Forsetahjónin, Guðni Th. Jóhannesson og Eliza Reid koma í opinbera heimsókn til Akureyrar dagana 25.-26. Ágúst og taka þátt í Akureyrarvöku sem þá fer fram.
Akureyrarvaka er árlega bæjarhátíð, haldin síðustu helgina í ágúst eða sem næsta afmæli Akureyrarbæjar 29. ágúst. Hátíðin er full af fjölbreyttum uppákomum og upplifunum þar sem bæjarbúar og gestir þeirra njóta viðburða saman.
Skipulagsráð hefur fjallað um framkvæmdir án leyfis við Lundargötu 4 á Akureyri, en byggingarfulltrúi bæjarins hefur krafist stöðvunar á framkvæmdum þar.
Menningararfi Langanesstrandar var svo sannarlega gert hátt undir höfði þetta síðsumar með fimm kvölda tónleikaröð sem bar nafnið ‚Stofutónleikar á Bjarmalandi‘.
Óformlegar viðræður um mögulega sameiningu háskólanna tveggja eru hafnar. Rektorar skólanna funduðu í morgun.
Frá þessu er greint á vef RÚV.
„Fær martraðir um að missa röddina“ var fyrirsögn að viðtali við söngkonuna Klöru Elíasdóttir. Það er í raun sorglegt at lesa þetta vegna þess að þetta ber vitni um almennt þekkingarleysi á rödd. Sé ekki um sjúkdóma að ræða, á röddin ekki að gefa sig ef þekking er fyrir hendi.. Hins vegar vegna þess hve fólk veit almennt lítið um rödd veit það ekki hvað getur skemmt hana.
Hrossin eru í einstaklega góðu yfirlæti á bökkum Eyjafjarðarár,” segir Sigfús Ólafur Helgason sem fór að huga að hrossum sínumá dögunum þar sem þau eru við Vesturbrú, framan flugvallar.
Með í för var vinkona hans, Bára Hrafnhildur Ásbjarnardóttirhestakona.
Hrossin eru frá vinstri talið, Mósa, Ísak, Glódís og Snörp.
Leikhópurinn Hnoðri í norðri tók þátt í barnasviðslistahátíð sem haldin var í Makedóníu nú í ágúst. Hópurinn sýndi verkið Ævintýri á aðventunni og nú í fyrsta sinn á sviði, en verkið hefur ótal sinnum áður verið flutt í hinum ýmsu grunnskólum.
Sviðslistahópurinn Hnoðri í norðri hlaut Eyrarrósina í vor. Honum var boðin þátttaka á alþjóðlegu leiklistarhátíðinni Bitolino sem fram fór í Norður-Makedóníu en henni lauk í liðinni viku. Hátíðin er tileinkuð sviðslistum fyrir börn og ungmenni, en auk fjölbreyttra sýninga víðs vegar að úr heiminum, fara fram vinnusmiðjur, kynningar og fundir um barnamenningu.
Ótrúleg uppbygging á Katlavelli skilað sér í enn betri upplifun
„Þetta er vissulega krefjandi vinna á köflum, en engu að síður mjög skemmtileg og fjölbreytt, það er ekki einn einasti dagur eins,“ segir Fjóla Kim Björnsdóttir sem ásamt eiginmanni sínum Styrmi Frostasyni og Örnu Mjöll Guðmundsdóttur rekur kúabúið að Holtseli í Eyjafjarðarsveit ásamt samnefndri ísgerð og verslun. Samtökin Beint frá býli fagna 15 ára afmæli næstkomandi sunnudag, 20. Ágúst með viðburðum um allt land. Einn þeirra verður haldinn í Holtseli og taka 16 býli eða félög á Norðurlandi eystra þátt. Samtök sveitarfélaga á Norðurlandi eystra auk Beint frá býli standa að þessum viðburði og verður heilmargt í boði.
Píetasamtökin opnuðu í gær formlega svo kallað „Píetaskjól“ á Húsavík en samtökin munu hafa aðstöðu í stjórnsýsluhúsinu á Húsavík til að taka á móti skjólstæðingum
Samgöngustofa, SGS, úrskurðaði í tveimur mismunandi málum á dögunum að flugrekandinn Hi Fly Ltd skyldi greiða fimm einstaklingum skaðabætur upp á 400 evrur hverjum, ríflega 58.000 krónur, vegna aflýsingar á flugferðum Niceair dagana 10.-11. apríl og greiða flugfargjald einstaklinganna sem þurftu að kaupa nýja miða hjá öðrum félögum. Þetta kemur fram á vef Morgunblaðsis, mbl.is.
