Kosningabaráttan verður keyrð í gang eftir páska
Grétar Þór Eyþórsson prófessor við Háskólann á Akureyri
„Það á eftir að koma í ljós á næstunni hvort og þá hverjir fylgi honum. Það skiptir eflaust talsverðu máli varðandi gengið í komandi kosningum,“ segir Grétar Þór Eyþórsson prófessor við Háskólann á Akureyri. „Spennan nú snýst svolítið um hvort hann nái með sér hluta af baklandi flokksins. Þá getur ýmislegt gerst.“
Þórhallur Jónsson núverandi varabæjarfulltrúi Sjálfstæðisflokksins og fulltrúi flokksins í skipulagsráði tilkynnti um liðna helgi að hann hefði sagt skilið við flokkinn og ákveðið að bjóða upp á nýjan valkost í kosningunum á komandi vori, Akureyrarlistann. Þórhallur tapaði naumlega fyrir Berglindi Guðmundsdóttur, þegar fulltrúaráð raðaði saman framboðslista Sjálfstæðisflokksins.
Þórhallur kveðst hafa tekið þessa ákvörðun í kjölfar þess að hann fékk ekki sæti á lista Sjálfstæðisflokksins þrátt fyrir að hafa skilað góðu verki undanfarin tvö kjörtímabil. Hann hafi fengið mikla hvatningu frá fólki, bæði innan og utan við flokkinn.
Grétar Þór segir að enn sem komið er sé fremur rólegt yfir í aðdraganda kosninga, en tveir flokkar hafa birta framboðslista, Sjálfstæðisflokkur og Viðreisn sem býður fram í fyrsta sinn á Akureyri. Þá hafi L-listi kynnt nýjan oddvita, Óðin Svan Óðinsson og þrír hafi lýst yfir að þeir vilji skipa fyrsta sæti á sínum listum, Sunna Hlín Jóhannesdóttir fyrir Framsókn, Sindri S. Kristjánsson fyrir Samfylkingu og Jana Salóme Ingibjargar Jósepsdóttir fyrir Vinstri Græn. Hlynur Jóhannsson í Miðflokki verður að líkindum áfram í fyrsta sæti þar á bæ.
Skiptir miklu hver er á listunum
„Línur munu ekki skýrast strax, það er verið að undirbúa framboðin á fullu um þessar mundir og ég hygg að kosningabarátta fari ekki af stað af neinum krafti fyrir en strax eftir páska. Það er ekki verið að eyða miklu púðri og peningum fyrr en nær dregur, þannig að þetta verður snörp barátta eftir að hún verður keyrð í gang,“ segir Grétar Þór.
Hann bætir við að fyrir marga skipti meira máli hverjir séu á framboðslistunum og hverjir leiða þá enda oft ekki mikil átök í bæjarmálapólitíkinni varðandi málefni.
Grétar Þór segir að búast megi við að kjósendur á Akureyri hafi talsvert val um flokka nú þegar nýtt framboð, Akureyrarlistinn bætist við þá sem þegar hyggjast bjóða fram. Þá hafi verið boðað að eldri sjómenn ætluðu að bjóða fram, „en kannski hafa þeir fundið samhljóm með einhverjum flokki, það hefur ekki heyrst mikið í þeim undanfarið.“
Svipaðar aðstæður og 2010
Hann segir að aðstæður séu að hluta til svipaðar og var árið 2010 þegar Sigurður Guðmundsson yfirgaf Sjálfstæðisflokkinn og bauð fram Bæjarlista sem fékk um 9% atkvæða og einn mann í bæjarstjórn. Atkvæði hafi í þeim kosningum dreifst mikið og flestir flokkar verið að fá um og yfir 10% atkvæða. L-listinn fékk í þeim kosningum 45% og náði með því 6 mönnum inn, hreinum meirihluta. „Það er spurning hvort eins fari nú og atkvæðin dreifst nokkuð jafnt á milli framboða, sú gæti orðið raunin.“ Ekki virðist þó liggja í spilunum að neinn flokkur fái fylgi í líkingu við fylgi L-listans í kosningunum 2010.
