Viðskiptavinum Sparisjóðs Höfðhverfinga fjölgar ört
Þjónustuskrifstofa Sparisjóðs Höfðhverfinga á Akureyri var opnuð þann 6. janúar sl. á neðstu hæðinni á Glerárgötu 36. Til að byrja með voru tveir starfsmenn á þjónustuskrifstofunni og átti framhaldið að ráðast af viðbrögðum Akureyringa og nærsveitarmanna. Mikið hefur verið að gera frá opnun þjónustuskrifstofunnar, áhugi fólks varð strax mikill og hefur viðskiptavinum Sparisjóðsins fjölgað ört. Starfsmenn á Akureyri eru nú orðnir fjórir og þjónustuskrifstofan orðin að fullgildu útibúi eftir að bætt var við gjaldkeraþjónustu sem ekki var lagt af stað með í upphafi. Útibúið veitir því alla almenna bankaþjónustu í dag. Áhersla er lögð á að veita persónulega og vandaða þjónustu. Jenný Jóakimsdóttir sparisjóðsstjóri segir á vef Grýtubakkahrepps að sannarlega sé pláss fyrir Sparisjóð Höfðhverfinga á Akureyri en hann er eini sparisjóðurinn í bænum og þjónustar einnig viðskiptavini annarra sparisjóða. Sparisjóður Höfhverfinga var stofnaður 1879 og er hann næst elsta bankastofnun landsins. Sparisjóðurinn hefur alla tíð verið lítill og í eigu heimamanna. Nú hefur orðið breyting á eignarhaldi Sparisjóðsins og nýir stofnfjáreigendur víðar af Eyjafjarðarsvæðinu hafa bæst í hópinn. Stærsti eigandi Sparisjóðs Höfðhverfinga nú er KEA. Í Sparisjóði Höfðhverfinga á Grenivík eru þrír starfsmenn en nú þarf að fjölga stöðugildum þar vegna aukinna verkefna. Sparisjóðurinn auglýsir eftir starfsmanni í fullt starf á Grenivík frá 15. maí nk., segir ennfremur á vef Grýtubakkahrepps.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.