Við Grímseyingar munum mótmæla þessu harðlega
Sigurður Bjarnason segir að fugli hafi verið að fjölga í Grímsey.
Sigurður Bjarnason í Grímsey segir að svartfugli hafi verið að fjölga mikið í eynni síðustu ár. Sjálfur hefur hann fylgst með þróuninni undanfarna áratugi því hann hefur stundað bjargsig í Grímsey í 40 ár og sl. vor tíndi hann m.a. um 2000 svartfuglsegg. Það er enginn heimamaður að tína svartfuglsegg og selja. Menn eru að tína fyrir sjálfa sig og til að gefa vinum og vandamönnum og maður hefur eignast marga vini út á svartfuglsegg.
Sem dæmi étur einn góður vinurminn, sem þykir þau góð, um 100 egg á hverju vori en þá fer nú kólesterolið úr böndunum, þannig að það er allt gott í hófi í þessu eins og öðru, segir Sigurður. Sjálfur borðar hann ekki nema eitt og eitt svartfluglsegg. En ég hef enn svo gaman af því að síga og tína egg.
Sigurður segir að ekki sé ástæða til að banna eggjatínslu eða veiðar á svartfugli í og við Grímsey en hins vegar sé full ástæða til að fylgjast með t.d. lundaveiðinni. Fólk sem ekki fær lunda fyrir sunnan kemur til með að sækjast eftir lunda hingað og sumir eru að veiða fyrir sig sjálfa og líka til að selja. Það er ekki auðvelt að hafa stjórn á þessu þar sem ríkið á svo stóran hluta lands hér í Grímsey. Við Grímseyingar teljum að þessi friðun sem talað er um í þessu frumvarpi sé ekki tímabær þar sem að öllum ber saman um að fugl sé alltaf að aukast hér og virðist hafa það gott, með nóg af æti. Eggjataka og fuglaveiðar eru mörgum sinnum minni en var á árum áður þegar margir seldu hér bæði egg og fugl til að drýgja tekjur sínar. Við Grímseyingar komum til með að mótmæla þessu harðlega. sagði Sigurður að lokum.
Einn stofn af hverri tegund
Eins og fram hefur komið, leggur starfsfhópur sem umhverfisráðherra skipaði, m.a. til að fimm tegundir sjófugla af svartfuglaætt verði friðaðar fyrir öllum veiðum og nýtingu næstu fimm árin. Starfshópnum var falið aðgeratillögur um aukna verndun og aðgerðir sem stuðlað geti að endurreisn stofnanna, þ.m.t. um eggjatínslu. Fjallaði hann um fimm tegundir svartfugla, þ.e. álku, langvíu, stuttnefju, lunda og teistu. Í skýrslu sinni leggur starfshópurinn áherslu á að hér við land sé einn stofn af hverri þessara tegunda þannig að staðbundin áhrif og breytingar hafa áhrif á um allt land og á viðkomandi stofn hér við land. Lagt er til að breytingar verði gerðar á veiðikortakerfinu þannig að veiðikort þurfi til allrar nýtingar villtra fugla, m.a. eggjatínslu. Einnig að bann við skotveiðum við fuglabjörg verði fært úr 500 metra í 2.000 metra fjarlægð frá björgunum.
Á fundi sínum í vikunni samþykkti ríkisstjórnin að umhverfisráðherra undirbúi frumvarp til breytinga á lögum um vernd, friðun og veiðar á villtum fuglum og villtum spendýrum á þann veg að ráðherra verði framvegis heimilt að setja í reglugerð ákvæði um stjórnun hlunnindanýtingar. Slík lagabreyting sé nauðsynleg forsenda þess að hægt verði að friða umræddar sjófuglategundir fyrir veiðum með það að markmiði að endurreisa viðkomandi stofna og treysta sjálfbæra nýtingu þeirra.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.