Samstaða gegn sölu flugstöðvarinnar
Markþing, hagsmunasamtök fyrirtækja í ferðaþjónustu og verslun á Húsavík og nágrenni, og Framsýn stéttarfélag hafa bæði lýst eindreginni andstöðu við fyrirhugaða söluheimild á byggingum Húsavíkurflugvallar. Samtökin telja að sala flugstöðvarinnar myndi veikja stöðu flugvallarins og ganga gegn langtímahagsmunum samfélagsins.
Stjórn og trúnaðarráð Framsýnar kom saman til fundar síðastliðinn mánudag. Þar kom fram megn óánægja með fjárlagafrumvarpið, einkum auknar álögur á almenning og fyrirætlanir stjórnvalda um að selja byggingar á Húsavíkurflugvelli. Að loknum umræðum samþykkti fundurinn samhljóða ályktun undir yfirskriftinni „Stjórnvöld verði með okkur í liði“.
Markþing, samtök fyrirtækja í ferðaþjónustu og verslun á Húsavík og nágrenni, hefur einnig sent frá sér ályktun þar sem fyrirhugaðri söluheimild er mótmælt harðlega. Samtökin skora á stjórnvöld að falla frá áformunum og móta þess í stað skýra langtímasýn um framtíð Húsavíkurflugvallar.
Í ályktun Markþings segir að flugvöllurinn sé mikilvægur hluti af grunninnviðum svæðisins. Hann gegni veigamiklu hlutverki fyrir sjúkraflug og hafi jafnframt þýðingu fyrir atvinnulíf og ferðaþjónustu, þótt áætlunarflug hafi ekki verið starfrækt um nokkra hríð. Ferðaþjónustufyrirtæki hafi meðal annars keypt leiguflug fyrir viðskiptavini sína beint til Húsavíkur og flugvöllurinn hafi gegnt lykilhlutverki við uppbyggingu á Bakka og Þeistareykjum.
„Flugstöð er ekki eingöngu húsnæði heldur nauðsynlegur hluti af þeim innviðum sem gera flugvöll að virkum samgöngumannvirkjum,“ segir í ályktun Markþings. Samtökin telja óæskilegt að ráðstafa byggingunni á meðan framtíð flugsamgangna til og frá Húsavík sé óljós.
Segja forsendur kjarasamninga brostnar
Ályktun Framsýnar er víðtækari og beinist einnig að gjaldskrár- og verðhækkunum ríkis og sveitarfélaga. Félagið telur stjórnvöld hafa svikið þau loforð sem gefin voru við gerð kjarasamninga árið 2024 um að halda aftur af hækkunum.
„Ábyrgðin hvílir hjá þeim sem hafa svikið loforð sín um að halda aftur af gjaldskrár- og verðhækkunum og hafa þess í stað kosið að velta byrðinni yfir á almenning,“ segir í ályktuninni. Afleiðingin sé sú að forsendur kjarasamninganna séu brostnar.
Framsýn gagnrýnir sérstaklega aukinn kostnað almennings vegna heilbrigðisþjónustu, meðal annars hækkun komugjalda á heilsugæslu og ný gjöld vegna sjúkraþjálfunar, iðjuþjálfunar og talþjálfunar. Þá bendir félagið á fyrirhugaða 5,2 prósenta hækkun krónutölugjalda, 15,9 prósenta hækkun kílómetragjalds og rýrnun barna- og húsaleigubóta.
Stjórn og trúnaðarráð Framsýnar telur mikilvægt að verkalýðshreyfingin standi saman og bregðist við vanefndum stjórnvalda, sveitarfélaga og annarra sem hétu því að leggja sitt af mörkum til að halda verðbólgu niðri.
Á sama tíma leggja bæði Framsýn og Markþing áherslu á að ekki verði ráðist í ráðstafanir sem geti veikt Húsavíkurflugvöll til framtíðar. Markþing bendir sérstaklega á að frekari uppbygging á iðnaðarsvæðinu á Bakka geti aukið flugumferð um völlinn verulega á skömmum tíma.
„Samgöngumannvirki þurfa að vera til staðar áður en eftirspurnin eykst – ekki byggð upp eftir á,“ segir í ályktun Markþings.
