Ég segi já!
Ingvar Þóroddsson þingmaður Viðreisnar í Norðausturkjördæmi skrifar
Í stefnuyfirlýsingu ríkisstjórnar Samfylkingar, Viðreisnar og Flokks fólksins er kveðið á um að halda skuli þjóðaratkvæðagreiðslu um framhald viðræðna um aðild Íslands að Evrópusambandinu eigi síðar en árið 2027. Heimsókn Ursulu von der Leyen til Íslands hefur endurvakið umræðuna um Evrópumál sem hefur tekið talsvert pláss á hinum ýmsu miðlum. Undirrituðum sýnist sem svo að kosningabaráttan fyrir væntanlega þjóðaratkvæðagreiðslu sé farin á fullt, ekki síst fyrir tilstuðlan minnihlutans á þingi sem hefur þó hingað til verið alfarið andvígur því að þjóðin fái að segja sitt í þessu mikilvæga máli.
Ein helstu rökin gegn framhald viðræðna sem undirritaður heyrir reglulega frá þeim sem andvígir kunna að vera, eru að viðræður um aðild Íslands að ESB séu eingöngu „aðlögunarviðræður“, einhverskonar pólitískt nýyrði sem á að miðla þeim skilaboðum að það sé ekkert til að semja um í aðildarviðræðum.
Auðvitað er það ekki þannig að hægt sé að semja um allt. Til dæmis þá er bann við dauðarefsingum grundvallarregla hjá Evrópusambandinu. Land þar sem dauðarefsingar viðgangast fengi aldrei að semja um málið við inngöngu í ESB, það þyrfti einfaldlega að „aðlagast“ og afnema þær. Þetta mögulega ýkta dæmi er að sjálfsögðu ekki eitt af þeim málum sem yrðu til umræðu við inngöngu Íslands í ESB. Það sama gildir um fjölmörg önnur mál þar sem sömu gildi ráða för bæði á Íslandi og í Evrópu eða þar sem við höfum þegar samræmt regluverk okkar við Evrópu gegnum þátttöku okkar í EES.
En svo er það sem við þurfum að semja um og ég tel að okkur muni takast það. Það á ekki síst við um sjávarútveginn. Evrópusambandið hefur komið sér upp sameiginlegri sjávarútvegsstefnu sem verður að teljast afar rökrétt í ljósi þess að efnahagslögsögur aðildarríkjanna liggja þétt upp að hvor annarri og fiskistofnum er deilt. Það sama á ekki við um íslenska efnahagslögsögu. Því væri fullkomlega eðlilegt að tekið væri mið af sérstöðu Íslands þegar kemur að sjávarútvegi við hugsanlega inngöngu okkar í ESB.
Sigmundur Davíð Gunnlaugsson, þá formaður Framsóknarflokksins, sendi kjósendum bréf í sinni formannstíð þar sem hann tjáði sig um hver samningsmarkmið Íslands ættu að vera í aðildarviðræðum:
„Framsóknarflokkurinn er eini flokkurinn sem hefur markað sér skýra stefnu fyrir aðildarviðræður við Evrópusambandið og skilgreint samningsmarkið þeirra viðræðna. Framsókn hefur sett það sem skilyrði fyrir aðild að fullveldi og óskorað forræði yfir auðlindum þjóðarinnar verði grundvallarkrafa í þeim viðræðum, auk skilyrða sem lúta m.a. að hagsmunum landbúnaðar og sjávarútvegs. Fordæmi eru fyrir slíku í samningum annarra þjóða við Evrópusambandið og því algerlega rangt að halda því fram að þessar kröfur hamli því að af aðildarsamningi geti orðið."
Þessi orð tek ég heilshugar undir. Ég ætla að kjósa já í þjóðaratkvæðagreiðslunni um hvort Ísland eigi að nýju að sækja um aðild að Evrópusambandinu, því ég tel það vera rétt skref fyrir land og þjóð. Ég hyggst sem þingmaður leggja þunga áherslu á að í þeim viðræðum verði staðið vörð um íslensk yfirráð yfir íslenskum auðlindum, því þannig er hagsmunum Íslands best borgið. Ef á daginn kemur að það markmið næst ekki mun ég kjósa nei í þjóðaratkvæðagreiðslunni þar sem kosið er endanlega um hvort Ísland eigi að gerast aðildarríki eður ei, því að ég tek þátt í þessu verkefni með hagsmuni Íslands að leiðarljósi.
Höfundur er þingmaður Viðreisnar í Norðausturkjördæmi
Nýjast
-
Ég segi já!
