Má segja að heimsfaraldurinn hafi bjargað málunum
Njáll Trausti Friðbertsson alþingismaður og flugumferðarstjóri á Akureyrarflugvelli síðastliðinn fimmtudag þegar óvænt óveður gerði að verkum að ekki var hægt að lenda á Keflavíkurflugvelli. Alls lentu átta farþegaþotur á Akureyrarflugvelli. Tveggja ára gamalt flughlað sannaði þar gildi sitt. Mynd Stefán Trausti Njálsson
„Það er forgangsmál nú á þessum tímapunkti að efla getu varaflugvallakerfisins til að það geti sinnt sínu hlutverki. Allt snýst þetta um flugöryggi, það er stóra málið,“ segir Njáll Trausti Friðbertsson alþingismaður og flugumferðarstjóri. Síðastliðinn fimmtudag, 26. febrúar lentu alls átta farþegaþotur á Akureyrarflugvelli eftir að Keflavíkurflugvöllur lokaðist óvænt vegna veðurs. Þá lentu fimm þotur á Reykjavíkurflugvelli og þrjár á Egilsstaðaflugvelli. „Það var mikill léttir að verða vitni að því hversu vel þetta gekk alls saman. Það hríslaðist um mig ánægjutilfinning þegar þetta var yfirstaðið, því er ekki að neita.“
Njáll Trausti segir að söguna á bak við nýja flughlaðið sérstaka að því leyti að þrátt fyrir mikla baráttu hafði framkvæmdin aldrei náð inn í samgönguáætlun. Í tengslum við heimsfaraldur, kovid 19 hafi þáverandi ríkisstjórn brugðist hratt við og farið af stað með sérstakt fjárfestingaátak á fyrstu vikum faraldursins í mars árið 2020.
Sögulegur dagur í íslenskri flugsögu
Meðal þeirra framkvæmda sem þá voru boðaðar var stækkun flughlaðs og stækkun flugstöðvarinnar á Akureyrarflugvelli. „Þessi ákvörðun þings og ríkisstjórnar í mars fyrir sex árum var því gríðarlega mikilvæg og eldist vel í samhengi við það sem gerðist sl. fimmtudag þegar Keflavíkurflugvöllur lokast óvænt og þotur nýta sér varaflugvelli í Reykjavík, á Akureyri og Egilsstöðum. Nýja flughlaðið á Akureyrarflugvelli sannaði þar mikilvægi sitt einungis tveimur árum eftir að það var tekið í notkun,“ segir Njáll Trausti en einungis fjórar til fimm farþegaþotur hefðu rúmast á gamla flughlaðinu.
„Þetta var sögulegur dagur í íslenskri flugsögu. Við höfum ekki séð neitt sambærilegt atvik í fjölda véla áður hér á Íslandi. Þannig að segja má að heimsfaraldurinn hafi bjargað málum . Það er, gert það mögulegt að fara í þessar framkvæmdir við flughlaðið og flugstöðina á Akureyrarflugvelli.“
Flugatvik fyrir 30 árum minnistætt
Njáll Trausti hefur um árin lagt mikið í þá baráttu að byggja upp varaflugvallakerfið hér á landi og segir að áhugann á því megi rekja til ýmissa atvika sem hann hafi lent í sem flugumferðarstjóri í flugturninum á Akureyri. Eitt standi upp úr, en það varð í september árið 1996, fyrir nær þrjátíu árum, en þá lokuðust allir flugvellir á Íslandi vegna þoku sem ekki var í veðurspá. „Allar flugvélar á leið til landsins lentu á Akureyrarflugvelli. Þetta ástand varði í um þrjár klukkustundir og fór svo að lokum að flugvöllurinn á Akureyri lokaðist einnig þegar flughlaðið var orðið yfirfullt. Síðasta vélin sem náði inn til lendingar komst ekki fyrir á flughlaðinu og lokaði flugbrautinni fyrir frekari lendingum.“
Varaflugvellir gegna mikilvægu hlutverki
Njáll Trausti bendir á mikilvægi Reykjavíkurflugvallar sem hafi sannað sitt gildi í óveðrinu í liðinni viku. Fimm farþegaþotur frá Icelandair náðu að lenda á vellinum. Sú sjötta var í aðflugi inn til Reykjavíkur þegar þurfti að snúa henni til Akureyrar, eftir að völlurinn í höfuðborginni lokaðist einnig vegna veðurs. Auk vélanna frá Icelandair lenti einnig herflugvél á Reykjavíkurvelli sem ekki gat lent í Kefalvík.
„Það eru fjórir alþjóðaflugvellir á Íslandi sem allir gegna mikilvægu varaflugvallarhlutverki hver fyrir annan. Þeir eru gríðarlega mikilvægt púsl í þessu púsluspili og þarna kom berlega í ljós hversu nauðsynlegu hlutverk Reykjavíkurvöllur gegnir.“
Nú í kjölfar þessa atburðar telur Njáll Trausti að huga þurfi strax að framkvæmdum við Egilsstaðaflugvöll. Sveitafélagið Múlaþing hefur nýlega lokið við skipulagsmál varðandi völlinn og varaflugvallagjaldið gæti fjármagnað þær framkvæmdir sen nauðsynlegar væru til að fara í svonefnda „lúppu“ akstursbraut við norðurenda flugvallarins.
Nýjast
-
Hvaða nám hentar þér?
