Viljum enda þetta ár með sigri
Akureyri sækir Val heim í síðustu umferð N1-deildar karla fyrir jóla-og HM frí en liðin mætast í Vodafonehöllinni í dag kl. 15:45. Leikurinn er afar mikilvægur fyrir bæði lið sem eru á svipuðum slóðum í deildinni. Akureyri hefur 12 stig í fimmta sætinu en Valur hefur 11 stig sæti neðar. Þetta er svakalega mikilvægur leikur fyrir okkur. Við erum búnir að vera á góðu skriði og viljum enda þetta vel fyrir jól," segir Sævar Árnason aðstoðarþjálfari Akureyrar í samtali við Vikudag. Valsmenn hafa verið rokkandi það sem af er tímabils og nái Akureyri upp sömu stemmningu og í undanförnum leikjum segir Sævar að möguleikarnir séu góðir. Þeir í Val hafa í raun verið í sömu sporum og við. Verið svona upp og niður og að fá menn til baka eftir meiðsli. Þetta er ágætis lið en við stefnum að sjálfsögðu á tvö stig og það væri frábært að komast í 14 stig fyrir hlé.
Ánægður með stöðuna
Akureyringar hafa heldur betur stigið á bensíngjöfina eftir afar slaka byrjun á tímabilinu. Liðið vann einn leik af fyrstu sex en hefur nú ekki tapað í síðustu fimm leikjum, unnið fjóra og gert eitt jafntefli. Nú síðast vann Akureyri topplið Hauka á dramatískan hátt á heimavelli, 20-19, þar sem sigurmarkið kom á lokasekúndunni. Hlutirnir því farnir að líta mun betur út fyrir norðanmenn eftir rýra uppskeru í byrjun. Það má eiginlega segja að fyrstu leikirnir hafi verið eins og á undirbúningstímabili því að í allt sumar og allt haust hafa meira en minna verið 3-4 leikmenn meiddir. Við höfum aldrei á neinum tímapunkti síðan við byrjuðum að æfa í sumar verið með fullan hóp. Þetta hefur verið svolítið skringilegt og ennþá eru tveir leikmenn meiddir en það eru samt alltaf að koma fleiri og fleiri inn í þetta. Þannig að við erum bara sáttir með stöðuna eins og hún er núna og svo stefnum við á að æfa vel í janúar og koma ennþá sterkari til leiks í febrúar, segir Sævar.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.