Gunnar Líndal oddviti L-listans við síðustu sveitarstjórnarkosningar hefur ákveðið að láta af störfum sem bæjarfulltrúi á Akureyri. Ástæðan er breyttar forsendur en Gunnar starfar sem forstöðumaður rekstrar á Sjúkrahúsinu á Akureyri og mun fyrir hönd sjúkrahússins leiða byggingu nýrrar legudeildarálmu sem ljóst varð nýlega að fer í gang af fullum krafti á næstunni
„Ég myndaði fyrst fálka við hreiður í Mývatnssveit sumarið 2000 og varð þá gjörsamlega heillaður af þessum fugli ásamt því stórbrotna landslagi sem hann lifir í á Norðurlandi. Ég myndaði síðan fálka af og til næstu árin en það var ekki fyrr en árið 2009 að sú hugmynd að gera bók kviknaði,“ segir Daníel Bergmann ljósmyndari og höfundur bókarinnar Fálkinn, en hún er nýkomin út. Daníel býður áhugasömum upp á fyrirlestur í Safnaðarheimili Akureyrarkirkju í dag, fimmtudaginn 17. nóvember og hefst hann kl. 20.
Í fyrirlestrinum sýnir hann myndir úr bókinni og fjallar um tilurð þeirra. Hann segir sögur nokkurra fugla sem við sögu koma og fjalla einnig um sögu fálkaljósmyndunar fyrir sinn tíma. Áhugasamir geta orðið sér úti um áritað eintak af bókinni.
Lögreglan á Norðurlandi eystra sendi nú á hádegi frá sér uppfærðar upplýsingar vegna aurskriðu sem féll á Grenivikurveg snemma í morgun.
Þar segir:
,,Uppfærsla kl. 12:00 vegna aurskriðu á Grenivíkurvegi.
Eftirlitsmaður frá Veðurstofunni hefur verið að störfum í morgun á vettvangi þar sem aurskriða féll á Grenivíkurveg. Lögreglan hefur tekið þátt í vinnunni með dróna sem hefur verið notaður til að mynda umfang skriðunnar og einnig flogið yfir hlíðar fjallsins til að safna gögnum fyrir sérfræðinga Veðurstofunnar. Gert er ráð fyrir að þessi rannsóknarvinna muni standa fram í myrkur. Gögnin verða notuð til að meta líkur á frekari aurskriðum og í framhaldi af því verða teknar ákvarðanir um hvort óhætt sé að ryðja aurnum af veginum og opna hann fyrir umferð. Hann er því lokaður enn um sinn en minnt á hjáleið um Dalsmynni".
Fjárfestingafélagið Kaldbakur ehf. tók í gær formlega við Landsbankahúsinu við Ráðhústorg á Akureyri. Eiríkur S. Jóhannsson framkvæmdastjóri Kaldbaks og stjórnarformaður Samherja hf. undirritaði kaupsamninginn en sjö tilboð bárust í húsið og var tilboð Kaldbaks hæst. Ákveðið hefur verið að gera rekstur og fjárfestingar Kaldbaks sjálfstæðan.
Á heimasíðu Golfklúbbs Akureyrar eru að finna upplysingar um aðsókn á völlinn í sumar og er óhætt að fullyrða að Jarðarsvöllur er gríðarlega vinsæll. S.l sumar það þriðja besta í aðsókn frá þvi að mælingar hófust og það þrátt fyrir að tíðarfarið hafi vel mátt vera betra.
Þeir tóku daginn snemma starfsmenn Umhverfismiðstöðvar Akureyrarbæjar liklega með mæltækið sem vitnað er í hér fyrir ofan i huga og voru önnum kafnir við að reisa jólatréð það sem prýða mun Ráðhústorg á komandi aðventu og jólum í ljósaskiptunum í morgun.
Kl. 05:43 barst lögreglunni á Norðurlandi eystra tilkynning frá vegfarenda um Grenivíkurveg um að hann hefði ekið inn í aurskriðu og við það hafnað utan vegar. Með ökumanninum voru tveir farþegar og sakaði engan. Lögregla fór á staðinn og lokaði veginum og bjargaði fólkinu til Akureyrar. Skriðan er á veginum skammt sunnan við bæinn Fagrabæ. Það er erfitt að meta umfang skriðunnar í myrkrinu en við fyrstu sýn áætluðu lögreglumenn að hún gæti náð yfir 50-70 metra kafla á veginum og gæti verið allt að meters þykk.
Vegurinn er lokaður frá afleggjaranum við Víkurskarð og að veginum í Dalsmynni. Dalsmynni er opið og unnt að nota það sem hjáleið.
Lögreglan er í sambandi við ofanflóðavakt Veðurstofunnar. Í birtingu verður lagt mat á aðstæður og hvort hætta er á frekari skriðuföllum. Þangað til það mat hefur farið fram verður vegurinn lokaður. Haft hefur verið samband við íbúa bæja inni á lokunarkaflanum og þeir upplýstir um stöðu mála.
Við setjum inn uppfærslu hér á síðunni þegar unnt verður að opna veginn.
Segir á Facebooksíðu lögreglunnar
Píramus og Þispa frumsýnir Wake Me Up Before You Go Go í Samkomuhúsinu á Húsavík í kvöld
Sú staða sem birtist í nýlegri fjárhagsáætlun meirihluta bæjarstjórnar Akureyrarbæjar sýnir helstu áherslur og forgangsmál meirihlutans. Augljóst er að lögbundin hlutverk sveitarfélagsins taka hvað mest af fjármunum, enda höfum við sem samfélag bundið í lög og sammælst um ákveðna grunnþætti og mannréttindi sem við viljum standa vörð um.
