„Tónlistin sameinar okkur í þessu“
Harpa Steingrímsdóttir lofar kraftmikilli tónlistarveislu í Húsavíkurkirkju í annaðkvöld. Mynd/Tónasmiðjan.
Tónasmiðjan á Húsavík rokkar enn á ný gegn sjálfsvígum á árlegum tónleikum sínum í Húsavíkurkirkju á morgun fimmtudaginn 10 september. Harpa Steingrímsdóttir segir tónleikana skipa sérstakan sess í starfi Tónasmiðjunnar enda standi málefnið henni og Elvari Bragasyni afar nærri. Gestir mega eiga von á kraftmikilli tónlistarveislu þar sem kunnugleg andlit stíga á svið ásamt nýjum flytjendum og þremur heiðursgestum.
„Ég man eins og það hafi gerst í gær þegar við byrjuðum. Allt frá fyrstu tónleikunum og þar til nú hafa þeir skipt okkur miklu máli. Málefnið stendur okkur Elvari mjög nærri og tilfinningarnar sem fara í þessa tónleika eru öðruvísi en á öðrum tónleikum sem við höldum,“ segir Harpa.
Hún segir tónleikana hafa gengið vel frá upphafi og að flytjendahópurinn leitist stöðugt við að gera betur. Að venju verður rokkið í aðalhlutverki en einnig fá rólegri tónar að njóta sín.
„Á sviðinu verða andlit sem fólk þekkir en einnig nokkur ný sem hafa ekki komið fram með okkur áður, sem er mjög skemmtilegt. Við verðum auk þess með þrjá heiðursgesti, Gunna Óla, Stefaníu Töru og Ívar Helga. Fólk má því alveg eiga von á geggjuðu stuði frá okkur öllum.“
Erfitt að finna jafnvægið
Þótt tónleikarnir einkennist af krafti, gleði og samstöðu er tilefnið alvarlegt. Harpa segir stundum erfitt að finna rétta jafnvægið, ekki síst í upphafi þegar rætt er opinskátt um sjálfsvíg og mikilvægi forvarna.
„Svo tekur tónlistin við og það er gaman að syngja og spila fyrir alla sem koma til að hlusta. Fólk getur gleymt sér um stund yfir flottum tónlistaratriðum. Mér finnst líka oft erfitt að enda tónleikana því allir sem eru inni í kirkjunni, bæði gestir og flytjendur, eru þar með eitt í huga: að rokka gegn sjálfsvígum. Tónlistin einhvern veginn sameinar okkur í þessu,“ segir Harpa einlæg og bætir við að það sé erfitt að útskýra það.
Samheldnin gerir hópinn sterkan
Tónasmiðjan hefur frá upphafi lagt áherslu á að öll séu velkomin, óháð aldri eða fyrri reynslu. Harpa segir sterka samheldni og kærleika einkenna hópinn.
„Það er frábært hvað við þekkjumst orðið mörg og hvað við erum náin, hvort sem fólk er sjö ára eða 75 ára. Þegar nýir þátttakendur koma smella þeir strax inn í hópinn. Það er samheldnin sem gerir okkur sterk. Svo eru það auðvitað knúsin og faðmlögin – kærleikurinn er mikill. Þetta er kannski smá væmni í mér, en svona er þetta.“
Harpa hvetur fólk til að mæta, njóta tónlistarinnar og leggja góðu málefni lið.
„Þarna kemur saman frábært og flott tónlistarfólk sem hefur æft af krafti síðustu vikur. Við viljum fylla kirkjuna, eiga góða stund saman og styrkja nauðsynlegt málefni í leiðinni,“ segir Harpa að lokum.
