Tilboð Háskólans á Akureyri hagstæðara
Fjárhagsforsendur mennta- og menningarmálaráðuneytisins fyrir diplómanámi í lögreglufræði gerði ráð fyrir að tveggja ára nám kostaði 175 milljónir á ári. Kennsluþáttur tilboðs HA er 41,5 milljónum kr. lægri en þær forsendur ráðuneytisins. Í tillögu HA felast þó meiri umsvif í kennslu en kemur fram í útboðsgögnunum um diplómanámið, m.a. með því að bjóða upp á sveigjanlegt nám um allt land, möguleika á þriggja ára bakkalárgráðu í lögreglufræði og tækifæri fyrir starfandi lögreglumenn að ljúka prófgráðu á háskólastigi. Umsóknir eru þegar orðnar rúmlega hundrað og námið hefst 12. september.
Í tillögum HA er jafnframt lögð rík áhersla á eflingu rannsókna í lögreglufræði sem hingað til hafa verið af skornum skammti við íslenska háskóla. Þóroddur Bjarnason, brautarstjóri í lögreglufræði, segir afar brýnt að þróa rannsóknarstarf á þessu fræðasviði. Hann segir nauðsynlegt að byggja upp rannsóknasamstarf við innlenda og erlenda háskóla á þessu sviði og samvinnu við nýstofnað Mennta- og starfsþróunarsetur lögreglu (MSSL) við embætti ríkislögreglustjóra.
Háskólinn á Akureyri hefur hvorki aðgang að tillögum annarra menntastofnana vegna náms í lögreglufræði á háskólastigi né sundurliðaðri niðurstöðu matsnefndar mennta- og menningarmálaráðuneytisins. Í fréttum hefur komið fram að heildarkostnaður vegna kennslu í lögreglufræði við Háskólann á Akureyri sé hærri en tillögur Háskóli Íslands gerðu ráð fyrir. Þóroddur segir þetta rangt. „Miðað við þær tölur sem komið hafa fram í fjölmiðlum er kostnaður vegna kennslu í lögreglufræði við HA 6,8 milljónum lægri á ári en hann hefði verið við HÍ,“ segir Þóroddur.
Háskólinn á Akureyri telur mikilvægt að sátt og gagnsæi ríki um lögreglunámið. Þess vegna hefur háskólinn ákveðið að birta þátttökutillöguna í heild á vefsíðu sinni. Rektor Háskólans á Akureyri, Eyjólfur Guðmundsson, hvetur hina háskólana til að gera sínar tillögur einnig opinberar sem fyrst.
Tengdar fréttir:
Áratuga reynsla í uppbyggingu starfsnáms á háskólastigi
Innritun í lögreglunámið hefst innan skamms
Lögreglunámið til Háskólans á Akureyri
Nýjast
-
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027.
