Fréttir

„Það má segja að þetta hafi allt saman gerst alveg óvart,“ segir Jóhanna S. Ingólfsdóttir höfundur verksins Bangsímon og Grislingur í jólasveinaleit sem Freyvangsleikhúsið frumsýnir á morgun, föstudaginn 17. nóvember í Freyvangi. Jóhanna er einnig leikstjóri.

Jóhanna segir að Freyvangsleikhúsið hafi sett upp aðventusýningu í fyrra og hafi hún heppnast einkar vel, en verkið var um þá bræður Karíus og Baktus, hún leikstýrði og tveir stjórnarmenn léku bræðurnar.  „Við höfðum nýlega tekið við rekstri Freyvangs og þurfum að sníða okkur stakk eftir vexti, þetta mátti ekki kosta of mikið þannig að við gengum í öll verk,“ segir hún og sama staða er uppi á teningnum nú.

Síðastliðinn laugardag voru fulltrúar Velferðarsjóðs Eyjafjarðarsvæðis á Glerártorgi að selja velferðarstjörnuna. Stjarnan er fallegt jólaskraut sem Kristín Anna og Elva Ýr, verkefnastjórar markaðsmála á Glerártorgi, hönnuðu. Slippurinn framleiðir skrautið fyrir sjóðinn og öll innkoma fer í velferðarsjóðinn. 

Á næstu dögum er Akkúrat öfugt 2 væntanleg í bókabúðir. Bókin er önnur í bókaflokknum um líflegu og skemmtilegu sögupersónuna, Akkúrat öfugt. Bókaflokkurinn er samvinnuverkefni okkar hjóna.

Alþingi hefur nú til eins og kunnugt er og Vikublaðið hefur greint frá til meðferðar þingsályktunartillögu Njáls Trausta Friðbertssonar  (D) sem hann flutti ásamt 16 öðrum þingmönnum um auknar fjárveitingar til LHS svo hægt  verði að staðsetja  björgunarþyrlu á Akureyri.  Boðað var til fundar um málið og fór hann fram f í gærkvöldi. Óhætt að segja á mikil áhugi hafi verið fyrir fundinum og mæting var eftir  því góð en nokkuð á annað hundrað manns mætti.

,,Við erum samkv FSRE með verklok í vor eða nálægt byrjun sumars ef allt gengur eftir með þennan fasa. Þá á eftir að taka afstöðu til frekari framkvæmda við aðra þætti hússins sem eru í farvatninu. Sannarlega gleðifréttir"  sagði Teitur Guðmundsson forstjóri Heilsuverndar  hjúkrunarheimila í samtali við vefinn í morgun.

Gusgus mun halda tónleika í Menningarhúsinu Hofi 26. október 2024!

Hér eftir mun líf mitt alltaf verða - fyrir og eftir rýmingu Grindavíkur. Atburðurinn sem stendur yfir verður hluti af örlögum okkar sem þar búum.

Fræðslu- og lýðheilsuráð hefur fyrir sitt leyti samþykkt að endurvekja skólahald í Grímsey á vorönn 2024 að því gefnu að þrír nemendur hefji þar skólagöngu. Endurmeta á stöðuna í maí á næsta ári.

Verðskrá Norðurorku hækkar um áramót á bilinu frá 6,6% og upp í 12%. Norðurorka rekur fráveitu, vatnsveitu, rafveitu og hitaveitu.

Heilsu -og sálfræðiþjónustan heldur úti öflugu hlaðvarpi en að bakvið það stendur fagfólk hjá fyrirtækinu.  Starfsmenn Heilsu og sálfræðiþjónustunnar hafa víðtæka reynslu,  kunna vel til verka og fræða hlustendur um ýmis málefni sem tengjast  heilbrigði. 

14.nóvember ár hvert er alþjóðlegur dagur sykursýki. Sykursýki er langvinnur sjúkdómur sem leiðir til of mikils sykurs (glúkósa) í blóðinu þegar líkaminn getur ekki brotið niður sykur á eðlilegan hátt.

