Vilja reisa nýtt hjúkrunarheimili fyrir allt að 60 einstaklinga
Biðlistar eru langir eftir plássi á Hlíð en nýtt hjúkrunarheimili mun hýsa 60 einstaklinga. Mynd/Þröstur Ernir.
Bæjarráð Akureyrar hefur lýst yfir vilja til að ráðist verði í nýbyggingu hjúkrunarheimilis fyrir allt að 60 einstaklinga og mun tilkynna velferðarráðuneytinu um vilja bæjaryfirvalda. Akureyrarbær skipaði verkefnahóp í apríl í fyrra til að vinna tillögur um framtíðarmótun í þjónustu við eldra fólk á Akureyri.
Í niðurstöðu verkefnahópsins segir m.a. að fara þurfi í endurbætur og uppbyggingu húsnæðis ÖA til að heimilin verði í stakk búin til að takast á við fyrirsjáanleg verkefni á næstu árum. Þá er einnig tillaga hjá verkefnahópnum um að byggja nýtt hjúkrunarheimili í stað endurbóta.
Úrelt að stenst ekki nútímakröfur
Elsti hluti núverandi húsnæðis á Dvalarheimilinu Hlíð er úreltur og stenst ekki nútímakröfur eins og Vikudagur fjallaði um sl. vetur. Forstöðumaður á Hlíð sagði þá í samtali við blaðið að framtíð öldrunarmála í bænum væri í mikilli óvissu og algjört úrræðaleysi ríkti í málaflokknum. Þá benti hann á að starfsfólk væri að kikna undan álagi og biðlistar langir eftir plássi á Hlíð.
Guðmundur Baldvin Guðmundsson, formaður bæjarráðs Akureyrar, segir að með verkefnahópnum hafi bærinn viljað kalla fram þá valkosti sem væru í stöðunni varðandi húsakost hjúkrunarheimilanna.
Skoða möguleikann á endurbótum
„Við viljum skoða hver framtíðarsýnin er. Fjármálaáætlun ríkisins gerir ráð fyrir byggingu hjúkrunarheimilis á Akureyri og með bókun bæjarráðs erum við að lýsa yfir vilja til þess að farið verði í þær framkvæmdir,“ segir Guðmundur Baldvin. Hann segir málið vera á byrjunarreit. „Samhliða uppbyggingu nýs heimilis munum við svo skoða möguleikann á endurbótum og nýtingu á eldra húsnæði ÖA,“ segir Guðmundur.
Akureyrarbær greiddi alls 843 milljónir króna með rekstri Öldrunarheimilanna á árunum 20122016 þar sem daggjöld frá ríkinu dugðu ekki fyrir rekstrinum. Bæjaryfirvöld fóru fram á það við stjórnvöld að þau endurgreiddu þessa upphæð en þeirri kröfu var hafnað.
Funda með heilbrigðisráðherra
Guðmundur Baldvin segir að bæjaryfirvöld muni funda með heilbrigðisráðherra um málefni aldraðra í október. Hann bendir á að samningur Akureyrarbæjar við Sjúkratryggingar Íslands um rekstur Öldrunarheimilanna renni út um áramótin.
„Við viljum heyra frá stjórnvöldum hvernig þau sjá hlutina fyrir sér. Við viljum bæði ræða núverandi rekstrarfyrirkomulag og daggjaldagreiðslur og einnig hvaða stefnu menn vilja taka í þessum málum til framtíðar. Markmið viðræðanna verður að áfram sé hægt að veita öldruðum mannsæmandi þjónustu á hjúkrunarheimilum Akureyrarbæjar.“
Í upphafi ársins 2018 voru alls um 720 íbúar 80 ára og eldri á Akureyri. Þá voru á ÖA 183 rými, 171 hjúkrunarrými og 12 dvalarrými.
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.