Í næstu viku, miðvikudaginn 11. mars, verður Háskóladagurinn haldinn á Akureyri og okkur lék forvitni á að vita aðeins meira um viðburðinn. Við tókum því Sólveigu Maríu Árnadóttur, verkefnastjóra samfélagsmiðla og samskipta, og Silju Jóhannesar Ástudóttir samskiptastjóra tali, en báðar starfa við Háskólann á Akureyri. -
Má segja að heimsfaraldurinn hafi bjargað málunum
„Það er forgangsmál nú á þessum tímapunkti að efla getu varaflugvallakerfisins til að það geti sinnt sínu hlutverki. Allt snýst þetta um flugöryggi, það er stóra málið,“ segir Njáll Trausti Friðbertsson alþingismaður og flugumferðarstjóri. Síðastliðinn fimmtudag, 26. febrúar lentu alls átta farþegaþotur á Akureyrarflugvelli eftir að Keflavíkurflugvöllur lokaðist óvænt vegna veðurs. Þá lentu fimm þotur á Reykjavíkurflugvelli og þrjár á Egilsstaðaflugvelli. „Það var mikill léttir að verða vitni að því hversu vel þetta gekk alls saman. Það hríslaðist um mig ánægjutilfinning þegar þetta var yfirstaðið, því er ekki að neita.“ -
Verslunar- og þjónustulóðir verði iðnaðar- og athafnasvæði
Eik fasteignafélag hefur óskað eftir álits skipulags- og umhverfisnefndar Hörgársveitar á beiðni félagsins um breytingu á aðal- og deiliskipulagi Lónsbakka fyrir lóðirnar Lónsbakka og Dvergastein lóð. -
Fyrsti viðburður nýrrar Óperu verður í Hofi
Nýstofnuð ópera mun hefja starfsemi utan höfuðborgarsvæðisins, nánar tiltekið í Menningarhúsinu Hofi á Akureyri, með veglegum opnunarviðburði í haust. -
„Námið verður skemmtilegra þegar maður upplifir strax notagildi þess“
Mæðgurnar Fríða Freydís og Ásta Birna brautskráðust saman úr stjórnun frá Háskólanum á Akureyri á Vetrarbrautskráningarhátíð háskólans sem var haldin í Hátíðarsal háskólans 14. febrúar. -
Kosningabaráttan verður keyrð í gang eftir páska
„Það á eftir að koma í ljós á næstunni hvort og þá hverjir fylgi honum. Það skiptir eflaust talsverðu máli varðandi gengið í komandi kosningum,“ segir Grétar Þór Eyþórsson prófessor við Háskólann á Akureyri. „Spennan nú snýst svolítið um hvort hann nái með sér hluta af baklandi flokksins. Þá getur ýmislegt gerst.“ -
Raunhæf skref inn í sterkari framtíð
Sveitarfélagið Norðurþing stendur sterkt og mikil tækifæri til uppbyggingar. Á árinu 2024 var fjárfest fyrir um 500 milljónir og ríflega 700 milljónir árið 2025 í A-hluta. Það var mögulegt vegna aga í rekstri og innkomu síðastliðin ár. Engin ný lán hafa verið tekin á kjörtímabilinu fyrren nú þegar við verðum fyrir alvarlegu tekjufalli og fimmtíu milljónum minna í kassann á mánuði. Það er staðreynd sem við verðum að horfast í augu við af ábyrgð og festu. Slíkar aðstæður kalla á erfiðar ákvarðanir. Við megum þó aldrei gleyma því að á bak við hverja tölu eru störf fólks, fjölskyldur og þjónusta sem skiptir íbúa okkar miklu máli. Lántaka var nýlega samþykkt samhljóða og í samræmi við fjárhagsáætlun til að ljúka stórum framkvæmdum sem þegar eru hafnar eða á teikniborðinu eins og félagsmiðstöð og frístund við Borgarhólsskóla og hafnarframkvæmdir við Suðurgarð. Lántaka er varasöm ef engin langtímaáætlun er til eða pólitísk skammtímahugsun ræður för. -
Heilsu-sálfræðiþjónustan fagnar fimm ára afmæli sínu með opnu húsi
„Ég er ótrúlega stolt og ánægð af okkar starfsfólki og þeim árangri sem við höfum náð nú þegar við fögnum fyrstu fimm árunum í okkar starfsemi. Þessi ár hafa verið fjölbreytt, gefandi og lærdómsrík,“ segir Sigrún V. Heimisdóttir eigandi og framkvæmdastjóri Heilsu- og sálfræðiþjónustunnar á Akureyri. Í tilefni tímamótanna verður opið hús hjá stofunni í Glerárgötu 34, annarri hæð á morgun, föstudaginn 6. mars þar sem kostur gefst á að kynna sér starfsemina og þiggja veitingar. „Við erum á sama tíma að taka vaxtakipp og stækka,“ bætir hún við. -
Hafnasjóður Norðurþings dæmdur til greiðslu 91 milljónar króna eftir dóm Landsréttar
Fyrir stjórn Hafnasjóðs Norðurþings liggur krafa frá Gentle Giants upp á tæplega 91 milljón króna. Kröfan er gerð í kjölfar dóms Landsréttar, þar sem komist var að þeirri niðurstöðu að innheimta farþegagjalda hafnarsjóðs á árunum 2018–2025 hafi ekki staðist lög.