Nýjast
-
Fræhöll rís í Vaglaskógi
Uppsetning á stóru gróðurhúsi í Vaglaskógi er nú í fullum gangi og er stefnt að því að það verði að mestu tilbúið að utan nú í vikunni. Húsið gerir kleift að auka verulega framleiðslu á fræi lerkiblendingsins Hryms auk þess sem það eykur möguleika á öðru kynbótastarfi hjá Landi og skógi. -
Samstaða gegn sölu flugstöðvarinnar
Markþing, hagsmunasamtök fyrirtækja í ferðaþjónustu og verslun á Húsavík og nágrenni, og Framsýn stéttarfélag hafa bæði lýst eindreginni andstöðu við fyrirhugaða söluheimild á byggingum Húsavíkurflugvallar. Samtökin telja að sala flugstöðvarinnar myndi veikja stöðu flugvallarins og ganga gegn langtímahagsmunum samfélagsins. -
„Tónlistin sameinar okkur í þessu“
Tónasmiðjan á Húsavík rokkar enn á ný gegn sjálfsvígum á árlegum tónleikum sínum í Húsavíkurkirkju á morgun fimmtudaginn 10 september. Harpa Steingrímsdóttir segir tónleikana skipa sérstakan sess í starfi Tónasmiðjunnar enda standi málefnið henni og Elvari Bragasyni afar nærri. Gestir mega eiga von á kraftmikilli tónlistarveislu þar sem kunnugleg andlit stíga á svið ásamt nýjum flytjendum og þremur heiðursgestum. -
Ný rannsóknarstofa EFLU á Akureyri tekur til starfa
EFLA hefur opnað nýja rannsóknarstofu á Akureyri þar sem boðið verður upp á sérhæfða greiningu á myglusýnum og ráðgjöf við túlkun niðurstaðna. -
Grýtubakkahreppur Sundlaugamenning í tali og tónum
Viðburðurinn Sundlaugamenning í Grýtubakkahreppi í tali og tónum og verður haldinn í Sundlaug Grenivíkur annað kvöld, fimmtudagskvöld, 10. september, og hefst klukkan 19:30. -
Ferðaþjónustunni hent fyrir rútu hallalausra fjárlaga
Frumvarp ríkisstjórnar Kristrúnar Frostadóttur um fjárlög fyrir árið 2027 liggur nú fyrir. Það hefur vart farið framhjá neinum. Ríkisstjórnin hreykir sig af því við hvert tækifæri sem gefst að hallarekstur ríkissjóðs verði stöðvaður á næsta ári. Það markmið eitt og sér er gott og gilt, og skiptir svo sannarlega máli, aftur á móti er alls ekki sama hvaða leið er farin að því að skila hallalausum fjárlögum. Sú leið sem ríkisstjórnin kýs nú ótrauð að feta vekur ugg svo vægt sé til orða tekið enda birtast í frumvarpinu skattahækkanir ofan á skattahækkanir. -
„Við verðum að fanga þessa frásögn og andagift“
Tvær nýjar íslenskar heimildamyndir verða frumsýndar á Húsavík fimmtudaginn 10. september. Önnur þeirra fjallar um Aðalgeir á Mánárbakka og hið einstaka minjasafn sem hann hefur byggt upp á Tjörnesi, en frumsýninguna ber upp á 90 ára afmælisdag Aðalgeirs. Hin myndin fjallar um Safnasafnið á Svalbarðseyri og frumkvöðlana sem þar hafa varðveitt og miðlað íslenskri alþýðulist. -
Erlendir sérfræðingar kynna rannsóknir og verkefni tengd lestri
Tveir þekktir erlendir sérfræðingar á sviði læsis og menntunar verða meðal aðalfyrirlesara á tveimur tengdum viðburðum við Háskólann á Akureyri: Námstefnu í Byrjendalæsi föstudaginn 11. september og ráðstefnunni Læsi til náms og yndis laugardaginn 12. september. -
Þörfin fyrir endurhæfingu mun ekki minnka.
Opið bréf frá starfsfólki endurhæfingar- og öldrunarlækningarþjónustu Sjúkrahússins á Akureyri til Ölmu D. Möller heilbrigðisráðherra, Daða Más Kristóferssonar fjármála- og efnahagsráðherra, Sigurjóns Þórðarsonar formanns fjárlaganefndar Alþingis og annarra þingmanna.
