Vatnslitahátíð Íslands - Viðbrögð fram úr björtustu vonum
Mynd úr Námaskarði eftir Björn Bernström frá Svíþjóð, einn þeirra sem sækja Vatnslitahátíðina og halda námskeið á Akureyri
Til landsins koma fimm heimsþekktir listamenn sem hafa helgað ævistarf sitt vatnslitum en þeir eru Björn Bernström frá Svíþjóð, Nicolás Lopez frá Perú, Julia Ustinovich frá Póllandi, Prafull Sawant frá Indlandi og Julia Barminova frá Portúgal. Allt þetta fólk verður með sýnikennslu í Listasafninu fyrir hátíðargesti og heldur einnig námskeið annars staðar í bænum. Uppselt er á námskeið þeirra allra.
Á dagskrá eru, auk sýnikennslu og námskeiða, meðal annars vettvangsferðir til Mývatns og á Svalbarðseyri þar sem málað verður undir berum himni ef veður leyfir. Einnig leiðir pólski málarinn Daria Kudlenkova skissuferðir um miðbæjarsvæðið sem líklega munu vekja athygli vegfarenda.
Undirbúningur taugatrekkjandi á köflum
Ragnar segir að hugmyndin hafi kviknað fyrir rúmi ári á vatnslitahátíðinni í Córdoba á Spáni „og allir sem ég nefndi þetta við skoruðu á mig að hrinda henni í framkvæmd,“ segir hann. „Listafólkið sem kemur frá fimm þjóðlöndum til að sýna listir sínar hef ég flest hitt áður og það sögðu allir strax já þegar ég nefndi hvort það vildi koma norður. Ég veit ekki hvort ég eigi að segja að ég sjái eftir að hafa látið slag standa því undirbúningur hefur óneitanlega tekið mikinn tíma og verið taugatrekkjandi á köflum. En það hefur allt gengið vel og nú er þetta að smella, þökk sé þeim sem leggja gjörva hönd á plóg með mér og bakhjörlum okkar sem hafa verið einstaklega liðlegir.“
Ragnar Hólm Ragnarsson
Setja svip á bæinn
Ragnar segir frábært að bjóða upp á Vatnslitahátíð Íslands í höfuðstað Norðurlands og væntir þess að vatnslitamálarar eigi eftir að setja nokkurn svip á bæinn þá daga sem hún stendur yfir. „Viðbrögðin hafa farið fram úr björtustu vonum og ég hlakka mikið til að taka á móti öllu þessu áhugafólki um vatnsliti þegar það mætir til Akureyrar með litina sína,“ segir Ragnar.
Julia Ustinovich frá Póllandi, er í hópi þeirra sem taka þátt í Vatnslitahátíðinni. Hér er ein mynda hennar.
Nýjast
-
Bæjarstjórn Akureyrar Áhyggjur Kristnesspítala en fagnar framkvæmdum við SAk
Bæjarstjórn Akureyrar mun fylgjast vel með allri stefnumótun um framtíðarskipan starfsemi á Kristnesspítala og taka virkan þátt í þeirri umræðu með hagsmuni sjúklinga og aðstandenda þeirra að leiðarljósi, segir í bókun bæjarstjórnar. -
Götugangan fer fram á sunnudaginn
Genginn verður tæplega 5 km leið meðfram Pollinum og eru göngugarpar á öllum aldri velkomnir. Þátttaka er ókeypis. -
Vatnslitahátíð Íslands - Viðbrögð fram úr björtustu vonum
Til landsins koma fimm heimsþekktir listamenn sem hafa helgað ævistarf sitt vatnslitum en þeir eru Björn Bernström frá Svíþjóð, Nicolás Lopez frá Perú, Julia Ustinovich frá Póllandi, Prafull Sawant frá Indlandi og Julia Barminova frá Portúgal. Allt þetta fólk verður með sýnikennslu í Listasafninu fyrir hátíðargesti og heldur einnig námskeið annars staðar í bænum. Uppselt er á námskeið þeirra allra. -
Fræhöll rís í Vaglaskógi
Uppsetning á stóru gróðurhúsi í Vaglaskógi er nú í fullum gangi og er stefnt að því að það verði að mestu tilbúið að utan nú í vikunni. Húsið gerir kleift að auka verulega framleiðslu á fræi lerkiblendingsins Hryms auk þess sem það eykur möguleika á öðru kynbótastarfi hjá Landi og skógi. -
Samstaða gegn sölu flugstöðvarinnar
Markþing, hagsmunasamtök fyrirtækja í ferðaþjónustu og verslun á Húsavík og nágrenni, og Framsýn stéttarfélag hafa bæði lýst eindreginni andstöðu við fyrirhugaða söluheimild á byggingum Húsavíkurflugvallar. Samtökin telja að sala flugstöðvarinnar myndi veikja stöðu flugvallarins og ganga gegn langtímahagsmunum samfélagsins. -
„Tónlistin sameinar okkur í þessu“
Tónasmiðjan á Húsavík rokkar enn á ný gegn sjálfsvígum á árlegum tónleikum sínum í Húsavíkurkirkju á morgun fimmtudaginn 10 september. Harpa Steingrímsdóttir segir tónleikana skipa sérstakan sess í starfi Tónasmiðjunnar enda standi málefnið henni og Elvari Bragasyni afar nærri. Gestir mega eiga von á kraftmikilli tónlistarveislu þar sem kunnugleg andlit stíga á svið ásamt nýjum flytjendum og þremur heiðursgestum. -
Ný rannsóknarstofa EFLU á Akureyri tekur til starfa
EFLA hefur opnað nýja rannsóknarstofu á Akureyri þar sem boðið verður upp á sérhæfða greiningu á myglusýnum og ráðgjöf við túlkun niðurstaðna. -
Grýtubakkahreppur Sundlaugamenning í tali og tónum
Viðburðurinn Sundlaugamenning í Grýtubakkahreppi í tali og tónum og verður haldinn í Sundlaug Grenivíkur annað kvöld, fimmtudagskvöld, 10. september, og hefst klukkan 19:30. -
Ferðaþjónustunni hent fyrir rútu hallalausra fjárlaga
Frumvarp ríkisstjórnar Kristrúnar Frostadóttur um fjárlög fyrir árið 2027 liggur nú fyrir. Það hefur vart farið framhjá neinum. Ríkisstjórnin hreykir sig af því við hvert tækifæri sem gefst að hallarekstur ríkissjóðs verði stöðvaður á næsta ári. Það markmið eitt og sér er gott og gilt, og skiptir svo sannarlega máli, aftur á móti er alls ekki sama hvaða leið er farin að því að skila hallalausum fjárlögum. Sú leið sem ríkisstjórnin kýs nú ótrauð að feta vekur ugg svo vægt sé til orða tekið enda birtast í frumvarpinu skattahækkanir ofan á skattahækkanir.