Bæjarstjórn Akureyrarbæjar samþykkti í febrúar síðastliðnum reglur um heimgreiðslur til foreldra/forráðamanna. Markmið þeirra er að koma til móts við foreldra frá því bili sem þeir ljúka töku fæðingarorlofs þar til barn er innritað hjá dagforeldri eða býðst leikskólapláss
Mikil aukning hefur verið í komum ferðamanna á Sjúkrahúsið á Akureyri það sem af er ári og er rúmlega 50% aukning ósjúkratryggðra á fyrstu 7 mánuðum ársins. Innlögðum ósjúkratryggðum hefur einnig fjölgað talsvert milli ára. Þá er áfram mikið álag á legudeildum og rúmanýting þar um 100%. Enn er sú staða fyrir hendi að sjúklingar liggja á bráðalegudeildum og á Kristnesspítala eftir föstu plássi hjá Heilsuvernd hjúkrunarheimili á Akureyri.
Skuldir Fimleikafélags Akureyrar verða um 20 milljónir króna nú í lok sumars. Það kom í ljós við skoðun á bókhaldi og innistæður eftir Vorsýningu á liðnu voru.
Fram kemur í fundargerð frá fundi stjórnar Fimleikafélags Akureyrar sem virt er á vefsíðu þess, að viðræður við viðskiptabanka félagsins, Landsbankann hafi engum árangri skilað og var því ekki hægt að hækka yfirdráttarheimild FIMAK sem nú þegar er í 6 milljónum króna.
Á fundi hafnarstjórnar Norðurþings í gær lágu fyrir umsóknir sem bárust um starf rekstrarstjóra hafna Norðurþings, umsóknarfrestur um starfið rann út þann 8. ágúst sl.
Enn einu sinni varð höfundur þessa pistils vitni að ótrúlegri manngæsku og fórnfýsi starfsfólks í heilbrigðisgeiranum á Norðurlandi. Í þetta sinn var það starfsfólk Öldrunarheimilisins Hlíðar á Akureyri sem skaraði fram úr og svo hressilega að ég hefði ekki trúað því að óreyndu.
Margs konar tækifæri og áskoranir fylgja aukinni ferðaþjónustu. Áherslur hafa breyst og uppbygging hefur á sér ýmsar myndir líkt og fjölbreytt verkefni hringinn í kringum landið bera með sér. Við getum nú skoðað fleiri minjar, höfum aðgengi að nýjum stöðum og aðkoma að dýrmætum náttúruperlum hefur bæst til muna. Ásamt þessu hefur aðstaða fyrir gesti aldrei verið betri.
Á morgun, fimmtudag, verður Skógræktarfélag Eyfirðinga með vinnudag í Vaðlaskógi gegnt Akureyri þar sem félagar eru boðnir velkomnir til að leggja sitt af mörkum til að fegra skóginn. Hreinsað verður til við nýja stíginn gegnum skóginn sem liggur frá Skógarböðunum og norður, allt að Vaðlaheiðargöngum.
„Heilt yfir hefur heyskapur gengið vel hér á svæðinu og heyfengur eftir sumarið er góður,“ segir Sigurgeir Hreinsson framkvæmdastjóri Búnaðarsambands Eyjafjarðar.
„Hlýindunum var nú ekki fyrir að fara í júlí,“ segir Sigurgeir en veðurfar í þeim mánuði var ekki upp á það besta, mánuðurinn frekar kaldur, en hann segir flesta bændur hafa lokið fyrri slætti þegar halla fór undan fæti og kuldatíð gekk í garð. „Sumir eru búnir að slá tvisvar og bíða eftir að slá þriðja sinni, en á einstaka bæjum þarf að slá hluta af túnum þrisvar, sprettan er svo mikil,“ bætir hann við en slíkt eigi einkum við um bæi frammi í Eyjafirði.
Grunnskólar Akureyrarbæjar verða settir þriðjudaginn 22. ágúst, en alls eru 2.561 barn skráð í grunnskóla bæjarins nú í upphafi skólaárs.
Unnið er að tillögum um að bjóða upp á frá og með næstu áramótum 6 klukkutíma, frá 8 til 14 gjaldfrjálsa á leikskólum á Akureyri. Gjaldskrá verður tekjutengd.
„Það vantar svona á að giska viku upp á, þá verða berin tilbúin,“ segir Nataya Sripasong ötul berjatínslukona sem hefur þegar farið um móana í nágrenni Akureyrar til að skoða berjasprettuna.
„Mér sýnist að þetta muni verða í meðallagi gott ár, ég hef oft séð meira af berjum en líka stundum minna,“ segir hún. Fyrstu berin eru þegar komin í hús og þau hefur hún fundið í kringum Þelamörk. „Víðast hvar eru berin ekki alveg fullþroskuð og ekki nægilega góð, það er enn talsvert mikið um grænjaxla sem þurfa nokkra daga til víðbótar.“
Starfsfólk Norðurorku hefur smám saman verið að fjarlæga og þar með fækka hitaveitubrunnum á Akureyri. Nýverið varð einum færra í bænum þegar fjarlægður var einn slíkur brunnur við Langholt. Framkvæmdir við gatnagerð eru nú í gangi á svæðinu á vegum Akureyrarbæjar og því voru samlegðaráhrif falin í því að fjarlægja gamla hitaveitubrunninn á sama tíma.
