Það verður hæglætisveður þessa viku ef marka má spá fyrir okkar landsvæði sem finna má á heimasíðu Veðurstofu Íslands www.vedur.is Hiti verður við frostmark og vindur frekar hægur s.s ljómandi haustveður.
Sjá nánar hér fyrir neðan.
Hársnyrtideild Verkmenntaskólans á Akureyri hefur verið tilnefnd til Íslensku menntaverðlaunanna fyrir árið 2022 í flokknum Framúrskarandi iðn- eða verkmenntun fyrir áhugaverða nálgun og frumkvöðlastarf í vinnustaðanámi.
Þrír bæjarfulltrúar, Hilda Jana Gísladóttir, S-lista, Sunna Hlín Jóhannesdóttir, B-lista og Jana Salóme Ingibjargar Jósepsdóttir V-lista vilja að Akureyrarbær geri þriggja ára samning við verkefnið frk Ragnheiður sem Eyjafjarðardeild Rauða krossins á Akureyri sér um, að upphæð ein milljón króna árlega.
Flugslysaæfing á Akureyrarflugvelli
Grófin Geðrækt er öflugt samfélag fyrir fólk sem er til staðar hvert fyrir annað
Framkvæmdir við nýbyggingu við Hofsbót 2 í miðbæ Akureyrar hafa ekki verið í gangi um skeið.
Hús Landsbankans á Akureyri, við Strandgötu 1 er til sölu.
Leikfélag Húsavíkur syngur sögu félagsins
„Það er algjörlega óhæft að einstaklingar fari í ræðustól og tali niður til annara sem bjóða sig fram til embætta innan Alþýðusambandsins, líkt og gerðist nú í vikunni. Ég vil birta það sem sagt var þarna þegar ég hef fengið það í hendur og þá getur fólk dæmt um það hvort þetta sé sú orðræða sem við viljum sjá frá forystunni,“ segir Trausti Jörundarson formaður Sjómannafélags Eyjafjarðar en hann bauð sig fram í embætti 2. varaforseta á þingi Alþýðusambands Íslands sem frestað var í vikunni.
Mikilvægri vörðu á langri leið háskólans á Akureyri til framtíðar hefur nú verið náð. Það er nokkuð víst að Háskólinn á Akureyri er rétt að byrja sína sókn. Frá stofnun hefur vöxtur háskólans verið hraður. Við höfum fengið að fylgjast með Háskólanum á Akureyri verða að einni helstu mennta- og rannsóknarstofnun landsins sem sýnt hefur fram á hvernig hægt er vaxa í síbreytilegum tækniheimi. Námsframboð hefur aukist jafnt og þétt og nám hefur eflst svo um munar. Nemendafjöldi Háskólans á Akureyri hefur aukist á ári hverju, en það er ekki skrýtið þar sem háskólinn hefur fengið viðurkenningu frá fræðasamsamfélaginu sem og nemum fyrir gæði og þjónustu. Auk þess er Háskólinn á Akureyri brautryðjandi í nýtingu fjarnáms hér á landi og hefur verið fyrirmynd fyrir aðra háskóla og opnað margar dyr fyrir fólk víðsvegar af landinu.
Dregist hefur að innleiða inn leiðakerfi hjá strætó
Vefurinn leitaði eftir áliti Jóhanns Rúnars Sigurðssonar formanns FMA á stöðu þeirri sem upp er komin í kjölfar frestunar á þingi Alþýðusambands Íslands (ASÍ)
Jóhann sem er staddur utan landsteina segir stöðuna verulega flókna.
Eins og fram hefur komið var þingi Alþýðusambandi Íslands (ASÍ) frestað fram á næsta vor með miklum meirihluta atkvæða.
Bæjarstjórn Akureyrar fjallaði um fjárlagafrumvarp ríkisstjórnarinnar fyrir árið 2023 og áhrif þess á Akureyri og nágrenni
Nýr og glæsilegur leikvöllur hefur verið tekin í notkun við Oddeyrarskóla á Akureyri. Klifurkastali sem þar var settur upp er einn sá stærsti og flottasti í landinu að sögn Andra Teitssonar formanns umhverfis- og mannvirkjaráðs Akureyrarbæjar.