Í stefnuyfirlýsingu ríkisstjórnar Samfylkingar, Viðreisnar og Flokks fólksins er kveðið á um að halda skuli þjóðaratkvæðagreiðslu um framhald viðræðna um aðild Íslands að Evrópusambandinu eigi síðar en árið 2027. Heimsókn Ursulu von der Leyen til Íslands hefur endurvakið umræðuna um Evrópumál sem hefur tekið talsvert pláss á hinum ýmsu miðlum. Undirrituðum sýnist sem svo að kosningabaráttan fyrir væntanlega þjóðaratkvæðagreiðslu sé farin á fullt, ekki síst fyrir tilstuðlan minnihlutans á þingi sem hefur þó hingað til verið alfarið andvígur því að þjóðin fái að segja sitt í þessu mikilvæga máli. -
Vilja byggja fimm hæða íbúðarhús á Gránufélagsgötu 45
Óskað hefur verið eftir því að gerð verði breyting á deiliskipulagi við Gránufélagsgötu 45 á Akureyri. Í breytingunni felst að heimilt verði að byggja á lóðinni allt að fimm hæða íbúðarhús fyrir um 25 íbúðir á bilinu 45-70 fm. -
Eyjafjarðarsveit - Leikskólinn Krummakot opnar í nýju húsnæði
,,Upp er runninn sérlega ánægjulegur dagur sem margir hafa beðið eftir í langan tíma,“ skrifar Finnur Ingvi Kristinsson sveitarstjóri á vef sveitarfélagsins af því tilefni.„Þetta er stór stund fyrir okkar sveitarfélag.“ -
Ævintýri gerast þegar dreymt er stórt
Skrapp bara sí svona á Norðurpólinn með afkomendum landkönnuða til að gera heimildamynd -
Hofsbót 1 og 3 SS-Byggi úthlutað lóðinni
SS-Byggir sem átti hærra tilboðið af tveimur sem bárust í lóðina við Hofsbót 1 og 3 í miðbæ Akureyrar hefur staðfest að fyrirtækið mun halda lóðinni og hefur það skilað inn tilskyldum gögnum. Þeir sem buðu voru annars vegar SS Byggir sem bauð 251 milljón króna og Sigtún Þróunarfélag bauð 235 milljónir. -
Listasafnið á Akureyri: Almenn leiðsögn og fjölskylduleiðsögn um helgina
Laugardaginn 23. ágúst kl. 15 verður boðið upp á almenna leiðsögn um sýningu Margrétar Jónsdóttur, Kimarek-Keramik, og samsýningu norðlenskra listamanna, Mitt rými. Jafnframt verður fjölskylduleiðsögn í boði um sýningarnar daginn eftir, sunnudaginn 24. ágúst, kl. 11. Aðgangur að fjölskylduleiðsögninni er ókeypis í boði Norðurorku og að henni lokinni er gestum boðið að búa til sitt eigið listaverk, innblásið af verkum sýninganna. En aðgangur að almennu leiðsögninni er innifalinn í aðgöngumiða á safnið. -
Beint frá býli dagurinn verður á Völlum
Beint frá býli dagurinn verður haldinn næstkomandi sunnudag, 24. ágúst. Þetta er í þriðja sinn sem efnt er til dagsins, en viðburðurinn hefur á skömmum tíma fest sig í sessi sem fjölskylduvænn hátíðisdagur í íslenskri sveit. Markmiðið er að vekja athygli á hugmyndafræði beint frá býli, efla tengsl milli framleiðenda og neytenda og hvetja fleiri til að hasla sér völl á sviði smáframleiðslu matvæla. -
Beint flug á Akureyrarflugvöll lykilatriði í ákvörðun um ferð um Norðurland
Þegar tekin var ákvörðun um að fljúga beint til Akureyrar með easyJet, Edelweiss eða ferðaskrifstofunum Voigt Travel og Kontiki skipti það sköpum að flogið var beint á áfangastaðinn. Stærsti áhrifaþátturinn í ákvörðuninni var náttúra landsins eða tiltekin náttúrufyrirbæri, en strax á eftir er möguleikinn á beinu flugi. -
Landvinnsla Samherja á Dalvík komin á fullt skrið eftir sumarleyfi
Vinnsla hófst í morgun af fullum krafti í fiskvinnslu Samherja á Dalvík eftir sumarleyfi starfsfólks en vinnsla hjá ÚA á Akureyri hófst í júlí eftir sumarleyfi. Jón Sæmundsson framleiðslustjóri á Dalvík hafði í nógu að snúast á þessum fyrsta degi.