Það að fjarlægja hitaveitubrunn er stórt og tímafrekt verk sem krefst þess meðal annars að vatn sé tekið af ákveðnum svæðum á meðan vinna stendur yfir. Í hitaveitukerfi Norðurorku er töluverður fjöldi af gömlum hitaveitubrunnum, en eitt af stóru viðhaldsverkefnum fyrirtækisins er að fjarlægja þessa brunna úr kerfinu og bæta þannig afhendingaröryggi, vinnuaðstæður og öryggi starfsfólks segir í frétt á vef Norðurorku.
Umræddir hitaveitubrunnar eru steinsteypt jarðhýsi þar sem ýmsar tengingar lagna koma saman. Með breyttri tækni og fjölbreyttari efnum eru þessir brunnar orðnir úreltir og gera langtímaáætlanir Norðurorku ráð fyrir því að brunnarnir verði lagðir af með tíð og tíma. Í stað hitaveitubrunns eru settir jarðvegslokar sem gera það að verkum að starfsfólk þarf ekki lengur að fara ofan í hættulegan brunninn til að skrúfa fyrir loka komi upp bilanir á aðliggjandi lögnum eða ef tengja þarf ný hús inn á þær.
Aldrei hafa skráðar gistinætur á hótelum verið fleiri í júní á Norðurlandi en á þessu ári. Alls voru þær 54.236, sem er 8% fjölgun frá síðasta ári. Nýting hótelherbergja hefur ekki verið betri og helst stöðug á milli ára sem er sérstaklega jákvætt í ljós þess að hótelum fjölgaði um tvö og herbergjum um 71. Þróunin í nýtingu herbergja í þessum mánuðum hefur verið á uppleið síðustu ár, ef frá eru talin árin 2020 og 2021 vegna heimsfaraldurs, og ljóst er að tækifærin til að gera enn betur eru til staðar.
Þegar tölur fyrir maí mánuð eru skoðaðar sést að sumartímabilið er að lengjast, sem er afar jákvætt. Skráðum gistinóttum fjölgaði um 27% frá síðasta ári og voru samtals 39.883 talsins. Eins og sést hér að neðan er fjölgunin veruleg frá því sem var fyrir heimsfaraldur og það sama má segja um júnímánuð.
Sem fyrr segir er þessi aukning í maí-mánuði jákvæð með tilliti til þess markmiðs ferðaþjónustunnar á Norðurlandi að jafna árstíðarsveifluna eins og kostur er. Vísbendingar eru um að sumartímabilið sé einnig að teygja sig lengra inn í september og október, sé miðað við síðasta ár og góða bókunarstöðu á þessu ári, samkvæmt upplýsingum frá samstarfsfyrirtækjum MN.
Fiskidagurinn mikli fór fram s.l laugardag á Dalvík og að venju með miklum glæsibrag. Þetta var í tuttugasta sinn og er áætlað að nokkuð á fjórða tug þúsunda hafi heimsótt Dalvík þessa helgi. Samherji sem ætíð hefur stutt vel við bakið á Fiskideginum mikla fagnar á þessu ári fjörtíu ára afmæli og þar á bæ gripu menn tækifærið og opnuðu fiskvinnsluhúsið nýja fyrir gestum og gangandi. Óhætt er að segja að áhugi fyrir því að skoða húsið hafi verið mikill því hátt í 7000 manns litu við.
Á heimasíðu Samherja segir frá þessu:
,,Þorsteinn Már Baldvinsson forstjóri Samherja segir að afar ánægjulegt hafi verið að sýna húsið á þessum degi. Stemningin á Dalvík er einstök á Fiskideginum mikla, samstaða íbúanna er mikil og hlýhugur og gleði allsráðandi. Í mínum huga undirstrikar hátíðin með skýrum hætti að Dalvíkingar eru stoltir af því að sjávarútvegur er helsta atvinnugreinin, enda eru þeir sjómenn og fiskvinnslufólk í fremstu röð.
Samherji er stór vinnuveitandi í sveitarfélaginu og við bjóðum gestum hátíðarinnar að smakka afurðir okkar með mikilli ánægju og stolti.
Ég þakka þeim sem sjá um framkvæmd hátíðarinnar kærlega fyrir einstaklega farsæla samvinnu í gegnum árin en fyrst og fremst er Fiskidagurinn mikli risastórt heimboð íbúanna og þökkum við Dalvíkingum fyrir óviðjafnanlegar móttökur."