Þar á meðal er þjónusta við fatlað fólk og fólk sem þarf á stuðningi sveitarfélagsins að halda, t.d. með aðgengi að félagslegu leiguhúsnæði.
Er mögulegt að nýta ullina af íslensku sauðkindinni í einangrun húsa – í stað steinullar? Þessi spurning vaknaði í kolli nemenda í kvöldskóla Verkmenntaskólans á Akureyri í húsasmíði en þeir ásamt kennurum í byggingadeild heimsóttu þau Theodór Kr. Gunnarsson og Juliu Gunnarsson sem eru að byggja sér tæplega 185 fermetra einbýlishús í landi Bjarkar í Eyjafjarðarsveit, sem þau kalla Vörðu.
Þessar mögnuðu myndir sem hér fylgja og eru í eigu Iðnaðarsafnsins tóna vel við fyrirsögnina að ofan en sú er fengin út texta eftir Ómar Ragnarsson Svona er á síld.
Nonnahátíð verður haldin í Nonnahúsi næstu daga og hefst dagskráin í dag , á Degi íslenskrar tungu, sem jafnframt er afmæli barnabókarithöfundarins Jóns Sveinssonar, Nonna. Deginum deilir hann með Jónasi Hallgrímssyni en á milli þeirra voru 50 ára.
Starfsfólk Plastiðjunnar Bjargs-Iðjulundar (PBI) er nú önnum kafið við að dýfa veislukertum og steypa sín margrómuðu útikerti
Á heimasíðu Samherja er þessa frétt að finna nú í morgun. ,,Fiskveiðiheimildir Samherja og Útgerðarfélags Akureyringa í bolfiski skerðast verulega á nýju fiskveiðiári sem hófst 1. september, sérstaklega í þorski og gullkarfa. Þorskurinn er verðmætasta fisktegundin við Ísland og meginuppistaðan í veiðum og vinnslu. Því er ljóst að á yfirstandandi fiskveiðiári verður mikil áskorun að halda úti fullri starfsemi í fiskvinnsluhúsum félaganna. Miðað við fiskveiðiárið 2020/21 hafa veiðiheimildir félaganna í þorski dregist saman um nærri fimmtung, eða um 3.800 tonn."
Sveiflukóngurinn Geirmundur heldur uppi stuðinu
Segja má að veðurspá þessarar viku ættuð frá Veðurstofu Íslands tóni afskaplega vel við langtíma spá sem við gerðum að yrkisefni hér á vefnum s.l. laugardag. Það er mjög nálægt þvi að grípa megi til fransans fræga ,,einmuna tíð“. Þeir svartsýnu hugsa að þetta sé nú eitthvað brogað og ,,hann muni sko heldur betur láta til sín taka þegar hann loksins brestur á“ Þetta þá sagt með miklum þunga sem hæfir þessum orðum.
Vegna upptöku á sjónvarpsþætti í jóladagskrá RÚV verður Hafnarstrætið lokað frá gatnamótunum við Kaupvangssstræti og að Ráðhústorgi frá kl. 19 mánudaginn 14. nóvember til kl. 19 þriðjudaginn 15. nóvember.
Kynna hugmyndir um lífhreinsistöð á stórþara á Húsavík
Hjólakeppninni World Road for Seniors
„Þetta er stærsta og dýrasta einstaka tækið sem við höfum safnað fyrir,“ segir Jóhannes Bjarnason formaður Hollvinasamtaka Sjúkrahússins á Akureyri. Samtökin fagna 10 ára afmæli sínu á næsta ári og ætla í tilefni af því að gefa SAk nýtt tæki, hryggsjá sem ekki er til hér á landi. Tækið kostar um 40 milljónir króna.
Veðurvefurinn www.blika.is birtir i morgun nýja langtimaveðurspá frá Evrópsku reiknimiðstöðinni en langatíma spár frá þeim bæ hafa staðist glettilega vel, skrifara stundum til ánægju, stundum til pirrings eftir atvikum.
„Þetta var æðislegt, ótrúlega skemmtilegt og fyndið og það er valinn maður í hverju rúmi,“ segir Marta Nordal leikhússtjóri
Heilsu- og sálfræðiþjónustan á Akureyri
Af þeim 15 sveitarfélögum sem komust á lista í könnuninni sveitarfélags ársins 2022 voru sex á félagssvæði Kjalar stéttarfélags. Af þeim fékk Skagaströnd flest stig eða 4,037 en stigafjöldi í könnuninni var að meðaltali 3.982.
Kjölur stéttarfélag stóð ásamt níu öðrum bæjarstarfsmannafélögum að gerð könnunarinnar sveitarfélag ársins en spurningar í könnuninni voru lagðar fyrir félagsfólk stéttarfélaganna í strörfum hjá sveitarfélögum síðastliðið vor. Könnunin var gerð í samstarfi við Gallup og er byggð upp með hliðstæðum hætti og útnefningar fyrirtækis ársins og stofnunar ársins byggja á. Útnefning sveitarfélags ársins verður hér eftir árleg.
Árni Logi Sigurbjörnsson hefur starfað sem meidýraeyðir í 43 ár. Hann segist aldrei hafa séð jafn mikið af músagangi og um þessar mundir. Hann segir músina vera mikinn skaðvald þrátt fyrir meinleysilegt og krúttlegt útlit og það sé brýnt að gera ráðstafanir með eigur sínar.
Í dag, 11. nóvember, er haldið upp á fæðingardag velgjörðarmanns Grímseyinga, Bandaríkjamannsins Daniels Willards Fiske, en sá dagur er ávallt haldinn hátíðlegur í Grímsey.