Akureyrarbær og Bergið Headspace hafa gert með sér samstarfssamning sem felur í sér aukna þjónustu við ungt fólk sem þarf stuðning og ráðgjöf, þróun á geðheilbrigðisþjónustu við ungt fólk, þjónustu sem byggir á snemmtækri íhlutun.

 Fulltrúar Auðlindadeildar tóku á dögunum á móti 15 gestum á vegum Sjávarútvegsskóla GRÓ Þekkingarmiðstöðvar Þróunarsamvinnu. [SJÁH1] Skólinn var áður undir merkjum Háskóla Sameinuðu þjóðanna og færðist þaðan árið 2020 yfir í Sjávarútvegsskólann GRÓ sem rekinn er af Utanríkisráðuneytinu sem hluti af þróunarsamstarfi Íslands.  

Lið Heilsuverndar Hjúkrunarheimila stóð sig vel  í hjólkeppninni Road World for Seniors sem fram fór nýverið en liðið endaði í sjöunda sæti.

Heilsuvernd Hjúkrunarheimili tóku þátt líkt og undanfarin ár en það er starfsfólk sjúkraþjálfunar sem heldur utan um þátttakendur og skipulag. Markmið keppninnar er að hvetja fólk til að auka hreyfingu og þá sérstaklega með því að hjóla. Hjúkrunarheimilin hafa verið mjög framarlega í keppninni í mörg ár og hefur verið mikill metnaður og keppnisskap hjá þátttakendum og skipuleggjendum.

Ástæðan fyrir því að þessi bók var skrifuð.  ,,Hin síðari ár hefur mér sífellt verið hugsað til lífshlaups móður minnar sem sex
ára gömul hafði misst báða foreldra sína og hreppurinn setti niður hjá ókunnu fólki á Stokkseyri fyrir tæpum eitt hundrað árum,"  segir Ingólfur Sverrisson, höfundur bókarinnar.

Á laugardaginn var haldið upp á Fiskehátíðina í Grímsey, eins og siður er ár hvert.  Boðið var upp á girnilegt kvöldverðarhlaðborð í félagsheimilinu Múla og síðan slegið upp balli. Alls dvelja tæplega 30 manns út í eyju um þessar mundir og fögnuðu deginum saman. 

„Við stefnum að því að ljúka verkinu í júní árið 2024,“ segir Sigurður Gunnarsson verkefnastjóri nýframkvæmda hjá Akureyrarbæ um framkvæmdir við nýjar kirkjutröppur við Akureyrarkirkju. Samkvæmt verksamningi átti að ljúka framkvæmdum um miðjan október síðastliðinn, en ljóst þykir nú að sú áætlun hafi verið of bjartsýn.

Helga Dögg Sverrisdóttir, grunnskólakennari skrifar

Það hefur ekki farið framhjá  einum einasta manni að hamfarir ganga yfir í og við Grindavík sem m.a hafa leitt til þess að í þriðja sinn sem sögur fara af  hér á landi þurfti að rýma heilt bæjarfélag.  Óhætt er að fullyrða að hugur landsmanna sé til Grindvíkinga. 

Ásthildur Sturludóttir  bæjarstjóri sendir kveðjur til Grindvíkinga á heimasíðu  Akureyrarbæjar í morgun,  Þar segir Ásthildur  m.a. ,,Ég held að við getum öll sett okkur í spor fólksins í Grindavík sem að þurfti að yfirgefa heimili sín í flýti og óvissu og halda út í nóttina, vitandi ekki hvenær mögulegt verður að snúa til baka."

Sveitarstjórn Svalbarðsstrandarhrepps lýsir yfir þungum áhyggjum af stöðu bænda og íslensks landbúnaðar vegna mikilla kostnaðarhækkana á aðföngum og vegna íþyngjandi vaxtakostnaðar á skuldsettum búum.

