Sniðgangan gengin í þriðja sinn
Sniðgangan 2026 verður gengin á morgun laugardag
Sniðgangan 2026 verður gengin á morgun laugardag og hefst hún klukkan 14:00. Einkunnarorð göngunar í ár eru: Sniðgöngum öll. Farið verður frá Háskólann á Akureyri og er gengið að Ráðhústorgi þar sem verður eftirfarandi dagskrá við göngulok.
Ræða frá fulltrúa Stúdentafélags Háskólans á Akureyri. *
Svavar Knútur flytur tónlist
Kveðjur frá Gaza - Oddný Björg Rafnsdóttir les
Hamza Abukamleh leiðir okkur í Dabke hópdans
Félagið Ísland-Palestína og Vonarbrú verða með söluborð.
Núna er heilt ár síðan íslensk stjórnvöld tilkynntu afar máttlausar aðgerðir gegn Ísrael. En ástandið á Gaza er þyngra en tárum taki og staðan á Vesturbakkanum versnar dag frá degi. Til að sýna stjórnvöldum að þau þurfa að ganga miklu lengra og til að efla vitundarvakningu um sniðgöngu þá komum við saman í samstöðu með Palestínu í Sniðgöngunni. Gengið verður gengin á sama tíma á höfuðborgarsvæðinu og á Akureyri.
Hvetjum þau sem hafa tök á að mæta með fána, klúta og skilti. Þetta er í 3. sinn sem Sniðgangan fer fram bæði á höfuðborgarsvæðinu og Akureyri. Við mælum með vefsíðunni https://snidganga.is/ fyrir þau sem vilja kynna sér hvað sniðganga gengur út á.
Gangan er samstarf sniðgönguhreyfingarinnar BDS Ísland / BDS Iceland*, Félagsins Ísland-Palestína, góðgerðarfélagsins Vonarbrúar, Dýrsins - félags um réttinn til að mótmæla, Háskólafólks fyrir Palestínu og Stúdentafélags Háskólans á Akureyri. *BDS Ísland / BDS Iceland – BDS stendur fyrir Boycott, Divestment and Sanctions og er íslenskur angi alþjóðlegu BDS-hreyfingarinnar Boycott, Divestment and Sanctions (BDS) Movement: www.BDSmovement.net
Frá þessu segir i tilkynningu.
Nýjast
-
Möl og sandur 80 ára: Starfsemin komin á nýjan stað
Möl og sandur fagnaði fyrr á árinu 80 ára afmæli. Starfsemi fyrirtækisins sem lengst af var við Súluveg hefur verið flutt að Sjafnarnesi. Gestum er boðið að kynna sér starfsemina á morgun, laugardag. -
Sniðgangan gengin í þriðja sinn
Sniðgangan 2026 verður gengin á morgun laugardag og hefst hún klukkan 14:00. Einkunnarorð göngunar í ár eru: Sniðgöngum öll. Farið verður frá Háskólann á Akureyri og er gengið að Ráðhústorgi þar sem verður eftirfarandi dagskrá við göngulok. -
Ný vatnslögn styrkir kerfið og bætir brunavarnir
Orkuveita Húsavíkur vinnur að lagningu um 480 metra langrar vatnslagnar frá Grundargarði, um Stóragarð og að Miðgarði. Lögnin er viðbót við núverandi vatnsveitukerfi og er ætlað að auka rekstraröryggi þess og bæta brunavarnir á svæðinu. Áætlaður kostnaður við framkvæmdina er um tólf milljónir króna -
Dvergaholt - Skilyrði fyrir endurupptöku ekki uppfyllt
Bæjarráð Akureyrar hefur farið yfir álit bæjarlögmanns um heimild til endurupptöku málsins er varðar gegnumakstur um Dvergaholt á Akureyri. Beiðni um endurupptöku barst nýverið og vísað var þar til . 24. gr. Stjórnsýslulaga. Að mati bæjarráðs eru ekki uppfyllt skilyrði laganna fyrir endurupptöku málsins og er erindi um endurupptöku er því hafnað. Heimilt er að bera ákvörðun um að synja um endurupptöku til úrskurðarnefndar umhverfis- og auðlindamála innan mánaðar frá því að ákvörðun var birt aðila máls -
Áhyggjur vegna Kristnesspítala en fagnar framkvæmdum við SAk
Bæjarstjórn Akureyrar mun fylgjast vel með allri stefnumótun um framtíðarskipan starfsemi á Kristnesspítala og taka virkan þátt í þeirri umræðu með hagsmuni sjúklinga og aðstandenda þeirra að leiðarljósi, segir í bókun bæjarstjórnar. -
Götugangan fer fram á sunnudaginn
Genginn verður tæplega 5 km leið meðfram Pollinum og eru göngugarpar á öllum aldri velkomnir. Þátttaka er ókeypis. -
Vatnslitahátíð Íslands - Viðbrögð fram úr björtustu vonum
Til landsins koma fimm heimsþekktir listamenn sem hafa helgað ævistarf sitt vatnslitum en þeir eru Björn Bernström frá Svíþjóð, Nicolás Lopez frá Perú, Julia Ustinovich frá Póllandi, Prafull Sawant frá Indlandi og Julia Barminova frá Portúgal. Allt þetta fólk verður með sýnikennslu í Listasafninu fyrir hátíðargesti og heldur einnig námskeið annars staðar í bænum. Uppselt er á námskeið þeirra allra. -
Fræhöll rís í Vaglaskógi
Uppsetning á stóru gróðurhúsi í Vaglaskógi er nú í fullum gangi og er stefnt að því að það verði að mestu tilbúið að utan nú í vikunni. Húsið gerir kleift að auka verulega framleiðslu á fræi lerkiblendingsins Hryms auk þess sem það eykur möguleika á öðru kynbótastarfi hjá Landi og skógi. -
Samstaða gegn sölu flugstöðvarinnar
Markþing, hagsmunasamtök fyrirtækja í ferðaþjónustu og verslun á Húsavík og nágrenni, og Framsýn stéttarfélag hafa bæði lýst eindreginni andstöðu við fyrirhugaða söluheimild á byggingum Húsavíkurflugvallar. Samtökin telja að sala flugstöðvarinnar myndi veikja stöðu flugvallarins og ganga gegn langtímahagsmunum samfélagsins.
