Ný vatnslögn styrkir kerfið og bætir brunavarnir
Græna línan sýnir framkvæmdarsvæðið
Orkuveita Húsavíkur vinnur að lagningu um 480 metra langrar vatnslagnar frá Grundargarði, um Stóragarð og að Miðgarði. Lögnin er viðbót við núverandi vatnsveitukerfi og er ætlað að auka rekstraröryggi þess og bæta brunavarnir á svæðinu. Áætlaður kostnaður við framkvæmdina er um tólf milljónir króna.
Framkvæmdin fer fram samhliða vinnu RARIK og nýta fyrirtækin sameiginlegt skurðstæði undir lagnir sínar. Benedikt Þór Jakobsson, rekstrarstjóri Orkuveitu Húsavíkur segir nýju vatnslögnina ekki koma í stað eldri lagnar heldur sé um hreina viðbót við kerfið að ræða.
Heildarlengd lagnarinnar verður um 480 metrar. Frá Grundargarði verður lögð 100 millimetra lögn en 160 millimetra lögn í Stóragarði, á milli Grundargarðs og Miðgarðs.
„Með þessu erum við annars vegar að styrkja kerfið til að tryggja rekstraröryggi og hins vegar að bæta brunavarnir með því að setja upp nýjan brunahana,“ segir Benedikt Þór.
Áætlaður heildarkostnaður OH við vatnsveituframkvæmdina er rétt um tólf milljónir króna. Þar sem Orkuveitan og RARIK nýta sama skurðstæðið skiptist kostnaður við jarðvinnuna á milli fyrirtækjanna. Skiptingin ræðst af því hlutfalli sem lagnir hvors fyrirtækis taka í skurðsniðinu.
Farið var í verðkönnun vegna jarðvinnunnar og átti Höfðavélar ehf. á Húsavík hagstæðasta tilboðið. Fyrirtækið annast því alla jarðvinnu við framkvæmdina.
Óhjákvæmilega má gera ráð fyrir einhverri röskun á umferð meðan á verkinu stendur. Þrengingar verða meðfram skurðstæðinu og einnig við tengingu lagnarinnar út í Miðgarð. Að sögn Benedikts Þórs eru það einkum íbúar við Skálabrekku sem munu finna fyrir framkvæmdinni þegar kemur að því að tengja nýju lögnina við kerfið.
Þá má einnig búast við tímabundinni lokun fyrir vatn vegna tengingarinnar. Orkuveita Húsavíkur mun auglýsa það sérstaklega þegar nær dregur, þannig að íbúar geti gert viðeigandi ráðstafanir.
Nýjast
-
Ný vatnslögn styrkir kerfið og bætir brunavarnir
Orkuveita Húsavíkur vinnur að lagningu um 480 metra langrar vatnslagnar frá Grundargarði, um Stóragarð og að Miðgarði. Lögnin er viðbót við núverandi vatnsveitukerfi og er ætlað að auka rekstraröryggi þess og bæta brunavarnir á svæðinu. Áætlaður kostnaður við framkvæmdina er um tólf milljónir króna -
Dvergaholt - Skilyrði fyrir endurupptöku ekki uppfyllt
Bæjarráð Akureyrar hefur farið yfir álit bæjarlögmanns um heimild til endurupptöku málsins er varðar gegnumakstur um Dvergaholt á Akureyri. Beiðni um endurupptöku barst nýverið og vísað var þar til . 24. gr. Stjórnsýslulaga. Að mati bæjarráðs eru ekki uppfyllt skilyrði laganna fyrir endurupptöku málsins og er erindi um endurupptöku er því hafnað. Heimilt er að bera ákvörðun um að synja um endurupptöku til úrskurðarnefndar umhverfis- og auðlindamála innan mánaðar frá því að ákvörðun var birt aðila máls -
Áhyggjur vegna Kristnesspítala en fagnar framkvæmdum við SAk
Bæjarstjórn Akureyrar mun fylgjast vel með allri stefnumótun um framtíðarskipan starfsemi á Kristnesspítala og taka virkan þátt í þeirri umræðu með hagsmuni sjúklinga og aðstandenda þeirra að leiðarljósi, segir í bókun bæjarstjórnar. -
Götugangan fer fram á sunnudaginn
Genginn verður tæplega 5 km leið meðfram Pollinum og eru göngugarpar á öllum aldri velkomnir. Þátttaka er ókeypis. -
Vatnslitahátíð Íslands - Viðbrögð fram úr björtustu vonum
Til landsins koma fimm heimsþekktir listamenn sem hafa helgað ævistarf sitt vatnslitum en þeir eru Björn Bernström frá Svíþjóð, Nicolás Lopez frá Perú, Julia Ustinovich frá Póllandi, Prafull Sawant frá Indlandi og Julia Barminova frá Portúgal. Allt þetta fólk verður með sýnikennslu í Listasafninu fyrir hátíðargesti og heldur einnig námskeið annars staðar í bænum. Uppselt er á námskeið þeirra allra. -
Fræhöll rís í Vaglaskógi
Uppsetning á stóru gróðurhúsi í Vaglaskógi er nú í fullum gangi og er stefnt að því að það verði að mestu tilbúið að utan nú í vikunni. Húsið gerir kleift að auka verulega framleiðslu á fræi lerkiblendingsins Hryms auk þess sem það eykur möguleika á öðru kynbótastarfi hjá Landi og skógi. -
Samstaða gegn sölu flugstöðvarinnar
Markþing, hagsmunasamtök fyrirtækja í ferðaþjónustu og verslun á Húsavík og nágrenni, og Framsýn stéttarfélag hafa bæði lýst eindreginni andstöðu við fyrirhugaða söluheimild á byggingum Húsavíkurflugvallar. Samtökin telja að sala flugstöðvarinnar myndi veikja stöðu flugvallarins og ganga gegn langtímahagsmunum samfélagsins. -
„Tónlistin sameinar okkur í þessu“
Tónasmiðjan á Húsavík rokkar enn á ný gegn sjálfsvígum á árlegum tónleikum sínum í Húsavíkurkirkju á morgun fimmtudaginn 10 september. Harpa Steingrímsdóttir segir tónleikana skipa sérstakan sess í starfi Tónasmiðjunnar enda standi málefnið henni og Elvari Bragasyni afar nærri. Gestir mega eiga von á kraftmikilli tónlistarveislu þar sem kunnugleg andlit stíga á svið ásamt nýjum flytjendum og þremur heiðursgestum. -
Ný rannsóknarstofa EFLU á Akureyri tekur til starfa
EFLA hefur opnað nýja rannsóknarstofu á Akureyri þar sem boðið verður upp á sérhæfða greiningu á myglusýnum og ráðgjöf við túlkun niðurstaðna.
