Að hlaða okkar eigin batterí
Samfélagið hefur tekið miklum breytingum á undanförnum áratugum. Sífellt áreiti bæði í starfi og leik. Það eru ekki bara blessuð börnin sem eiga erfitt að leggja símana og tölvurnar frá sér, við sem eldri erum, erum flest lítið skárri.
Fyrir utan langan vinnudag þá er nýt ég þeirra forréttinda að eiga hrikalega skemmtilega fjölskyldu, vini og vinkonur, sem ég hef stundum fullgaman að því að vera með á góðum stundum. En trúlega vegna þessa áreitis, sem oft er sjálfskaparvíti, þá finn ég oft fyrir þörf fyrir að hlaða batteríin. Ég hef áttað mig á því hvaða týpur eru orkuþjófar og reyni að forðast óþarfa drama. Ég leitast frekar við að vera með fjölskyldu og vinum sem hlaða batteríin og fara út í náttúruna, helst í smá fjallgöngu en einnig hefur sjórinn róandi áhrif.
Góð súrefnisbomba er ómetanleg, maður þarf ekki endilega að fara á hæsta tindinn með ísexi til að taka einhverjar frábærar myndir, til að sjá viðbrögðin á samfélagsmiðlunum, til að hlaða batteríin. Ég tengi þetta við æskuminningar. Annars vegar minningar af því að vera á sjóstöng á Skjálfanda, fyrst með afa Hödda, síðar með Geira frænda. Í minningunni var alltaf stafalogn, sjórinn spegilsléttur og sólskin, ekkert áreiti og ekkert endilega verið að tala of mikið. Þagnir geta verið vanmetnar.
Einnig æskuminningar úr sveitinni, úr Aðaldalnum, þar sem ég átti góðar stundir hjá ömmu Heiðveigu og afa Gesti. Ég var svo sem ekki í miklum fjallgöngu þar, var frekar að drullumalla og bjóða heimilisfólki kökur, skreyttar með hveiti og blómum. Þá tók ég hlutverk mitt sem umsjónarmanns heimalinganna afar alvarlega.
Ég átti smá erfitt með að segja R áður en ég byrjaði í grunnskóla. Föðursystir mín gerir enn grín að því að eitt sinn var ég að reka kusurnar heim í fjós og fannst henni krakkinn ekki bera sig rétt að og fór hún að leiðbeina mér. Ég sneri mér snúðugt að henni og sagði ,,Ég vek þæð eins og méð sýnist.”
Strax, áður en ég hóf grunnskólagöngu, þá var ég ekki sérlega móttækileg fyrir leiðbeiningum, gerði þetta eins og mér sýndist. Kusurnar komust þó allar heilar heim, sáttar við smalann.
Það er það helsta af mér að frétta að ég á enn erfitt með að taka leiðbeiningum og á það til að gera hluti eins og mér sýnist en ég kann þó núna að segja R.
Nýjast
-
Aðalsteinn Árni heiðraður fyrir vel unninn störf í þágu verkafólks
Á fjölmennum hátíðarhöldunum á Húsavík í dag í tilefni af 1. maí var Aðalsteinn Árni Baldursson formaður Framsýnar heiðraður sérstaklega fyrir vel unninn störf í þágu félagsmanna Framsýnar og samfélagsins alls en hann hefur verið mjög áberandi í umræðunni um verkalýðsmál í þrjá til fjóra áratugi. Var hann sæmdur gullmerki félagsins fyrir óeigingjörn störf í þágu félagsins. Hátíðargestir stóðu upp og klöppuðu fyrir honum vel og lengi. Hér má lesa ávarp varaformanns félagsins -
Fjölmenn hátíðarhöld á Húsavík
Nú kl. 14:00 hófust hátíðarhöld á Húsavík í tilefni af 1. maí. Mikið fjölmenni er samankomið á Fosshótel Húsavík þar sem hátíðarhöldin fara fram. Boðið er upp á magnaða dagskrá, tónlist, barátturæður og kaffihlaðborð. Hér má lesa hátíðarræðu formanns Framsýnar, Aðalsteins Árna, sem er ekki hefðbundin í ár þar sem hann fagnar 30 ára starfsafmæli. Hér má lesa ræðuna: -
Hreinsstöð fráveitu 100 tonn af rusli síuð frá
Hreinsistöð fráveitu Norðurorku hefur sannað gildi sitt en á þeim tíma sem hún hefur verið starfrækt hafa tæplega 100 tonn af rusli verið síuð úr fráveituvatninu sem annars hefðu endað út í sjó. Gerlamengun við strandlengju Akureyrar hefur í kjölfarið minnkað umtalsvert. Hreinsistöðin er því mikil umhverfisbót fyrir samfélagið allt við Eyjafjörð að því er fram kom á aðalfundi Norðurorku. -
Mannréttindaviðurkenning Akureyrarbæjar til Rauða krossins við Eyjafjörð
„Rauði krossinn byggir starf sitt umfram allt á framlagi sjálfboðaliða. Rauði krossinn á Íslandi og við Eyjafjörð hefur verið svo lánsamur að eiga á hverjum tíma aðgang að öflugum hópi sjálfboðaliða. Framlag þeirra til mannúðarmála verður seint metið til fjár. Vegna þessa sjálfboðna starfs er starfsemin í okkar samfélagi jafn öflug og raun ber vitni,“ sagði Þorsteinn Björnsson formaður deildarinnar þegar hann tók við viðurkenningunni. -
Opið í 113 daga og yfir 87 þúsund gestir
Skíðatíð í Hlíðarfjalli er lokið þennan veturinn. Alls var opið í 113 daga og gestafjöldi fór yfir 87 þúsund sem er meira en verið hefur undanfarin ár. -
Samanburður á gjaldskrám nokkurra sveitarfélaga
Öldungaráð Akureyrarbæjar ákvað að bera saman gjaldskrár nokkurra valinna sveitarfélaga vegna þjónustu við eldri borgara. Starfsmaður Akureyrarbæjar fékk það verkefni að taka þær saman. Síðan tóku fulltrúar EBAK í ráðinu við, bættu við atriðum og aðlöguðu að óskum sínum. -
Félagsgróðurhús og aðstoð við makaleit
Hugmyndir um hraðstefnumót og uppbyggingu á félagsgróðurhúsi litu dagsins ljós á fundum sem haldnir hafa verið í Stórutjarnarskóla og í Skjólbrekku. Mótun heildstæðrar stefnu fyrir Þingeyjarsveit stendur yfir um þessar munir og var boðað til fundanna í tengslum við þá vinnu. Einnig var rafrænn fundur haldinn fyrir allt sveitarfélagið. -
Akureyri og Fjallabyggð - Hátíðarhöld í tilefni af Verkalýðsdeginum
Stéttarfélögin við Eyjafjörð bjóða félagsfólki og fjölskyldum þeirra að taka þátt í hátíðardagskrá í tilefni af verkalýsdeginum þann 1. maí. Í ár er fylgt liði undir kjörorðunum Sterk hreyfing - Sterkt samfélag og er félagsfólk hvatt til þess að sýna samstöðu með því að fjölmenna í kröfugöngu. -
Annir hjá starfsmönnum Hafnasamlagsins
Snemma í gærmorgun mættu fjórir af okkar mönnum til Húsavíkur á dráttarbátnum Seif, eftir að hafa siglt frá Akureyri. Tveir menn til viðbótar keyrðu svo austur og voru tilbúnir í verkefni dagsins.
Athugasemdir