Matjurtagarðar Akureyrar njóta vinsælda
Matjurargarðarnir eru enn ein perlan í bæjarlandinu
„Það er afskaplega mikilvægt að hafa stað sem þennan í boði fyrir Akureyringa. Stað þar sem hægt er að koma saman og njóta, kynnst náttúrunni og nýju fólki og fræðast,“ segir Heiðrún Sigurðardóttir hjá Ræktunarstöðinni um Matjurtagarða Akureyrar ofan við Gömlu gróðrarstöðina við Krókeyri.
Heiðrún Sigurðardóttir
Rúmlega 300 garðar eru til reiðu fyrir bæjarbúa og þar geta þeir ræktað eigið grænmeti. Saga matjurtagarðanna nær aftur til ársins 2009 en þeir voru settir á laggirnar eftir efnahagshrunið og fóru viðtökur strax fram úr björtustu vonum. Heiðrún segir að einnig hafi mikil uppsveifla orðið í heimsfaraldrinum fyrir fáum árum. „Þetta er nokkuð jafnt og þétt og það er hér fastur kjarni fólks sem hefur verið með garð frá upphafi,“ segir hún.
Alltaf verða þó breytingar hjá fólki og nýir komast að. Heiðrún segir að ef hún hafi upp á að hlaupa svæði ef mikið er um umsóknir og yfirleitt myndist einhver biðlisti á hverju vori. „Þá reynum við að vinna upp svæði svo allir fái reit,“ segir hún
Falin perla í bæjarlandinu
Heiðrún segir bæjarbúa hafa tekið görðunum opnum örmum. „Það er hér sem dæmi fólk sem er hætt að vinna og vill hafa eitthvað fyrir stafni, og finnst tímanum vel varið í að rækta grænmeti. Og eiga góðar og notalegar stundir í kyrrð og ró hér í görðunum. En það má líka að sumu leyti segja að garðarnir séu falin perla í bæjarlandinu og alls ekki allir sem vita af tilvist þeirra.
„Margir sem hingað koma höfðu ekki hugmynd um að þessi starfsemi væri í boði hér en hafa heillast af umhverfinu og upplifað sannkallaðar gæðastundir á fallegum sumardögum,“ segir hún.
Nýjast
-
Löngu tímabært að taka þetta samtal
-Segir Huld Hafliðadóttir, einn af stofnendum SVÍVS um Málþing um framtíð Skjálfandaflóa á Húsavík -
Aðalsteinn Árni heiðraður fyrir vel unninn störf í þágu verkafólks
Á fjölmennum hátíðarhöldunum á Húsavík í dag í tilefni af 1. maí var Aðalsteinn Árni Baldursson formaður Framsýnar heiðraður sérstaklega fyrir vel unninn störf í þágu félagsmanna Framsýnar og samfélagsins alls en hann hefur verið mjög áberandi í umræðunni um verkalýðsmál í þrjá til fjóra áratugi. Var hann sæmdur gullmerki félagsins fyrir óeigingjörn störf í þágu félagsins. Hátíðargestir stóðu upp og klöppuðu fyrir honum vel og lengi. Hér má lesa ávarp varaformanns félagsins -
Fjölmenn hátíðarhöld á Húsavík
Nú kl. 14:00 hófust hátíðarhöld á Húsavík í tilefni af 1. maí. Mikið fjölmenni er samankomið á Fosshótel Húsavík þar sem hátíðarhöldin fara fram. Boðið er upp á magnaða dagskrá, tónlist, barátturæður og kaffihlaðborð. Hér má lesa hátíðarræðu formanns Framsýnar, Aðalsteins Árna, sem er ekki hefðbundin í ár þar sem hann fagnar 30 ára starfsafmæli. Hér má lesa ræðuna: -
Hreinsstöð fráveitu 100 tonn af rusli síuð frá
Hreinsistöð fráveitu Norðurorku hefur sannað gildi sitt en á þeim tíma sem hún hefur verið starfrækt hafa tæplega 100 tonn af rusli verið síuð úr fráveituvatninu sem annars hefðu endað út í sjó. Gerlamengun við strandlengju Akureyrar hefur í kjölfarið minnkað umtalsvert. Hreinsistöðin er því mikil umhverfisbót fyrir samfélagið allt við Eyjafjörð að því er fram kom á aðalfundi Norðurorku. -
Mannréttindaviðurkenning Akureyrarbæjar til Rauða krossins við Eyjafjörð
„Rauði krossinn byggir starf sitt umfram allt á framlagi sjálfboðaliða. Rauði krossinn á Íslandi og við Eyjafjörð hefur verið svo lánsamur að eiga á hverjum tíma aðgang að öflugum hópi sjálfboðaliða. Framlag þeirra til mannúðarmála verður seint metið til fjár. Vegna þessa sjálfboðna starfs er starfsemin í okkar samfélagi jafn öflug og raun ber vitni,“ sagði Þorsteinn Björnsson formaður deildarinnar þegar hann tók við viðurkenningunni. -
Opið í 113 daga og yfir 87 þúsund gestir
Skíðatíð í Hlíðarfjalli er lokið þennan veturinn. Alls var opið í 113 daga og gestafjöldi fór yfir 87 þúsund sem er meira en verið hefur undanfarin ár. -
Samanburður á gjaldskrám nokkurra sveitarfélaga
Öldungaráð Akureyrarbæjar ákvað að bera saman gjaldskrár nokkurra valinna sveitarfélaga vegna þjónustu við eldri borgara. Starfsmaður Akureyrarbæjar fékk það verkefni að taka þær saman. Síðan tóku fulltrúar EBAK í ráðinu við, bættu við atriðum og aðlöguðu að óskum sínum. -
Félagsgróðurhús og aðstoð við makaleit
Hugmyndir um hraðstefnumót og uppbyggingu á félagsgróðurhúsi litu dagsins ljós á fundum sem haldnir hafa verið í Stórutjarnarskóla og í Skjólbrekku. Mótun heildstæðrar stefnu fyrir Þingeyjarsveit stendur yfir um þessar munir og var boðað til fundanna í tengslum við þá vinnu. Einnig var rafrænn fundur haldinn fyrir allt sveitarfélagið. -
Akureyri og Fjallabyggð - Hátíðarhöld í tilefni af Verkalýðsdeginum
Stéttarfélögin við Eyjafjörð bjóða félagsfólki og fjölskyldum þeirra að taka þátt í hátíðardagskrá í tilefni af verkalýsdeginum þann 1. maí. Í ár er fylgt liði undir kjörorðunum Sterk hreyfing - Sterkt samfélag og er félagsfólk hvatt til þess að sýna samstöðu með því að fjölmenna í kröfugöngu.
Athugasemdir