Í dag, þriðjudaginn 11. október 2022, fer fram fyrsta doktorsvörnin við Háskólann á Akureyri einungis fimm árum eftir að háskólinn fékk heimild til að bjóða upp á doktorsnám.
Um leið og fyrstu snjókorn haustsins/vetrarins falla færist heldur betur líf í dekkjaverkstæði bæjarins. Lausleg könnum leiddi í ljós að þau verkstæði sem bjóða upp á tímapantanir eru uppseld þessa viku og þau hin sem taka við umferð beint af götunni, þar eru langar biðraðir.
Veðurspáin boðar hlýindi næstu tvo, þrjá daga en svo snýr til norðanáttar snjókomu og kulda þannig að liklega er ekki eftir neinu að bíða.
Verkefni frk Ragnheiðar á Akureyri, er merkilegt fyrir margra hluta sakir og er það sjálfboðaliðastarf sem þar er unnið er vægast sagt aðdáunarvert. Frú Ragnheiður á Akureyri, er skaðaminnkandi verkefni á vegum Eyjafjarðardeildar Rauða Krossins á Akureyri, sem hefur verið starfrækt í bænum frá árinu 2018. Verkefnið miðar að þjónustu við einstaklinga með erfiðan fíknivanda og veitir þeim, heilbrigðisaðstoð, sálrænan stuðning og nálaskiptaþjónustu. Unnið er samkvæmt hugmyndum um skaðaminnkun sem snýst m.a. um að draga úr jaðarsetningu þeirra sem glíma við erfiðan fíknisjúkdóm. Skjólstæðingar frk Ragnheiðar á Akureyri voru fyrstu átta mánuði yfirstandandi árs 32 talsins, komur í bíl Frú Ragnheiðar eru orðnar 262 á sama tíma.
Hlíðarskóli fagnar 40 ára afmæli
–Rannsókn meðal 4-8 ára barna á Akureyri og nágrenni, sem gæti haft fyrirbyggjandi áhrif hvað varðar ýmis heilsufarsvandamál síðar á lífsleiðinni
Fréttatilkynning: Spáð er afar slæmu veðri á sunnudag, 9. október, og óttast að sambærilegar aðstæður geti myndast á Akureyri og urðu 25. september sl. þegar sjór flæddi yfir hluta Oddeyrar og olli miklu tjóni. Vegna þessa hafa viðbragðsaðilar frá Norðurorku, Akureyrarbæ og Hafnarsamlagi Norðurlands gripið til ýmissa ráðstafana og aðgerðastjórn Almannavarnarnefndar Eyjafjarðar hefur verið virkjuð. Þetta kemur fram í tilkynningu sem send var á fjölmiðla.
Lögð var fram tillaga að breytingu á gjaldskrá velferðarsviðs Akureyrarbæjar fyrir árið 2023 á síðasta fundi ráðsins en málið var þar til umræðu. Almennt er lagt til að gjaldskrá hækki um 10%, en um er að ræða hækkun í félagslegri heimaþjónustu, heimsendum mat og matarkostnaði í skammtímaþjónustu.
Verulega hallar á konur þegar kemur að blóðgjöfum, en einungis tvær konur eru á móti sex körlum í hópi blóðgjafa hér á landi. Bilið milli karla og kvenna í nágrannalöndum okkar er mun minna, þar eru konurnar fleiri. Áform eru uppi um að breyta þessu og fá fleiri konur til að gefa blóð.
Blóðbankinn á Akureyri er starfandi á 2. hæð á Glerártorgi og var nú nýlega bætt við fjórða hjúkrunarfræðingnum sem þar starfar, en Birgitta Hafsteinsdóttir einn starfsmanna bankans segir að starfsemin hafi aukist undanfarið. „Við erum líka að auka svigrúmið til að fara í markaðs- og kynningarmál, en nú erum við um það bil að hefja kynningar á okkar starfsemi hjá fyrirtækjum og í skólum,“ segir hún.
