Nùvitund
Dýrleif Skjóldal átti lokaorðið í blaðinu sl. fimmtudag
Nokkuð hefur verið fjallað um núvitund og það að allir þurfi að ná tökum á þessar aðferð til að slaka á og núllstilla sig. Stress er fylgifiskur nútíma lífs og stundum verður það svo mikið að fólk hreinlega veikist. Án þess að vera sérstakur sérfræðingur í núvitund hefur mér skilist að galdurinn sé að vera hér og nú, í augnablikinu.
Í dag stundaði ég núvitund, þegar ég fór í berjamó. Að fara í berjamó snýst í mínum huga ekki um það að tína tugi lítra af berjum á sem styðstum tíma. Að fara í berjamó í mínum huga snýst um að komast út í móa, hlassa sér niður með litla dollu, tína upp í sig og láta eitt og eitt detta í dolluna. Þegar dollan er orðin full er kominn tími til að snúa sér að nestinu. Nestið er nauðsynlegur fylgifiskur þess að fara út í náttúruna. Allar ferðir verða betri ef nesti er með í för, sérstaklega þegar börn eru með.
Að lokinni nestisstund er gott að halla sér afturábak og horfa á skýin eða sólina, anda inn og út, njóta ilmsins frá lynginu og verða eitt með náttúrunni áður en byrjað er aftur að týna.
Þegar heim er komið er nauðsyn að eiga bæði rjóma og sykur svo hægt sé að borða þessi fáu ber sem koma heim. Það í sjálfu sér er sérstök núvitundar stund, það er nefnilega nánast heilög stund þegar maður borðar ársins fyrstu ber með rjóma og sykri.
Það ætla ég að gera á eftir. Mmmmmmm……..
Dilla.
Nýjast
-
Nùvitund
Nokkuð hefur verið fjallað um núvitund og það að allir þurfi að ná tökum á þessar aðferð til að slaka á og núllstilla sig. Stress er fylgifiskur nútíma lífs og stundum verður það svo mikið að fólk hreinlega veikist. Án þess að vera sérstakur sérfræðingur í núvitund hefur mér skilist að galdurinn sé að vera hér og nú, í augnablikinu. -
Aldrei fleiri stúdentar við Háskólann á Akureyri
„Nýnemadagar eru einn af mínum uppáhalds dögum hér í HA. Það er alltaf svo mikil tilhlökkun í loftinu, bæði hjá okkur sem erum fyrir og hjá þeim sem eru að stíga sín fyrstu skref í þessu geggjaða samfélagi. Ég man sjálf vel hversu spennandi það var að byrja hér og hvað það skipti mig miklu að finna strax fyrir hlýjunni og samheldninni sem einkennir HA,“ segir Dagbjört Elva Kristjánsdóttir, forseti Stúdentafélags Háskólans á Akureyri um næstu viku. -
Ég segi já!
Í stefnuyfirlýsingu ríkisstjórnar Samfylkingar, Viðreisnar og Flokks fólksins er kveðið á um að halda skuli þjóðaratkvæðagreiðslu um framhald viðræðna um aðild Íslands að Evrópusambandinu eigi síðar en árið 2027. Heimsókn Ursulu von der Leyen til Íslands hefur endurvakið umræðuna um Evrópumál sem hefur tekið talsvert pláss á hinum ýmsu miðlum. Undirrituðum sýnist sem svo að kosningabaráttan fyrir væntanlega þjóðaratkvæðagreiðslu sé farin á fullt, ekki síst fyrir tilstuðlan minnihlutans á þingi sem hefur þó hingað til verið alfarið andvígur því að þjóðin fái að segja sitt í þessu mikilvæga máli. -
Vilja byggja fimm hæða íbúðarhús á Gránufélagsgötu 45
Óskað hefur verið eftir því að gerð verði breyting á deiliskipulagi við Gránufélagsgötu 45 á Akureyri. Í breytingunni felst að heimilt verði að byggja á lóðinni allt að fimm hæða íbúðarhús fyrir um 25 íbúðir á bilinu 45-70 fm. -
Eyjafjarðarsveit - Leikskólinn Krummakot opnar í nýju húsnæði
,,Upp er runninn sérlega ánægjulegur dagur sem margir hafa beðið eftir í langan tíma,“ skrifar Finnur Ingvi Kristinsson sveitarstjóri á vef sveitarfélagsins af því tilefni.„Þetta er stór stund fyrir okkar sveitarfélag.“ -
Ævintýri gerast þegar dreymt er stórt
Skrapp bara sí svona á Norðurpólinn með afkomendum landkönnuða til að gera heimildamynd -
Hofsbót 1 og 3 SS-Byggi úthlutað lóðinni
SS-Byggir sem átti hærra tilboðið af tveimur sem bárust í lóðina við Hofsbót 1 og 3 í miðbæ Akureyrar hefur staðfest að fyrirtækið mun halda lóðinni og hefur það skilað inn tilskyldum gögnum. Þeir sem buðu voru annars vegar SS Byggir sem bauð 251 milljón króna og Sigtún Þróunarfélag bauð 235 milljónir. -
Listasafnið á Akureyri: Almenn leiðsögn og fjölskylduleiðsögn um helgina
Laugardaginn 23. ágúst kl. 15 verður boðið upp á almenna leiðsögn um sýningu Margrétar Jónsdóttur, Kimarek-Keramik, og samsýningu norðlenskra listamanna, Mitt rými. Jafnframt verður fjölskylduleiðsögn í boði um sýningarnar daginn eftir, sunnudaginn 24. ágúst, kl. 11. Aðgangur að fjölskylduleiðsögninni er ókeypis í boði Norðurorku og að henni lokinni er gestum boðið að búa til sitt eigið listaverk, innblásið af verkum sýninganna. En aðgangur að almennu leiðsögninni er innifalinn í aðgöngumiða á safnið. -
Beint frá býli dagurinn verður á Völlum
Beint frá býli dagurinn verður haldinn næstkomandi sunnudag, 24. ágúst. Þetta er í þriðja sinn sem efnt er til dagsins, en viðburðurinn hefur á skömmum tíma fest sig í sessi sem fjölskylduvænn hátíðisdagur í íslenskri sveit. Markmiðið er að vekja athygli á hugmyndafræði beint frá býli, efla tengsl milli framleiðenda og neytenda og hvetja fleiri til að hasla sér völl á sviði smáframleiðslu matvæla.