum Halldórs og í kosningastefnu Pírata um málefni eldra fólks. Þar má nefna samþættingu á þjónustu, að fólki verði gert kleift að búa sem allra lengst heima ef það kýs það, að eldra fólk fái haldið reisn sinni, mannréttindum og virðingu, að það ráði sínum málum sjálft, að dregið verði úr félagslegri einangrun og svo mætti lengi telja.
Við Píratar teljum það einfaldlega vera hlutverk hins opinbera að auðvelda fólki að lifa lífi sínu eins og það sjálft vill, en ekki að leggja steina í götu þess.
Í skýrslu Halldórs er m.a. að finna eftirfarandi brýningu:
Breyta þarf viðhorfum, væntingum og hegðun gagnvart eldra fólki með því að vinna að Aldursvænu samfélagi. Aldursfordómar endurspeglast í hvernig við hugsum (staðalímyndir), hvernig okkur líður (fordómar) og hvernig við hegðum okkur (mismunun) gagnvart öldruðum eða sjálfum okkur á grundvelli aldurs.
Barátta gegn aldursfordómum felur meðal annars í sér að afnema ýmis lagaákvæði og reglur sem skerða mannréttindi og mannvirðingu eldra fólks. Atorka og dugnaður þeirra sem eldri eru hafa skapað þau lífsgæði sem við hin yngri fáum að njóta. Meginstef okkar Pírata í málefnum eldra fólks eru velsæld, öryggi, samráð og virðing. Tryggjum eldra fólki lífsfyllingu og ánægju á ævikvöldinu á grundvelli þeirra.
Höfundur er oddviti Pírata í Norðausturkjördæmi
og áhugamaður um málefni eldra fólks, eins og lesendur Vikublaðsins vita mætavel.
Má bjóða þér áskrift að Vikublaðinu? Smelltu þá HÉR. Þannig stuðlar þú að öflugri fjölmiðlun á þínu svæði.
Nýjast
-
Bíllausi dagurinn er á morgun
Bíllausi dagurinn er haldinn víða um heim á morgun, miðvikudaginn 22. september, þar á meðal á Akureyri. Þá er fólk hvatt til að hvíla bílinn og ganga, hjóla eða taka strætó. -
Alþjóðleg ráðstefna um framtíð Atlantshafslaxins hefst í dag
Dagana 21. og 22. september 2021 leiðir Six Rivers Conservation Project saman í Reykjavík sérfræðinga hvaðanæva að úr heiminum til að ræða nýjustu rannsóknir og aðgerðir til verndar Atlantshafslaxinum sem er í útrýmingarhættu. Ísland er eitt fárra svæða þar sem laxinn dafnar. -
Þreyta og slappleiki eru algengustu þunglyndiseinkennin hjá íþróttafólki
Rannsóknir Richards hafa hingað til að mestu leyti snúist um þunglyndiseinkenni hjá íþróttafólki. Aðalástæðan fyrir áhuga hans á því viðfangsefni er sú að þunglyndi tengist að miklu leyti lífskjörum og lífsgæðum sem hafa svo áhrif á virkni fólks í samfélaginu heilt yfir. -
Sveigjanleg þjónusta er málið fyrir okkur er við eldumst
Málefni þeirra sem eldast eru mál málanna í heilbrigðiskerfinu að mínu mati. Því miður þá berast nær vikulega fréttir af fráflæðisvanda Landspítalans. Orð sem gefur til kynna að inn á spítalanum liggja einstaklingar sem ekki geta farið í aðra þjónustu, er mætir þeirra þörfum, þeirra hæfni og þeirra getu, langflestir þeirra eru eldri en 75 ára. Fráflæðisvandi Landspítalans eru mæður okkar og feður, ömmur okkar og afar, langömmur okkar og langafar og eiga meira skilið en að vera álitin vandamál á stofnun og fyrir samfélagið. -
„Við tókumst á við allt sem hægt er að takast á við í íslenskri náttúru“
Bjarni Páll Vilhjálmsson rekur ásamt fjölskyldu sinni ferðaþjónustufyrirtæki sem sérhæfir sig í hestaferðum með hópa að Saltvík rétt sunnan Húsavíkur. Á bænum er einnig gistiheimili. Bjarni Páll kom heim fyrir skemmstu úr tveggja mánaða hestaferð þvert yfir landið en á annað hundruð manns tóku þátt í ferðinni. Blaðamaður Vikublaðsins heimsótti Bjarna Pál á dögunum og ræddi við hann um ferðina. Bjarni Páll segir að kjarninn í starfseminni sé einmitt þessar lengri hestaferðir sem hann hefur verið að bjóða upp á. „Svo erum við með dagstúra líka og gistiheimili,“ bætir hann við. -
Breytingar á matseðlum í leik- og grunnskólum
Sýni ehf. gerði síðasta vor úttekt á matseðlum í leik- og grunnskólum Akureyrarbæjar að ósk fræðsluráðs. Með hliðsjón af niðurstöðum úttektarinnar og að teknu tilliti til hugmynda matráða sem komið hafa fram á fundum með þeim síðustu tvö árin, sendi leikskólateymi fræðslusviðs erindi til fræðsluráðs um breytingar á fyrirkomulagi matseðla sem nú hefur verið samþykkt. -
Þjónusta barna- og unglingageðteymis SAk efld tímabundið
Heilbrigðisráðherra hefur ákveðið að ráðstafa 13 milljónum króna til að efla tímabundið þjónustu barna- og unglingageðteymis Sjúkrahússins á Akureyri. Heilbrigðisráðherra hefur áður ráðstafað 102 milljónum króna í tiltekin átaksverkefni hjá Landspítala sem miða að því að efla geðheilbrigðisþjónustu við börn og ungt fólk og stytta bið eftir greiningu og meðferð -
Fyrsta skóflustunga viðbyggingar við Hrafnagilsskóla
Í gær var fyrsta skóflustugnan tekin af viðbyggingu við Hrafnagilsskóla, fimmtíu árum eftir að fyrsta skóflustunga af Hrafnagilsskóla var tekin. Stærð viðbyggingarinnar verður um 1.900m2 og mun húsið að lokum meðal annars hýsa leikskóla, grunnskóla, fjölnota sali, bókasafn, upplýsingaver, aðstaða til tónlistaiðkunar og kennslu, félagsmiðstöð og líkamsræktaraðstöðu. -
Vel lukkaður Eyfirskur safnadagur
Eyfirski safnadagurinn var haldinn um síðustu helgi og gestum og gangandi boðið að skoða söfn á Eyjafjarðarsvæðinu. Alls tóku 15 söfn á svæðinu þátt í deginum.
.jpg)
