Fréttir

Brynjar Helgi Ásgeirsson er nýr forstöðumaður í Hlíðarfjalli en senn styttist í opnun og því í mörg horn að líta hjá nýjum forstöðumanni. Brynjar er nýlega tekinn við og hefur verið að koma sér inn í starfið undanfarna daga. Hann var áður eigandi og einn af þjálfurum hjá CrossFit Hamar, en hreyfing og útivist er eitt af helstu áhugamálum Brynjars sem er Norðlendingur vikunnar. Vikublaðið fékk hann til svara nokkrum spurningum um nýja starfið og sjálfan sig. „Það leggst mjög vel í mig. Starfið er krefjandi á marga vegu og tekur alltaf tíma að komast inn í hlutina. Nú eru liðnar tvær vikur síðan ég byrjaði og hér er frábært starfsfólk sem hefur aðstoðað mig mikið í að koma mér inn í starfsemina.“

Tafir hafa orðið á framkvæmdum við byggingu raðhúsa í Grundargarði en það er Faktabygg sem byggir í samstarfi við Búfesti. Faktabygg í Noregi stofnaði árið 2018 dótturfélagið Faktabygg ehf. ásamt Árna Grétari Árnasyni sem er framkvæmdastjóri íslenska félagsins. Um er að ræða tvö raðhús, hvort með sex íbúðum. Svo virðist vera sem útreikningar norskra verkfræðinga hafi ekki gert ráð fyrir að Húsavík liggur á einu virkasta jarðskjálftasvæði landsins.

Ellefu greindust með kórónuveirusmit innanlands í gær, öll á höfuðborgarsvæðinu.

Á Norðurlandi eystra er atvinnuleysi komið upp í 6,8%, 590 karlar og 454 konur.

Verkefnisstjórn Gaums sækir árlega upplýsingar til Þjóðskrár um þróun leiguverðs á Húsavík. Upplýsingar um leiguverð byggja á þinglýstum leigusamningum hvert ár.

„Ég heiti Magni Rúnar Magnússon og er framreiðslu- og rafvirkjameistari að mennt. Í dag er ég í námi í kennslufræði iðnmeistara í H.Í. og er að kenna á rafiðnaðarbraut í Verkmenntaskólanum á Akureyri,“ segir Magni sem hefur umsjón með Matarhorninu þessa vikuna. „Þegar ég er að brasa í eldhúsinu legg ég áherslu á að hafa matreiðsluna einfalda og að hráefnið sem ég er að vinna með fái að njóta sín. Ekki skemmir fyrir ef maður hefur aflað þess sjálfur við veiðar. Verði ykkur að góðu.“

Síðustu daga hefur verið unnið að uppfærslu á gögnum um skiptingu íbúa eftir uppruna í sveitarfélögunum fjórum sem vöktun á vettvangi Gaums. Á því tímabili sem vöktunin nær til hefur orðið umtalsverð breyting á fjölda þjóðerna. Árið 2011 bjuggu 190 íbúar í Norðurþingi, Skútustaðahreppi og Tjörneshreppi sem voru af öðrum uppruna en íslenskum. Alls komu þeir frá 18 þjóðlöndum. Pólverjar voru fjölmennastir eða 122 og Þjóðverjar næstir ekki nema 13 talsins. Fjöldi íbúa af öðrum þjóðernum en var lítill eða frá einum og upp í sex manns.

Samkvæmt upplýsingum blaðsins útskrifaðist síðasti sjúklingurinn á laugardaginn var.

Katrín Sigurjónsdóttir sveitastjóri í Dalvíkurbyggð segir mikið hafa gengið á í sveitarfélaginu á árinu sem senn er á enda. Óveður, kórónuveiran og jarðskjálftar hafa gert bæjarbúum lífið leitt. Dalvíkingar lentu illa í þriðju bylgju kórónuveirunnar en um tíma voru um 10% bæjarbúa sóttkví. Dalvíkurbyggð slapp nokkuð vel í fyrstu bylgjunni en í þriðju bylgjunni hafa 25 manns veikst í sveitarfélaginu. „Það má segja að frá óveðrinu í desember og fram til dagsins í dag hafi árið reynt verulega á þolrifin hjá íbúum. Ég finn það líka að óveðrið og ófærð síðasta vetrar situr ennþá í mörgum og einhverjir kvíða komandi vetri. En í öllum þeim áföllum sem hafa dunið yfir samfélagið á árinu hefur samstaða, samkennd og einhugur einkennt íbúa Dalvíkurbyggðar

Útlit er fyrir að PCC BakkiSilicon muni ræsa verksmiðju sína á Húsavík að nýju með vorinu miðað við upplýsingar úr tilkynningu sem fyrirtækið sendi frá sér fyrir skemmstu. Til stendur að ráða fleiri starfsmenn að nýju upp úr áramótum, gangi áætlanir eftir.

Hermann Karlsson, varðstjóri hjá lögreglunni á Akureyri, hefur staðið í ströngu undanfarnar vikur og mánuði ásamt samstarfsfólki sínu í lögreglunni. Fyrir utan almenn lögreglustörf skall þriðja bylgja Covid-19 faraldursins harkalega á hér á svæðinu og hefur lögreglan upplýst fólk á hverjum degi um stöðuna í samfélaginu er varðar smit. Kom heimsfaraldurinn nánast í kjölfar mikils óveðursveturs sem hófst í desember í fyrra. Vikublaðið tók Hermann tali og forvitnaðist inn í líf og starf lögreglumannsins.

Áhyggjur eru uppi um framtíð áætlunarflugs til og frá Húsavík. Flugfélagið Ernir hefur flogið til Hafnar í Hornafirði, Bíldudals, Gjögurs og Húsavíkur en í sumar voru allar flugleiðirnar boðnar út nema leiðin til Húsavíkur.

Möguleikar á styttingu þjóðvegar milli Akureyrar og Reykjavíkur voru til umræðu á bæjarstjórnarfundi Akureyrar á dögunum.