Möl og sandur 80 ára: Starfsemin komin á nýjan stað
Ný steypustöð og mun afkastameiri en sú sem fyrir var hefur verið tekin í notkun á nýjum stað við Sjafnarnes.
Möl og sandur hefur í 80 ára tekið þátt í uppbyggingu á Norðurlandi. Fyrirtækið sem hefur haft bækistöðvar við Súluveg 2 flutti starfsemi sína á liðnu sumri að Sjafnarnesi 12.
Fyrirtækið Möl og sandur var stofnað í maí árið 1946 í þeim tilgangi að starfrækja sandnám og versla með sand og möl. Félagið fékk lóð við Súluveg undir starfsemi sína á árinu 1956 og var starfandi þar alla tíð þar til full var í Sjafnarnes.
Ný steypustöð var keypt og hefur verið tekin í notkun en afkastageta hennar er ríflega helmingi meiri en þeirrar sem fyrir var.
Í tilefni af flutningum og 80 ára afmæli gefst viðskiptavinum, samstarfsaðilum, fyrrverandi starfsmönnum sem og öðrum áhugasömu að líta við og skoða nýja aðstðu við Sjafnarnes, en opið verður á morgun laugardaginn 12. september frá kl. 13 til 16.
Nýjast
-
Möl og sandur 80 ára: Starfsemin komin á nýjan stað
Möl og sandur fagnaði fyrr á árinu 80 ára afmæli. Starfsemi fyrirtækisins sem lengst af var við Súluveg hefur verið flutt að Sjafnarnesi. Gestum er boðið að kynna sér starfsemina á morgun, laugardag. -
Sniðgangan gengin í þriðja sinn
Sniðgangan 2026 verður gengin á morgun laugardag og hefst hún klukkan 14:00. Einkunnarorð göngunar í ár eru: Sniðgöngum öll. Farið verður frá Háskólann á Akureyri og er gengið að Ráðhústorgi þar sem verður eftirfarandi dagskrá við göngulok. -
Ný vatnslögn styrkir kerfið og bætir brunavarnir
Orkuveita Húsavíkur vinnur að lagningu um 480 metra langrar vatnslagnar frá Grundargarði, um Stóragarð og að Miðgarði. Lögnin er viðbót við núverandi vatnsveitukerfi og er ætlað að auka rekstraröryggi þess og bæta brunavarnir á svæðinu. Áætlaður kostnaður við framkvæmdina er um tólf milljónir króna -
Dvergaholt - Skilyrði fyrir endurupptöku ekki uppfyllt
Bæjarráð Akureyrar hefur farið yfir álit bæjarlögmanns um heimild til endurupptöku málsins er varðar gegnumakstur um Dvergaholt á Akureyri. Beiðni um endurupptöku barst nýverið og vísað var þar til . 24. gr. Stjórnsýslulaga. Að mati bæjarráðs eru ekki uppfyllt skilyrði laganna fyrir endurupptöku málsins og er erindi um endurupptöku er því hafnað. Heimilt er að bera ákvörðun um að synja um endurupptöku til úrskurðarnefndar umhverfis- og auðlindamála innan mánaðar frá því að ákvörðun var birt aðila máls -
Áhyggjur vegna Kristnesspítala en fagnar framkvæmdum við SAk
Bæjarstjórn Akureyrar mun fylgjast vel með allri stefnumótun um framtíðarskipan starfsemi á Kristnesspítala og taka virkan þátt í þeirri umræðu með hagsmuni sjúklinga og aðstandenda þeirra að leiðarljósi, segir í bókun bæjarstjórnar. -
Götugangan fer fram á sunnudaginn
Genginn verður tæplega 5 km leið meðfram Pollinum og eru göngugarpar á öllum aldri velkomnir. Þátttaka er ókeypis. -
Vatnslitahátíð Íslands - Viðbrögð fram úr björtustu vonum
Til landsins koma fimm heimsþekktir listamenn sem hafa helgað ævistarf sitt vatnslitum en þeir eru Björn Bernström frá Svíþjóð, Nicolás Lopez frá Perú, Julia Ustinovich frá Póllandi, Prafull Sawant frá Indlandi og Julia Barminova frá Portúgal. Allt þetta fólk verður með sýnikennslu í Listasafninu fyrir hátíðargesti og heldur einnig námskeið annars staðar í bænum. Uppselt er á námskeið þeirra allra. -
Fræhöll rís í Vaglaskógi
Uppsetning á stóru gróðurhúsi í Vaglaskógi er nú í fullum gangi og er stefnt að því að það verði að mestu tilbúið að utan nú í vikunni. Húsið gerir kleift að auka verulega framleiðslu á fræi lerkiblendingsins Hryms auk þess sem það eykur möguleika á öðru kynbótastarfi hjá Landi og skógi. -
Samstaða gegn sölu flugstöðvarinnar
Markþing, hagsmunasamtök fyrirtækja í ferðaþjónustu og verslun á Húsavík og nágrenni, og Framsýn stéttarfélag hafa bæði lýst eindreginni andstöðu við fyrirhugaða söluheimild á byggingum Húsavíkurflugvallar. Samtökin telja að sala flugstöðvarinnar myndi veikja stöðu flugvallarins og ganga gegn langtímahagsmunum samfélagsins.
