Farsæld barna rædd á Farsældardegi Norðurlands eystra
Húsfyllir var á farsældadegi í Hofi á föstudag og líflegar umræður. Mynd: Örlygur
Farsældardagur Norðurlands eystra fór fram í Menningarhúsinu Hofi á Akureyri föstudaginn 4. september. Þar komu saman fagfólk, fulltrúar stofnana og sveitarfélaga auk foreldra til að ræða farsæld barna, samþættingu þjónustu og leiðir til að efla samstarf þeirra fjölmörgu aðila sem koma að börnum og fjölskyldum á starfssvæði SSNE.
Á ráðstefnunni var meðal annars fjallað um hlutverk nærumhverfis barna, reynslu sveitarfélaga af innleiðingu farsældar, þjónustu við ungmenni, samfélagslöggæslu og heilbrigðisþjónustu. Einnig komu sjónarmið foreldra, tengiliða og málstjóra við sögu.
„Mikilvægast er að stuðningur hefjist snemma“
Sigríður Ingibjörg Stefánsdóttir, iðjuþjálfi og tengiliður Valsárskóla, sagði frá reynslu Svalbarðsstrandarhrepps af innleiðingu farsældar. Hún lagði áherslu á að stuðningur við börn og fjölskyldur þurfi að hefjast sem fyrst og að farsæld verði hluti af daglegu umhverfi þeirra.
Hún benti jafnframt á að langir biðlistar eftir sérfræðiþjónustu og skortur á úrræðum geti reynst börnum, fjölskyldum og starfsfólki erfiðir.
Áhersla á snemmtæka íhlutun
Arna Ásgeirsdóttir og Sonja Finnsdóttir fjölluðu um reynslu tengiliða í Norðurþingi. Sonja, sem er tengiliður farsældar á leikskólanum Grænuvöllum á Húsavík, lagði áherslu á mikilvægi þess að bregðast fljótt við þegar áhyggjur vakna, í stað þess að bíða eftir að vandinn verði umfangsmeiri eða formleg greining liggi fyrir.
Hún sagði foreldra kunna að meta að á þau sé hlustað og að þau fái aðstoð hratt. Jafnframt væru enn hindranir í vegi fyrir fullri samþættingu þjónustu, meðal annars vegna takmarkaðra samskipta milli skóla- og heilbrigðisstofnana.
Lögreglan vilji tengjast yngri kynslóðinni
Halldór Tumi Ólason, saksóknarfulltrúi hjá Lögreglunni á Norðurlandi eystra, fjallaði um tengsl samfélagslöggæslu og farsældar barna. Hann sagði mikilvægt að lögreglan væri sýnileg í samfélaginu og byggði upp traust í samskiptum við íbúa áður en vandamál yrðu að útköllum.
Sérstök áhersla væri á að ná betur til yngri kynslóðarinnar og skapa tengsl við börn og ungmenni.
Kerfin þurfi að vinna saman
Meðal annarra framsögumanna voru fulltrúar Barna- og fjölskyldustofu, Ungmennahúss Akureyrarbæjar, Sjúkrahússins á Akureyri, Heilbrigðisstofnunar Norðurlands og Brúarinnar fjölskylduseturs.
Deginum lauk með pallborðsumræðum þar sem rætt var um tækifæri og áskoranir við samþættingu þjónustu og innleiðingu farsældar.
Þorleifur Kr. Níelsson, verkefnastjóri Farsældarráðs Norðurlands eystra, segir daginn hafa gefið ráðinu mikilvægt veganesti fyrir áframhaldandi starf. Markmiðið sé að brjóta niður múra milli kerfa og tryggja að þjónustan taki mið af þörfum barnsins.
Nýjast
-
Farsæld barna rædd á Farsældardegi Norðurlands eystra
Farsældardagur Norðurlands eystra fór fram í Menningarhúsinu Hofi á Akureyri föstudaginn 4. september. Þar komu saman fagfólk, fulltrúar stofnana og sveitarfélaga auk foreldra til að ræða farsæld barna, samþættingu þjónustu og leiðir til að efla samstarf þeirra fjölmörgu aðila sem koma að börnum og fjölskyldum á starfssvæði SSNE. -
Draumurinn um að læra stepp varð að hópi hjá Steps
Það hafði lengi verið draumur Guðrúnar Huldar Gunnarsdóttur, eiganda listdansskólans Steps Dancecenter á Akureyri, að læra stepp. Haustið 2021 ákvað hún að láta verða af því og fékk Ívar Helgason, sem margir þekkja betur fyrir störf sín sem leikara og söngvara, til að kenna sér. Hún vonaðist til að fleiri hefðu áhuga á að slást í hópinn – og sú varð raunin. -
Takið eftir,takið eftir, Þingvallastræti lokað 8.–9. september
Þingvallastræti, frá Gilinu og upp fyrir gatnamótin við Sundlaug Akureyrar, verður lokað fyrir umferð þriðjudaginn 8. september og miðvikudaginn 9. september vegna vegna fræsinga og malbikunar. Unnið verður á svæðinu í dag, mánudaginn 7. september, en þá verður umferð hleypt um götuna. Hjáleið verður um Hamarstíg. -
Þegar litla fréttin öðlaðist eigið líf
Egill P. Egilsson skrifar hugleiðingu um mátt hins prentaða orðs -
Lokaorðið - Óvinafagnaður
Í vetur las ég sagnabálk Einars Kárasonar, Óvinafagnað. Hef áður lesið Óvinafagnað, en rétt eins og með Sölku Völku og Sjálfstætt fólk eftir Halldór Laxness þá er ekki síður gaman að lesa þær aftur og fá meiri dýpt. -
Kókómjólkurferna undir steini í nær hálfa öld
„Ég kem alltaf við af og til og vitja fernunnar,“ segir Guðlaugur Benedikt Aðalsteinsson hárskeri á Akureyri. Hann ólst upp á Húsavík. Í einum hjóltúr frá bænum og að Tröllakoti skildi hann eftir kókómjólkurfernu vel skorðaða undir steini. Síðan er liðin nær hálf öld og enn eru leifar af fernunni undir steininum. -
Listasafnið á Akureyri Fjórar nýjar sýningar
Fjórar nýjar sýningar voru opnaðar í Listasafninu á Akureyri og Lystigarðinum á dögunum. Sýningarnar standa yfir til 7. mars á næsta ári. -
Gleði, lærdómur og annríki í víðfemasta sveitarfélagi landsins
Katrín Sigurjónsdóttir tók við starfi sveitarstjóra Þingeyjarsveitar í byrjun ágúst. Hún segir móttökurnar hafa verið einstaklega góðar og er þegar farin að setja sig inn í fjölbreytt verkefni þessa víðfeðma sveitarfélags. Katrín vill vinna að framförum og farsælum lausnum – en ætlar líka að finna tíma til að kynnast berjalöndunum, ganga um Mývatnssveit og heimsækja Flatey. -
Glæsileg skólalóð við Glerárskóla
Skólalóðin við Glerárskóla hefur formlega verið tekin í notkun. Framkvæmdir hafa staðið yfir um nokkurt skeið en nú er þeim loksins að mestu lokið og leiktækin tilbúin til notkunar.
