Listasafnið á Akureyri Fjórar nýjar sýningar
Fjórar nýjar sýningar voru opnaðar í Listasafninu á Akureyri og Lystigarðinum á dögunum. Sýningarnar standa yfir til 7. mars á næsta ári.
Charlotte Søeborg Ohlsen (f. 1970) er danskur myndlistarmaður og hönnuður sem lauk námi í grafískri hönnun frá Konunglegu listaakademíunni í Kaupmannahöfn. Sýning hennar ber heitið Bergmál umbreytingar: Út í garð og er staðbundin innsetning sem spannar tvö ólík rými: Listasafnið á Akureyri og Lystigarð Akureyrar. Á sýningunni eru pappírsdýr inni á safni en sams konar form úr málmi úti í garðinum, þar sem náttúran og veðrið móta yfirborð þeirra með tímanum.
Hversdagsland er yfirskrift sýningar Baldvins Ringsted. Hann er fæddur og uppalinn á Akureyri, en býr og starfar í Skotlandi. Á þessari sýningu vinnur Baldvin með nýja seríu þar sem hann notar fundin útsaumsverk til að skapa nýtt landslag þar sem hversdagslegir hlutir bera með sér þunga minninga.
Lene Zachariassen, Páll Guðmundsson og María Tórgarð standa saman að sýningunni Í snertingu þar sem náttúran er nýtt sem efniviður og innblástur. Páll vinnur í stein og svell, Lene í náttúruleg efni og textíl, og María fléttar saman hreyfingu, hljóði, vatni og ljósi í myndbandi við tónlist.
Loks má nefna sýningu með yfirskriftinni Hughrif – Litir -Form II sem byggir á safneign safnsins. Hún kafar í hvernig liti og form má nota til að vekja tilfinningar og skapa listaverk, og býður gestum að taka þátt með eigin sköpun.
Nýjast
-
Lokaorðið - Óvinafagnaður
Í vetur las ég sagnabálk Einars Kárasonar, Óvinafagnað. Hef áður lesið Óvinafagnað, en rétt eins og með Sölku Völku og Sjálfstætt fólk eftir Halldór Laxness þá er ekki síður gaman að lesa þær aftur og fá meiri dýpt. -
Kókómjólkurferna undir steini í nær hálfa öld
„Ég kem alltaf við af og til og vitja fernunnar,“ segir Guðlaugur Benedikt Aðalsteinsson hárskeri á Akureyri. Hann ólst upp á Húsavík. Í einum hjóltúr frá bænum og að Tröllakoti skildi hann eftir kókómjólkurfernu vel skorðaða undir steini. Síðan er liðin nær hálf öld og enn eru leifar af fernunni undir steininum. -
Listasafnið á Akureyri Fjórar nýjar sýningar
Fjórar nýjar sýningar voru opnaðar í Listasafninu á Akureyri og Lystigarðinum á dögunum. Sýningarnar standa yfir til 7. mars á næsta ári. -
Gleði, lærdómur og annríki í víðfemasta sveitarfélagi landsins
Katrín Sigurjónsdóttir tók við starfi sveitarstjóra Þingeyjarsveitar í byrjun ágúst. Hún segir móttökurnar hafa verið einstaklega góðar og er þegar farin að setja sig inn í fjölbreytt verkefni þessa víðfeðma sveitarfélags. Katrín vill vinna að framförum og farsælum lausnum – en ætlar líka að finna tíma til að kynnast berjalöndunum, ganga um Mývatnssveit og heimsækja Flatey. -
Glæsileg skólalóð við Glerárskóla
Skólalóðin við Glerárskóla hefur formlega verið tekin í notkun. Framkvæmdir hafa staðið yfir um nokkurt skeið en nú er þeim loksins að mestu lokið og leiktækin tilbúin til notkunar. -
Fincafresh flytur í Garðabæ
Starfsemi Fincafresh mun á næstu vikum verða flutt il Garðabæjar. Félagið hóf sína starfsemi á Dalvík en flutti til Akureyrar fyrir fáeinum misserum. Nú verður enn á ný lagt upp í ferðalag. Fincafresh selur ferska ávexti beint frá Spáni til áskrifenda. -
Mikil eftirspurn eftir herbergjum á Heimavistinni
Hafna þurfti tugum umsókna sem bárust um Heimavist MA og VMA nú á þessu hausti. Vistin er fullsetin, en þar búa nú um 330 nemendur sem stunda ýmist nám í Menntaskólanum á Akureyri eða Verkmenntaskólanum á Akureyri. Yfir 400 umsóknir bárust um vist á þessu hausti, en pláss er fyrir 330. -
Man varla eftir því að hafa fundið upp nafnið
Norðurþing fagnar 20 ára afmæli á þessu ári -
Litríkt starfsfólk Norðurorku
Starfsfólk Norðurorku tók þátt í Treyjudeginum í dag og mætti í sínum uppáhalds íþróttatreyjum til stuðnings börnum með krabbamein og fjölskyldum þeirra.
