Ný rannsóknarstofa EFLU á Akureyri tekur til starfa
Til að mæta aukinni þörf hefur rannsóknarstofa EFLU nú tekið til starfa á Akureyri
EFLA hefur opnað nýja rannsóknarstofu á Akureyri þar sem boðið verður upp á sérhæfða greiningu á myglusýnum og ráðgjöf við túlkun niðurstaðna.
Rannsóknarstofan er staðsett á starfsstöð EFLU á Akureyri og starfar samhliða rannsóknarstofu fyrirtækisins í Reykjavík, sem hefur verið starfandi um árabil. Báðar rannsóknarstofurnar taka við sýnum frá öllum landshlutum.
Sérhæfð greining á myglusýnum
Sérfræðingar EFLU hafa um árabil greint byggingarefni vegna eigin verkefna, en með nýrri rannsóknarstofu á Akureyri gefst fyrirtækinu nú tækifæri til að bjóða öðrum fagaðilum upp á sömu þjónustu.
Þjónustan getur meðal annars nýst iðnmeisturum og verktökum sem sinna úrbótum vegna raka- og mygluskemmda. Þá geta tjónamatsaðilar og dómskvaddir matsmenn nýtt sér greiningarnar í tengslum við álitamál sem varða raka og myglu í byggingum.
Auk sjálfrar sýnagreiningarinnar veitir EFLA ráðgjöf við túlkun niðurstaðna. Markmiðið er að niðurstöðurnar nýtist við mat á ástandi bygginga og við ákvarðanir um næstu skref í úrbótum.
Hreinlæti og rekjanleiki í fyrirrúmi
Á rannsóknarstofum EFLU er unnið eftir skýrum verkferlum þar sem hreinlæti og rekjanleiki eru í fyrirrúmi. Verklagið er meðal annars hannað til að draga úr hættu á krossmengun, sem er mikilvæg forsenda þess að niðurstöður greininga séu áreiðanlegar. Að greiningu lokinni fá viðskiptavinir ítarlegar upplýsingar um niðurstöðurnar. Greiningartími er að jafnaði innan við tíu virkir dagar.
Áratuga reynsla og sérþekking
Umsjón með rannsóknarstofunni á Akureyri hefur Heiðrún Eiríksdóttir, líf- og auðlindafræðingur. Hún hefur nær áratugar reynslu af greiningu myglusýna og starfaði áður hjá Náttúrufræðistofnun. Þá hefur hún aflað sér frekari sérþekkingar á greiningartækni í Hollandi.
„Ég hef starfað við greiningu myglusveppa um árabil og veit hversu mikilvægt það er að niðurstöður séu nákvæmar, áreiðanlegar og unnar af sérfræðingum með viðeigandi reynslu,“ segir Heiðrún. Hún segir slíkar niðurstöður mikilvægar fyrir fagaðila þegar kemur að mati á ástandi bygginga og ákvörðun um viðeigandi úrbætur.
„Það er því sérstaklega ánægjulegt að leiða nýja rannsóknarstofu EFLU á Akureyri og taka þátt í að styrkja þjónustuna á landsbyggðinni,“ segir Heiðrún að lokum.
Nýjast
-
Ný rannsóknarstofa EFLU á Akureyri tekur til starfa
EFLA hefur opnað nýja rannsóknarstofu á Akureyri þar sem boðið verður upp á sérhæfða greiningu á myglusýnum og ráðgjöf við túlkun niðurstaðna. -
Grýtubakkahreppur Sundlaugamenning í tali og tónum
Viðburðurinn Sundlaugamenning í Grýtubakkahreppi í tali og tónum og verður haldinn í Sundlaug Grenivíkur annað kvöld, fimmtudagskvöld, 10. september, og hefst klukkan 19:30. -
Ferðaþjónustunni hent fyrir rútu hallalausra fjárlaga
Frumvarp ríkisstjórnar Kristrúnar Frostadóttur um fjárlög fyrir árið 2027 liggur nú fyrir. Það hefur vart farið framhjá neinum. Ríkisstjórnin hreykir sig af því við hvert tækifæri sem gefst að hallarekstur ríkissjóðs verði stöðvaður á næsta ári. Það markmið eitt og sér er gott og gilt, og skiptir svo sannarlega máli, aftur á móti er alls ekki sama hvaða leið er farin að því að skila hallalausum fjárlögum. Sú leið sem ríkisstjórnin kýs nú ótrauð að feta vekur ugg svo vægt sé til orða tekið enda birtast í frumvarpinu skattahækkanir ofan á skattahækkanir. -
„Við verðum að fanga þessa frásögn og andagift“
Tvær nýjar íslenskar heimildamyndir verða frumsýndar á Húsavík fimmtudaginn 10. september. Önnur þeirra fjallar um Aðalgeir á Mánárbakka og hið einstaka minjasafn sem hann hefur byggt upp á Tjörnesi, en frumsýninguna ber upp á 90 ára afmælisdag Aðalgeirs. Hin myndin fjallar um Safnasafnið á Svalbarðseyri og frumkvöðlana sem þar hafa varðveitt og miðlað íslenskri alþýðulist. -
Erlendir sérfræðingar kynna rannsóknir og verkefni tengd lestri
Tveir þekktir erlendir sérfræðingar á sviði læsis og menntunar verða meðal aðalfyrirlesara á tveimur tengdum viðburðum við Háskólann á Akureyri: Námstefnu í Byrjendalæsi föstudaginn 11. september og ráðstefnunni Læsi til náms og yndis laugardaginn 12. september. -
Þörfin fyrir endurhæfingu mun ekki minnka.
Opið bréf frá starfsfólki endurhæfingar- og öldrunarlækningarþjónustu Sjúkrahússins á Akureyri til Ölmu D. Möller heilbrigðisráðherra, Daða Más Kristóferssonar fjármála- og efnahagsráðherra, Sigurjóns Þórðarsonar formanns fjárlaganefndar Alþingis og annarra þingmanna. -
2.511 undirskriftir afhentar ráðherra
Sólveig Pétursdóttir, yfirlæknir endurhæfingar á Kristnesi, og María Pálsdóttir, hælisstýra, afhentu Ölmu Möller heilbrigðisráðherra í morgun 2.511 undirskriftir þar sem skorað er á stjórnvöld að bregðast við myglu á Kristnesspítala og tryggja fjármagn til nauðsynlegs viðhalds og endurbóta á húsinu. -
Ólína Einarsdóttir ráðin taugalæknir
Ólína lauk læknanámi frá Háskólanum í Debrecen í Ungverjalandi. Á námsárunum starfaði hún við Sjúkrahúsið á Akureyri og að námi loknu einnig á heilsugæslunni á Dalvík og á Hlíð. -
Sex VMA-nemar í AFS-skiptinámi á Erasmus+ styrk
Á síðustu önn, vorönn 2026, fóru fimm nemendur VMA í 3-5 mánaða skiptinám til þriggja Evrópulanda, Belgíu, Tyrklands og Lettlands, á vegum AFS-skiptinemasamtakanna og í síðustu viku fór einn VMA-nemi til viðbótar í skiptinám á vegum AFS til Slóvakíu. Þessir nemendur fengu fjárhagsstuðning frá Erasmus+ styrkjakerfi ESB, sem greiðir um 85% námskostnaðar. Í VMA stunda eru núna þrír AFS-skiptinemar, frá Japan, Slóvakíu og Þýskalandi, sem verða hér í 3-10 mánuði.
