Ólína Einarsdóttir ráðin taugalæknir
Ólína Einarsdóttir hefur hafið störf sem sérfræðingur í taugalækningum við Sjúkrahúsið á Akureyri Mynd sak.is
Ólína lauk læknanámi frá Háskólanum í Debrecen í Ungverjalandi. Á námsárunum starfaði hún við Sjúkrahúsið á Akureyri og að námi loknu einnig á heilsugæslunni á Dalvík og á Hlíð.
Síðar flutti Ólína til Svíþjóðar og hóf sérnám í taugalækningum í Helsingborg. Frá ársbyrjun 2024 hefur hún starfað þar sem sérfræðingur í taugalækningum, bæði við deildarstörf og á göngudeild. Hún hefur sérstakan áhuga á MS og tók meðal annars þátt í uppbyggingu MS-teymis og göngudeildar í Helsingborg árið 2023.
„Ég hlakka mikið til að hefja störf á Sjúkrahúsinu á Akureyri. Það er spennandi að fá tækifæri til að byggja upp taugagöngudeild og efla taugalækningaþjónustu á Norðurlandi, ásamt því að taka þátt í starfinu á sjúkrahúsinu. Ég hlakka sérstaklega til samstarfsins við starfsfólkið og til að byggja upp góða þjónustu til framtíðar,“ segir Ólína.
Frá þessu segir á samfélagsmiðlum SAk
Nýjast
-
Þörfin fyrir endurhæfingu mun ekki minnka.
Opið bréf frá starfsfólki endurhæfingar- og öldrunarlækningarþjónustu Sjúkrahússins á Akureyri til Ölmu D. Möller heilbrigðisráðherra, Daða Más Kristóferssonar fjármála- og efnahagsráðherra, Sigurjóns Þórðarsonar formanns fjárlaganefndar Alþingis og annarra þingmanna. -
2.511 undirskriftir afhentar ráðherra
Sólveig Pétursdóttir, yfirlæknir endurhæfingar á Kristnesi, og María Pálsdóttir, hælisstýra, afhentu Ölmu Möller heilbrigðisráðherra í morgun 2.511 undirskriftir þar sem skorað er á stjórnvöld að bregðast við myglu á Kristnesspítala og tryggja fjármagn til nauðsynlegs viðhalds og endurbóta á húsinu. -
Ólína Einarsdóttir ráðin taugalæknir
Ólína lauk læknanámi frá Háskólanum í Debrecen í Ungverjalandi. Á námsárunum starfaði hún við Sjúkrahúsið á Akureyri og að námi loknu einnig á heilsugæslunni á Dalvík og á Hlíð. -
Sex VMA-nemar í AFS-skiptinámi á Erasmus+ styrk
Á síðustu önn, vorönn 2026, fóru fimm nemendur VMA í 3-5 mánaða skiptinám til þriggja Evrópulanda, Belgíu, Tyrklands og Lettlands, á vegum AFS-skiptinemasamtakanna og í síðustu viku fór einn VMA-nemi til viðbótar í skiptinám á vegum AFS til Slóvakíu. Þessir nemendur fengu fjárhagsstuðning frá Erasmus+ styrkjakerfi ESB, sem greiðir um 85% námskostnaðar. Í VMA stunda eru núna þrír AFS-skiptinemar, frá Japan, Slóvakíu og Þýskalandi, sem verða hér í 3-10 mánuði. -
Norðurorka - Ný dæla sett niður á Hjalteyri
Í síðustu viku var ný tegund af dælu sett ofan í borholu hitaveitunnar, HJ-20, á Hjalteyri, þegar hefðbundinni öxul dælu var skipt út fyrir ESP dælu frá SLB. Helsti munurinn er sá að bæði dælan og mótorinn sem knýr hana áfram fara ofan í holuna í stað þess að dælan sé niðri og mótorinn uppi, og öxull þar á milli. Þetta fyrirkomulag einfaldar viðhald og auk þess sendir ESP dælan frá sér ýmsar upplýsingar sem ekki fengust áður, til dæmis hita á vatni og mótor, titring, þrýsting á dælunni og vatnshæð í borholunni. -
Farsæld barna rædd á Farsældardegi Norðurlands eystra
Farsældardagur Norðurlands eystra fór fram í Menningarhúsinu Hofi á Akureyri föstudaginn 4. september. Þar komu saman fagfólk, fulltrúar stofnana og sveitarfélaga auk foreldra til að ræða farsæld barna, samþættingu þjónustu og leiðir til að efla samstarf þeirra fjölmörgu aðila sem koma að börnum og fjölskyldum á starfssvæði SSNE. -
Draumurinn um að læra stepp varð að hópi hjá Steps
Það hafði lengi verið draumur Guðrúnar Huldar Gunnarsdóttur, eiganda listdansskólans Steps Dancecenter á Akureyri, að læra stepp. Haustið 2021 ákvað hún að láta verða af því og fékk Ívar Helgason, sem margir þekkja betur fyrir störf sín sem leikara og söngvara, til að kenna sér. Hún vonaðist til að fleiri hefðu áhuga á að slást í hópinn – og sú varð raunin. -
Takið eftir,takið eftir, Þingvallastræti lokað 8.–9. september
Þingvallastræti, frá Gilinu og upp fyrir gatnamótin við Sundlaug Akureyrar, verður lokað fyrir umferð þriðjudaginn 8. september og miðvikudaginn 9. september vegna vegna fræsinga og malbikunar. Unnið verður á svæðinu í dag, mánudaginn 7. september, en þá verður umferð hleypt um götuna. Hjáleið verður um Hamarstíg. -
Þegar litla fréttin öðlaðist eigið líf
Egill P. Egilsson skrifar hugleiðingu um mátt hins prentaða orðs
