Áhyggjur vegna Kristnesspítala en fagnar framkvæmdum við SAk
Sjúkrahúsið á Akureyri Mynd Vbl
Bæjarstjórn Akureyrar mun fylgjast vel með allri stefnumótun um framtíðarskipan starfsemi á Kristnesspítala og taka virkan þátt í þeirri umræðu með hagsmuni sjúklinga og aðstandenda þeirra að leiðarljósi, segir í bókun bæjarstjórnar.
Á fundi nýverið var fjallað um stöðu helstu verkefna á vegum heilbrigðisráðuneytis á Akureyri, þar á meðal uppbyggingu heilsugæslu, stækkun Sjúkrahússins á Akureyri og um húsnæði Kristnesspítala.
Bæjarstjórn Akureyrarbæjar óskaði eftir uppfærðri skriflegri stöðu frá viðeigandi ráðuneytum og stofnunum ríkisins um helstu ríkisverkefni á Akureyri, þar á meðal hjúkrunarheimili við Þursaholt, stækkun Sjúkrahússins á Akureyri, Kristnesspítala, uppbyggingu heilsugæslu, stækkun Verkmenntaskólans á Akureyri og áframhaldandi uppbyggingu Akureyrarflugvallar. Óskað var eftir upplýsingum um stöðu hönnunar, útboða, fjármögnunar, tímaáætlana, næstu ákvarðanir og formlegt samráð við Akureyrarbæ.
Bíða svara
Bæjarstjórn fagnar því að undirbúningur og framkvæmdir eru hafnar við nýja legudeildarbyggingu við Sjúkrahúsið á Akureyri og að þar gangi allt samkvæmt óskum. Staðan varðandi Kristnesspítala sé aftur á móti áhyggjuefni, enda mikilvægt að tryggja öfluga endurhæfingarþjónustu í landshlutanum.
Loks fagnar bæjarstjórn því að góð reynsla sé af nýrri heilsugæslustöð í Sunnuhlíð og áréttar ríkan samstarfsvilja þegar kemur að því að reisa aðra heilsugæslustöð í bænum.
Einungis hafa borist svör frá heilbrigðisráðuneytinu en bæjarstjórn bíður enn svara um önnur verkefni.
Nýjast
-
Áhyggjur vegna Kristnesspítala en fagnar framkvæmdum við SAk
Bæjarstjórn Akureyrar mun fylgjast vel með allri stefnumótun um framtíðarskipan starfsemi á Kristnesspítala og taka virkan þátt í þeirri umræðu með hagsmuni sjúklinga og aðstandenda þeirra að leiðarljósi, segir í bókun bæjarstjórnar. -
Götugangan fer fram á sunnudaginn
Genginn verður tæplega 5 km leið meðfram Pollinum og eru göngugarpar á öllum aldri velkomnir. Þátttaka er ókeypis. -
Vatnslitahátíð Íslands - Viðbrögð fram úr björtustu vonum
Til landsins koma fimm heimsþekktir listamenn sem hafa helgað ævistarf sitt vatnslitum en þeir eru Björn Bernström frá Svíþjóð, Nicolás Lopez frá Perú, Julia Ustinovich frá Póllandi, Prafull Sawant frá Indlandi og Julia Barminova frá Portúgal. Allt þetta fólk verður með sýnikennslu í Listasafninu fyrir hátíðargesti og heldur einnig námskeið annars staðar í bænum. Uppselt er á námskeið þeirra allra. -
Fræhöll rís í Vaglaskógi
Uppsetning á stóru gróðurhúsi í Vaglaskógi er nú í fullum gangi og er stefnt að því að það verði að mestu tilbúið að utan nú í vikunni. Húsið gerir kleift að auka verulega framleiðslu á fræi lerkiblendingsins Hryms auk þess sem það eykur möguleika á öðru kynbótastarfi hjá Landi og skógi. -
Samstaða gegn sölu flugstöðvarinnar
Markþing, hagsmunasamtök fyrirtækja í ferðaþjónustu og verslun á Húsavík og nágrenni, og Framsýn stéttarfélag hafa bæði lýst eindreginni andstöðu við fyrirhugaða söluheimild á byggingum Húsavíkurflugvallar. Samtökin telja að sala flugstöðvarinnar myndi veikja stöðu flugvallarins og ganga gegn langtímahagsmunum samfélagsins. -
„Tónlistin sameinar okkur í þessu“
Tónasmiðjan á Húsavík rokkar enn á ný gegn sjálfsvígum á árlegum tónleikum sínum í Húsavíkurkirkju á morgun fimmtudaginn 10 september. Harpa Steingrímsdóttir segir tónleikana skipa sérstakan sess í starfi Tónasmiðjunnar enda standi málefnið henni og Elvari Bragasyni afar nærri. Gestir mega eiga von á kraftmikilli tónlistarveislu þar sem kunnugleg andlit stíga á svið ásamt nýjum flytjendum og þremur heiðursgestum. -
Ný rannsóknarstofa EFLU á Akureyri tekur til starfa
EFLA hefur opnað nýja rannsóknarstofu á Akureyri þar sem boðið verður upp á sérhæfða greiningu á myglusýnum og ráðgjöf við túlkun niðurstaðna. -
Grýtubakkahreppur Sundlaugamenning í tali og tónum
Viðburðurinn Sundlaugamenning í Grýtubakkahreppi í tali og tónum og verður haldinn í Sundlaug Grenivíkur annað kvöld, fimmtudagskvöld, 10. september, og hefst klukkan 19:30. -
Ferðaþjónustunni hent fyrir rútu hallalausra fjárlaga
Frumvarp ríkisstjórnar Kristrúnar Frostadóttur um fjárlög fyrir árið 2027 liggur nú fyrir. Það hefur vart farið framhjá neinum. Ríkisstjórnin hreykir sig af því við hvert tækifæri sem gefst að hallarekstur ríkissjóðs verði stöðvaður á næsta ári. Það markmið eitt og sér er gott og gilt, og skiptir svo sannarlega máli, aftur á móti er alls ekki sama hvaða leið er farin að því að skila hallalausum fjárlögum. Sú leið sem ríkisstjórnin kýs nú ótrauð að feta vekur ugg svo vægt sé til orða tekið enda birtast í frumvarpinu skattahækkanir ofan á skattahækkanir.