Landbúnaður er stór atvinnugrein í sveitarfélaginu og mikilvægt að matvælaframleiðslu séu skapaðar öruggar rekstraraðstæðursegir í bókun sem samþykkt var á fundi sveitarstjórnar. Breytingar á reglugerðum og lagaumhverfi síðustu ára er lúta að aðbúnaði hefur knúið bændur til að fara í tugmilljóna fjárfestingar með tilheyrandi fjármagnskostnaði. Í núverandi vaxtaumhverfi er enginn hvati til nýliðunar sem er grafalvarleg staða. Sauðfjárbændur hafa jafnframt í áratugi þurft að glíma við erfið rekstrarskilyrði sem hefur leitt til mikillar fækkunar í þeirri starfsgrein.

Bæjarráð Akureyrar tekur undir áskorun frá Skógræktarfélagi Eyfirðinga varðandi trjágróður í nýjum hverfum bæjarins. SE hafði skorað á bærinn að huga betur að gróðursetningu trjágróðurs í nýjum og nýlegum hverfum bæjarins, t.d. samsíða akbrautum og á grænum svæðum

Fjölskylda í Björgunarveitinni Garðari á Húsavík - Rætt er við feðginin  Júlíus Stefánsson og Júlíu Sigrúnu.

,,Ég tel mjög mikilvægt að komið verði á laggirnar fjölskylduhúsi á Akureyri Með þess konar úrræði er hægt að grípa mun fyrr inn í einstök mál barna í viðkvæmri stöðu, fjölga úrræðum og bæta þá þjónustuna. Með þessu úrræði væri einnig í einhverjum tilvikum hægt aðkoma í veg fyrir að grípa þurfi til lengri vistunar eða meðferðar,“ segir Hulda Elma Eysteinsdóttir formaður Velferðarráðs á Akureyri.

Framkvæmdir við kaupfélagshúsið á Húsavík ganga vel

Hafin er sala á ferskum Landlaxi og ferskri Landbleikju frá Samherja fiskeldi á íslenskum neytendamarkaði undir eign nafni. Samherji fiskeldi starfrækir einungis landeldsstöðvar og kemur að öllum stigum eldis og vinnslu á laxi og bleikju, allt frá hrognum til neytenda.

Neytendur vel upplýstir – Allar stöðvar með alþjóðlegar vottanir

Birgir Össurarson sölu- og markaðsstjóri Ice Fresh Seafood, sem annast sölu afurða Samherja, segir þetta ánægjuleg tímamót.

„Við teljum skynsamlegt að merkja vöruna sem best og undirstrika þannig gæða íslenskan Landlax og íslenska Landbleikju. Síðast en ekki síst viljum við að neytendur séu vel upplýstir um uppruna vörunnar, framleiðsluhætti og fleiri mikilvæga þætti. Samherji fiskeldi hefur framleitt landeldisfisk í um tvo áratugi. Allar stöðvar fyrirtækisins eru með alþjóðlegar vottanir og einungis er notast við gæða fóður í eldinu og öllum þáttum er stýrt með það að leiðarljósi að tryggja bestu mögulegu eldisaðstæður fyrir fiskinn. Sala á laxi og bleikju á kröfuhörðum alþjóðlegum mörkuðum hefur gengið vel og ég er sannfærður um að neytendur fagna þessum áherslubreytingum,“ segir Birgir Össurarson sölu- og markaðsstjóri Ice Fresh Seafood.

Sala hafin í verslunum

Ferskur Landlax og fersk Landbleikja frá Samherja fiskeldi fást nú þegar í nokkrum verslunum og fleiri bætast við á næstu dögum. Norðanfiskur ehf á Akranesi annast dreifingu þessara afurða.

Fyrr í dag var eftirfarandi ályktun frá Stéttarfélögunum í Alþýðuhúsinu á Akureyri send á Akureyrarbæ; bæjarstjóra og bæjarfulltrúa og fjölmiðla.