Nýjast
-
„Tónlistin sameinar okkur í þessu“
Tónasmiðjan á Húsavík rokkar enn á ný gegn sjálfsvígum á árlegum tónleikum sínum í Húsavíkurkirkju á morgun fimmtudaginn 10 september. Harpa Steingrímsdóttir segir tónleikana skipa sérstakan sess í starfi Tónasmiðjunnar enda standi málefnið henni og Elvari Bragasyni afar nærri. Gestir mega eiga von á kraftmikilli tónlistarveislu þar sem kunnugleg andlit stíga á svið ásamt nýjum flytjendum og þremur heiðursgestum. -
Ný rannsóknarstofa EFLU á Akureyri tekur til starfa
EFLA hefur opnað nýja rannsóknarstofu á Akureyri þar sem boðið verður upp á sérhæfða greiningu á myglusýnum og ráðgjöf við túlkun niðurstaðna. -
Grýtubakkahreppur Sundlaugamenning í tali og tónum
Viðburðurinn Sundlaugamenning í Grýtubakkahreppi í tali og tónum og verður haldinn í Sundlaug Grenivíkur annað kvöld, fimmtudagskvöld, 10. september, og hefst klukkan 19:30. -
Ferðaþjónustunni hent fyrir rútu hallalausra fjárlaga
Frumvarp ríkisstjórnar Kristrúnar Frostadóttur um fjárlög fyrir árið 2027 liggur nú fyrir. Það hefur vart farið framhjá neinum. Ríkisstjórnin hreykir sig af því við hvert tækifæri sem gefst að hallarekstur ríkissjóðs verði stöðvaður á næsta ári. Það markmið eitt og sér er gott og gilt, og skiptir svo sannarlega máli, aftur á móti er alls ekki sama hvaða leið er farin að því að skila hallalausum fjárlögum. Sú leið sem ríkisstjórnin kýs nú ótrauð að feta vekur ugg svo vægt sé til orða tekið enda birtast í frumvarpinu skattahækkanir ofan á skattahækkanir. -
„Við verðum að fanga þessa frásögn og andagift“
Tvær nýjar íslenskar heimildamyndir verða frumsýndar á Húsavík fimmtudaginn 10. september. Önnur þeirra fjallar um Aðalgeir á Mánárbakka og hið einstaka minjasafn sem hann hefur byggt upp á Tjörnesi, en frumsýninguna ber upp á 90 ára afmælisdag Aðalgeirs. Hin myndin fjallar um Safnasafnið á Svalbarðseyri og frumkvöðlana sem þar hafa varðveitt og miðlað íslenskri alþýðulist. -
Erlendir sérfræðingar kynna rannsóknir og verkefni tengd lestri
Tveir þekktir erlendir sérfræðingar á sviði læsis og menntunar verða meðal aðalfyrirlesara á tveimur tengdum viðburðum við Háskólann á Akureyri: Námstefnu í Byrjendalæsi föstudaginn 11. september og ráðstefnunni Læsi til náms og yndis laugardaginn 12. september. -
Þörfin fyrir endurhæfingu mun ekki minnka.
Opið bréf frá starfsfólki endurhæfingar- og öldrunarlækningarþjónustu Sjúkrahússins á Akureyri til Ölmu D. Möller heilbrigðisráðherra, Daða Más Kristóferssonar fjármála- og efnahagsráðherra, Sigurjóns Þórðarsonar formanns fjárlaganefndar Alþingis og annarra þingmanna. -
2.511 undirskriftir afhentar ráðherra
Sólveig Pétursdóttir, yfirlæknir endurhæfingar á Kristnesi, og María Pálsdóttir, hælisstýra, afhentu Ölmu Möller heilbrigðisráðherra í morgun 2.511 undirskriftir þar sem skorað er á stjórnvöld að bregðast við myglu á Kristnesspítala og tryggja fjármagn til nauðsynlegs viðhalds og endurbóta á húsinu. -
Ólína Einarsdóttir ráðin taugalæknir
Ólína lauk læknanámi frá Háskólanum í Debrecen í Ungverjalandi. Á námsárunum starfaði hún við Sjúkrahúsið á Akureyri og að námi loknu einnig á heilsugæslunni á Dalvík og á Hlíð.
