Kókómjólkurferna undir steini í nær hálfa öld
Gulli elskar kókómjólk. Myndir GBA
„Ég kem alltaf við af og til og vitja fernunnar,“ segir Guðlaugur Benedikt Aðalsteinsson hárskeri á Akureyri. Hann ólst upp á Húsavík. Í einum hjóltúr frá bænum og að Tröllakoti skildi hann eftir kókómjólkurfernu vel skorðaða undir steini. Síðan er liðin nær hálf öld og enn eru leifar af fernunni undir steininum.
Guðlaugur, iðulega kallaður Gulli segir að á sínum yngri árum haft óskaplega gaman af því að bregða sér í hjóltúr út fyrir bæinn. Það var spennandi að hjóla nokkurra kílómetra leið út fyrir bæ og að torfhlaðinni fjárrétt, Tröllakoti. Hápunktur ferðarinnar var að taka upp nestið, heimabakaðar kleinur frá móður hans og kókómjólk. „Ég elskaði kókómjólk frá því hún kom fyrst á markað og hef marga fernuna sopið um árin,“ segir hann.
Snemma beygðist krókurinn, Gulli á hjóli
Dett í nostalgiukast
Í einni af ferðum strákanna, sem yfirleitt voru fjórir saman kom Gulli fernunni vel fyrir undir stórum steini. Hann flatti hana vel út og skorðaði undir steini, en síðan lá leiðin heim á leið á ný. „Ég hef af og til um árin hjólað frá Húsavík í Tröllakot og dett í smá nostalgíukast þegar ég kem þangað. Mér þykir mjög vænt um þessa minningu af hjólatúrum okkar félaganna.
Það bregst ekki að ég lít undir steininn og ævinlega liggur kókómjólkurfernan þar undir. Vissulega hefur hún látið á sjá í áranna rás, en samt er hún þarna enn. Það segir mér að við verðum sem allra fyrst að hætta að urða sorpið okkar, það tekur greinilega áratugi að eyðast í jörðinni. Mér hefði aldrei dottið í hug að þetta tæki þennan óratíma að eyðast,“ segir hann.
Fernan forna
Gulli flutti frá Húsavík árið 1984 og hóf hárskeranám í Reykjavík. Að námi loknu hélt hann aftur norður og kom sér fyrir á Akureyri. Hann hóf störf á stofunni Passion sem þá var við Glerárgötu en hefur um langt árabil verið staðsett við Hafnarstræti 88.
1000 kílómetrar um þrjú lönd
Gulli hefur um langt skeið verið mikill áhugamaður um hjólreiðar og farið í all margar ferðir, innanlands og utan. Hann er nú í vikunni á leið í þriggja landa ferð, um Austurríki, Slóveníu og Ítalíu og hlakkar mikið til. Leiðin er alls um 1000 kílómetrar og er hjólar á Racer hjólum, keppnihjólum sem m.a. má berja augum í Tour de France og álíkar hjólareiðakeppnum. Allir taka eigið hjól með.
„Þetta verður örugglega krefjandi og mikil áskorun, en ég hlakka mikið til að takast á við þetta. Leiðin er afar fallegt og þetta verður virkilega gaman,“ segir hann. Alls eru þeir 12 saman, allt karlar, og skiptast til helminga eftir búsetu, 6 frá Akureyri og 6 af höfuðborgarsvæðinu.
Nýjast
-
Lokaorðið - Óvinafagnaður
Í vetur las ég sagnabálk Einars Kárasonar, Óvinafagnað. Hef áður lesið Óvinafagnað, en rétt eins og með Sölku Völku og Sjálfstætt fólk eftir Halldór Laxness þá er ekki síður gaman að lesa þær aftur og fá meiri dýpt. -
Kókómjólkurferna undir steini í nær hálfa öld
„Ég kem alltaf við af og til og vitja fernunnar,“ segir Guðlaugur Benedikt Aðalsteinsson hárskeri á Akureyri. Hann ólst upp á Húsavík. Í einum hjóltúr frá bænum og að Tröllakoti skildi hann eftir kókómjólkurfernu vel skorðaða undir steini. Síðan er liðin nær hálf öld og enn eru leifar af fernunni undir steininum. -
Listasafnið á Akureyri Fjórar nýjar sýningar
Fjórar nýjar sýningar voru opnaðar í Listasafninu á Akureyri og Lystigarðinum á dögunum. Sýningarnar standa yfir til 7. mars á næsta ári. -
Gleði, lærdómur og annríki í víðfemasta sveitarfélagi landsins
Katrín Sigurjónsdóttir tók við starfi sveitarstjóra Þingeyjarsveitar í byrjun ágúst. Hún segir móttökurnar hafa verið einstaklega góðar og er þegar farin að setja sig inn í fjölbreytt verkefni þessa víðfeðma sveitarfélags. Katrín vill vinna að framförum og farsælum lausnum – en ætlar líka að finna tíma til að kynnast berjalöndunum, ganga um Mývatnssveit og heimsækja Flatey. -
Glæsileg skólalóð við Glerárskóla
Skólalóðin við Glerárskóla hefur formlega verið tekin í notkun. Framkvæmdir hafa staðið yfir um nokkurt skeið en nú er þeim loksins að mestu lokið og leiktækin tilbúin til notkunar. -
Fincafresh flytur í Garðabæ
Starfsemi Fincafresh mun á næstu vikum verða flutt il Garðabæjar. Félagið hóf sína starfsemi á Dalvík en flutti til Akureyrar fyrir fáeinum misserum. Nú verður enn á ný lagt upp í ferðalag. Fincafresh selur ferska ávexti beint frá Spáni til áskrifenda. -
Mikil eftirspurn eftir herbergjum á Heimavistinni
Hafna þurfti tugum umsókna sem bárust um Heimavist MA og VMA nú á þessu hausti. Vistin er fullsetin, en þar búa nú um 330 nemendur sem stunda ýmist nám í Menntaskólanum á Akureyri eða Verkmenntaskólanum á Akureyri. Yfir 400 umsóknir bárust um vist á þessu hausti, en pláss er fyrir 330. -
Man varla eftir því að hafa fundið upp nafnið
Norðurþing fagnar 20 ára afmæli á þessu ári -
Litríkt starfsfólk Norðurorku
Starfsfólk Norðurorku tók þátt í Treyjudeginum í dag og mætti í sínum uppáhalds íþróttatreyjum til stuðnings börnum með krabbamein og fjölskyldum þeirra.