Nýjast
-
Fyrsti viðburður nýrrar Óperu verður í Hofi
Nýstofnuð ópera mun hefja starfsemi utan höfuðborgarsvæðisins, nánar tiltekið í Menningarhúsinu Hofi á Akureyri, með veglegum opnunarviðburði í haust. -
„Námið verður skemmtilegra þegar maður upplifir strax notagildi þess“
Mæðgurnar Fríða Freydís og Ásta Birna brautskráðust saman úr stjórnun frá Háskólanum á Akureyri á Vetrarbrautskráningarhátíð háskólans sem var haldin í Hátíðarsal háskólans 14. febrúar. -
Kosningabaráttan verður keyrð í gang eftir páska
„Það á eftir að koma í ljós á næstunni hvort og þá hverjir fylgi honum. Það skiptir eflaust talsverðu máli varðandi gengið í komandi kosningum,“ segir Grétar Þór Eyþórsson prófessor við Háskólann á Akureyri. „Spennan nú snýst svolítið um hvort hann nái með sér hluta af baklandi flokksins. Þá getur ýmislegt gerst.“ -
Raunhæf skref inn í sterkari framtíð
Sveitarfélagið Norðurþing stendur sterkt og mikil tækifæri til uppbyggingar. Á árinu 2024 var fjárfest fyrir um 500 milljónir og ríflega 700 milljónir árið 2025 í A-hluta. Það var mögulegt vegna aga í rekstri og innkomu síðastliðin ár. Engin ný lán hafa verið tekin á kjörtímabilinu fyrren nú þegar við verðum fyrir alvarlegu tekjufalli og fimmtíu milljónum minna í kassann á mánuði. Það er staðreynd sem við verðum að horfast í augu við af ábyrgð og festu. Slíkar aðstæður kalla á erfiðar ákvarðanir. Við megum þó aldrei gleyma því að á bak við hverja tölu eru störf fólks, fjölskyldur og þjónusta sem skiptir íbúa okkar miklu máli. Lántaka var nýlega samþykkt samhljóða og í samræmi við fjárhagsáætlun til að ljúka stórum framkvæmdum sem þegar eru hafnar eða á teikniborðinu eins og félagsmiðstöð og frístund við Borgarhólsskóla og hafnarframkvæmdir við Suðurgarð. Lántaka er varasöm ef engin langtímaáætlun er til eða pólitísk skammtímahugsun ræður för. -
Heilsu-sálfræðiþjónustan fagnar fimm ára afmæli sínu með opnu húsi
„Ég er ótrúlega stolt og ánægð af okkar starfsfólki og þeim árangri sem við höfum náð nú þegar við fögnum fyrstu fimm árunum í okkar starfsemi. Þessi ár hafa verið fjölbreytt, gefandi og lærdómsrík,“ segir Sigrún V. Heimisdóttir eigandi og framkvæmdastjóri Heilsu- og sálfræðiþjónustunnar á Akureyri. Í tilefni tímamótanna verður opið hús hjá stofunni í Glerárgötu 34, annarri hæð á morgun, föstudaginn 6. mars þar sem kostur gefst á að kynna sér starfsemina og þiggja veitingar. „Við erum á sama tíma að taka vaxtakipp og stækka,“ bætir hún við. -
Hafnasjóður Norðurþings dæmdur til greiðslu 91 milljónar króna eftir dóm Landsréttar
Fyrir stjórn Hafnasjóðs Norðurþings liggur krafa frá Gentle Giants upp á tæplega 91 milljón króna. Kröfan er gerð í kjölfar dóms Landsréttar, þar sem komist var að þeirri niðurstöðu að innheimta farþegagjalda hafnarsjóðs á árunum 2018–2025 hafi ekki staðist lög. -
Leikfélag Hörgdæla setur upp glæpsamlega gamanleikinn Átta konur
Leikfélag Hörgdæla frumsýnir glæpsamlega gamanleikinn Átta konur, eftir Robert Thomas á Melum í Hörgársveit í kvöld, fimmtudagkvöldið 5. mars kl. 20. Mikið er um söngva og dans í verkinu. „Þetta hefur verið virkilega skemmtilegt ferli og ég hef sjaldan, ef nokkurn tíma hlegið svona mikið á einu æfingaferli. Leikhópurinn er stórkostlegur og það er unun að fylgjast með allri þessari leikgleði. Það er ekki annað hægt en að skemmta sér með hópnum,“ segir Kolbrún Lilja Guðnadóttir leikstjóri. -
Samningur um velferðar-, fræðslu- og frístundaþjónustu
Bæjarstjórn samþykkti samning Akureyrarbæjar við Eyjafjarðarsveit, Hörgársveit, Grýtubakkahrepp og Svalbarðsstrandarhrepp um velferðar-, fræðslu- og frístundaþjónustu með 11 samhljóða atkvæðum á fundi sínum s.l. þriðjudag og vísaði honum til seinni umræðu í bæjarstjórn. -
KEA gerist bakhjarl Driftar EA
KEA og Drift EA hafa gert með sér samkomulag sem miðar að því að efla frumkvöðlastarf, nýsköpun og uppbyggingu nýrra fyrirtækja á Norðurlandi. Með samkomulaginu gerist KEA bakhjarl Driftar EA og tekur þar með virkan þátt í að styrkja stuðningsumhverfi sprota- og vaxtafyrirtækja á Eyjafjarðarsvæðinu. Sterkir heimaaðilar koma nú saman að því að styðja við þessa mikilvægu umgjörð.
