Söngurinn ómaði um allt þorpið
Mikilfenglegt, sagði Hjálmar Bogi um sína upplifun af því að syngja í þessum einstaka hljómleikasal sem skapandi Raufarhafnarbúar hafa komið á laggirnar. Mynd/HBH
Kirkjukór Húsavíkur bauð Raufarhafnarbúum upp á óvenjulega söngstund í Tönkunum á Raufarhöfn í gær, fimmtudagskvöldið 10. september. Hugmyndin að ferðinni kom úr stjórn kórsins, sem sá fyrir sér að þar gæti skapast áhugaverð umgjörð um æfingu.
Úr varð opin söngstund þar sem gestum gafst kostur á að hlýða á kórinn í þessu sérstæða rými. Hjálmar Bogi Hafliðason, einn kórfélaga, segir upplifunina hafa verið stórbrotna og líkir hljómburðinum við það að syngja undir hvelfingu í risavaxinni dómkirkju.
„Ég hef reyndar aldrei sungið í dómkirkju en mér leið eins og ég væri að syngja undir hvelfingu í risastórri dómkirkju einhvers staðar í Evrópu. Þetta var ótrúlega sterk tilfinning og þegar maður þekkir sögu Tankanna á Raufarhöfn eykur það enn á „vá“-þáttinn. Söngurinn ómaði um allt þorpið. Mikilfenglegt er lýsingarorðið sem mér dettur helst í hug,“ segir Hjálmar í samtali við Vikublaðið.
Hann lýsti upplifuninni einnig á Facebook og sagði hljómburðinn vera á heimsmælikvarða.
„Hljóðið ómaði allan hringinn og það var bæði gaman að hlusta og syngja á þessum áhugaverða stað. Stundum þarf ekki hljóðkerfi til að magna tónlistina, bara rétta rýmið. Og það rými er svo sannarlega að finna á Raufarhöfn þar sem rými, staðsetning og tónlist fara saman,“ skrifaði Hjálmar.
Tankarnir eru gamlir lýsistankar frá síldarárunum sem hafa á undanförnum árum öðlast nýtt hlutverk sem rými fyrir myndlist, tónlist og aðra menningarstarfsemi. Þeir voru reistir árin 1938 og 1940 en unnið hefur verið að því að gera þá manngenga og nýta undir upptökur, sýningar og tónleika.
Enginn aðgangseyrir var að söngstundinni, sem forsvarsfólk Tankanna lýsti að henni lokinni sem frábærum tónleikum – eða öllu heldur æfingu – Kirkjukórs Húsavíkur.
Nýjast
-
Söngurinn ómaði um allt þorpið
Kirkjukór Húsavíkur bauð Raufarhafnarbúum upp á óvenjulega söngstund í Tönkunum á Raufarhöfn í gær -
NorðurOrg haldið í Hrafnagilsskóla
Forkeppni Söngkeppni Samfés á Norðurlandi fer fram í íþróttahúsi Hrafnagilsskóla. Sveitarstjórn fagnar því að viðburður af þessari stærðargráðu fari fram í Eyjafjarðarsveit. -
„Langódýrast að æfa handbolta á Akureyri“
Áhugaverð frétt sem ég las með þessari fyrirsögn „Langódýrast að æfa handbolta á Akureyri.“ Það er svo margt sem stenst ekki við þessa fyrirsögn því það er alls ekki ódýrast að æfa handbolta á Akureyri… Jú kannski eru sjálf æfingagjöldin lægst á Akureyri en þau eru bara brotabrot af kostnaðinum sem fylgir því að æfa handbolta. Allir flokkar frá 7. flokki og upp úr fara á mót og þar hrúgast inn kostnaðurinn sem gerir það að verkum að ég myndi frekar segja „langdýrast að æfa handbolta á Akureyri“. -
Gamla Þinghúsið í Eyjafjarðarsveit Hugmyndaþing um framtíðarnotkun
Sveitarstjórn Eyjafjarðarsveitar hefur samþykkt að efna til hugmyndaþing um framtíð reitsins þar sem gamla Þinghúsið stendur í Hrafnagilshverfi. Siðast var starfandi leikskóli í húsinu. -
Möl og sandur 80 ára: Starfsemin komin á nýjan stað
Möl og sandur fagnaði fyrr á árinu 80 ára afmæli. Starfsemi fyrirtækisins sem lengst af var við Súluveg hefur verið flutt að Sjafnarnesi. Gestum er boðið að kynna sér starfsemina á morgun, laugardag. -
Sniðgangan gengin í þriðja sinn
Sniðgangan 2026 verður gengin á morgun laugardag og hefst hún klukkan 14:00. Einkunnarorð göngunar í ár eru: Sniðgöngum öll. Farið verður frá Háskólann á Akureyri og er gengið að Ráðhústorgi þar sem verður eftirfarandi dagskrá við göngulok. -
Ný vatnslögn styrkir kerfið og bætir brunavarnir
Orkuveita Húsavíkur vinnur að lagningu um 480 metra langrar vatnslagnar frá Grundargarði, um Stóragarð og að Miðgarði. Lögnin er viðbót við núverandi vatnsveitukerfi og er ætlað að auka rekstraröryggi þess og bæta brunavarnir á svæðinu. Áætlaður kostnaður við framkvæmdina er um tólf milljónir króna -
Dvergaholt - Skilyrði fyrir endurupptöku ekki uppfyllt
Bæjarráð Akureyrar hefur farið yfir álit bæjarlögmanns um heimild til endurupptöku málsins er varðar gegnumakstur um Dvergaholt á Akureyri. Beiðni um endurupptöku barst nýverið og vísað var þar til . 24. gr. Stjórnsýslulaga. Að mati bæjarráðs eru ekki uppfyllt skilyrði laganna fyrir endurupptöku málsins og er erindi um endurupptöku er því hafnað. Heimilt er að bera ákvörðun um að synja um endurupptöku til úrskurðarnefndar umhverfis- og auðlindamála innan mánaðar frá því að ákvörðun var birt aðila máls -
Áhyggjur vegna Kristnesspítala en fagnar framkvæmdum við SAk
Bæjarstjórn Akureyrar mun fylgjast vel með allri stefnumótun um framtíðarskipan starfsemi á Kristnesspítala og taka virkan þátt í þeirri umræðu með hagsmuni sjúklinga og aðstandenda þeirra að leiðarljósi, segir í bókun bæjarstjórnar.
